الموضوع: الصور التجسسية الأولى لأوتوبيس أسكندرية الأحمر أبو دورين

المشاركة الأصلية كتبت بواسطة mragh

شكراً على الصور ، حاجه جميله فعلاً ، ياريت الناس تحافظ عليه

ما يتهيأليش يا باشا دى ثقافة شعب و افتكر الcta كان شكله إيه فى الأول و دلوقتى منظره بقى عامل ازاى من بره و من جوه.
مش كده و بس لا و على الرغم من إنه ممنوع الوقوف فيه على ما أسمع إلا إنك هتلاقى برده فى ناس واقفة زى الأتوبيس العادى تحس إن السواق حاجة من الأتنين يا بيحاول يحل أزمة المواصلات و صعبان عليه الناس اللى مش لاقيين حاجة يروحوا بيوتهم بيها و واقفين فى الشمس يا عينى
أو و الله أعلم بقى بيسمسر فلوس فى جيبه ما هى مالهاش حل تانى

المشاركة الأصلية كتبت بواسطة terrible_darsh

الاتوبيس ده لو اتعمل فى القاهرة مش هيكمل شهر الا لما يكون اقذر من هيئة النقل العام ( ابو ربع جنيه ) ..

و علشان تعرفوا ليه مينفعش فى القاهرة ابقوا اركبوه ان شاء الله فى اسكندرية فى الصيف و شوفوا هيبقي عامل ازاى لانى معتقدش ان فى مُصيف واحد مش هيركبه ..

و كمان مش عملى خالص فى شوارع القاهره .. نظرا لوجود كبارى و مرتفعات و انفاق كثيرة و كمان الازدحام السكانى المروع فى القاهرة يمنع اتوبيس زى ده انه يكون عملى ابدا .

و كمان 3 جنيه كتير جدا كنوع من المواصلات ..

+1000000000000000000000000000000

يا عم يبقى بخمسة جنيه بس وسيلة موصلات آدمية و محترمة و محددة مش عايمة زى التاكسى اللى دلوقتى بتركبه و انت عارف 100% إنك هتتخانق مع السواق فى آخر المشوار
ولا المترو اللى تحول لأتوبيس مقنع و أنا بيتهيألى الأوتوبيس أحسن على الأقل داخله هواء و شمس.

اي حاجة في اسكندرية بتبقى روعة ... لو حتى حنطور .
مبروك عليكوا يا اسكندرانية.
و علينا احنا كمان ..... موسميا على الاقل .

المشاركة الأصلية كتبت بواسطة ابو سيف

ايه النظافه دي

تسلم ايدك ع الصور

شوف انا عايز اقولك حاجة بالمرة انت قولت الاوتبيس احمر مع ان فيه منه برتقالي حتى اللى في الصور ... يا ترى دة له علاقه بالدوري؟؟هههههههههههه و الماتش اللى كان في اسكندريه؟هههه

تسلم يا باشا بجد ع الصور

هو كان قبل الماتش فيه ألوان برتقالي بس بعد الماتش لغوا اللون دة وبقا موحد كله أحمر اللون

المشاركة الأصلية كتبت بواسطة aif

شكرا ع الصور يا محمد
اسكندرية هيا اللي ح تحليه ....مش هو اللي ح حليها
فعلا اسكندرية لها طعم خاص في كل شيء
اهلها
وبحرها
ومواصلاتها

العفو وشكراً على كلامك الجميل وذوقك وعلى الهامش بس كدة أنا أسمي أشرف مش محمد ويشرفني أن يكون أسمي محمد وعموماً الأسمين من أسماء نبينا الكريم صلي الله عليه وسلم .