ايه رأيكم فى السوزوكى سويفت الجديدة ؟؟

**kareemhisham** · 27-05-2009 12:40 AM

ياريت يا جماعة العندو العربية او عرف حد عندو العربية يقول ,,
انا بسال على الثبات ايه اخباره ؟؟
الحرق و الشد و الجرى ايه اخباره ؟؟
و يا سلام لو تقولولى رأيكم فى العربية

**Demirell** · 08-06-2009 01:44 AM

على فكرة العربية دي في رأيي مش صفقة رابحة! :)

يعني هي صحيح ليها سمعة كويسة وشكلها حلو وشيك......بس لما ركبتها حسيت إنها ضيقة وخاماتها مش قد كده وأغلبها بلاستيك

وغير كده أنا شايف إن سعرها عالي شوية عليها....يعني أنا رأيي إن في range السعر ده في حاجات كتير أحسن منها زي الفييستا والجراند بونتو والـ 207 والماتيريا والـ SX4 والتيدا

إنما السويفت عشان يتقال عليها صفقة رابحة مفروض تكون بنفس سعر السيريون الـ 1500 مثلاً....مش أكتر من كده

**m7nsh** · 08-06-2009 07:37 AM

متفق تماما مع Demirell فى كلامه من ناحيه السعر ,, لأنى الصراحه مشفتهاش من جوه لحد دلوقتى

اعتقد سعرها معدى الميت الف ,, فعلا كتير عليها و هى 1500 اوتوماتك اينعم فول اوبشنز و 2 ايرباجز و ABS بس برده كتير !!

و فعلا لو كانت فى حدود 90 95 بالكتير كانت تبقى تمام (زى السيريون فعلا ال1500 اعلى فئه فيهم ب 92 تقريبا حاجه كده ),, اكتر من كده اعتقد مغالاه بدون مايستحق

**Demirell** · 08-06-2009 02:47 PM

الله يكرمك يا محنش.....الحمد لله إن في حد موافقني

السويفت الأوتوماتيك دلوقتي بـ 110 ! في حين إن السيريون الـ 1500 (الأوتوماتيك برضه طبعاً) بـ 93 ونص!

فا أنا مش عارف يعني ليه فرق السعر الرهيب ده.....مع إن الإتنين 1500 ونفس الكماليات
والإتنين في رأيي في نفس الفئة والسيريون الـ 1500 من وجهة نظري تعتبر منافس مباشر للسويفت!

بس طبعاً سعر السويفت المبالغ فيه خلاها تخرج من المنافسة تماماً......ربنا يهديكم يا مودرن موتورز!

**kareemhisham** · 08-06-2009 08:36 PM

كلامكم صح %100 ,, و انا رحت اتفرجت على العربية و طلعت صغيرة بطريقة غبية

**salahlaw** · 24-06-2009 01:14 PM

للأسف كلامكم غير دقيق شوية العربية دي لاتقارن بما ذكرتموه من موديلات لأن فيها امكانات عالية جدا مثل ABS- EBD - VVT غير الفول اوبشين العادي وسبب ارتفاع سعرها هو ان نظام التعليق والعفشة تصميم وصناعة الماني-ياباني علشان تكون سيارة رياضية 100x100 لكن انا معاكم انها صغيرة من الداخل و sx4 اوسع منها بكتير وده يتوقف على احتياجات كل شخص هل هو يريد سيارة شبابية او عائلية وشكرا

**zezo13178** · 30-06-2009 05:40 PM

العربيه فعلا غاليه بطريقه مبالغ فيها , العربيه مبيعاتها قليله جدا و حتتعبك في اعاده البيع وسمعت ان قطع غيارها غاليه

**suzuk** · 30-06-2009 08:55 PM

والله يا استاذى الفاضل انت راجل بتفهم وملم ومش بتتكلم وخلاص

**angelheart** · 01-07-2009 03:21 AM

يا جماعة على فكرة العربية دى احسن من السيريون طبعا ....وشكلها تحفة ...واعتقد مش معنى ان عربيتين نفس الفئة ونفس الكماليات يبقو بسعر واحد ...

طب مهو الياريس ال 1300 ب 105 الف جنيه ...ومفيهاش جنط كمان...

انا شايف ان سعرها منطقى جدا...لانها بتقارن بالياريس وبالسيتى...

لكن السيريون ..معروف ان ثمنها رخيص...زى اغلب عربيات دايهاتسوا...

نفس الكلام ..التيريوس والفيتارا...مهم فئة واحدة ...بس الفيتارا اغلى ...لأن الغالى ثمنه فيه..

بس عموما عربيات سوزوكى اروش وشكلها عصرى اكثر ...واداءها افضل على ما اعتقد ...من سحب لعفشة لثبات وكله ....وبعدين السويفت موديل مشهور وكفاءة طول عمره ...

**aymoonoo** · 12-07-2009 05:01 AM

والله يا شباب انا اعارض البعض واوفق البض موضوع سعرها هوا شويه عالي بس مش كتير مقارنه بالمواصفان وانها ياباني مش كوري والكلام الفاضي ده مع احترامي للكل والتاني العربيه ضيقه عشان انتو بتتكلمو عالهاتش باك وطبعا السيدان الجديد مش نازل ولا اظن انه هينزل خالص والي بيجيبها مش هيجبها عشان يركب العيله كل يوم معاه وانا اظن السوفت الغلطه الي عملوها انهم عملو الهاتش باك للعاءله صغيرة الأفراد وياريت محدش يكون زعل من كلامي عشان ده واقع ومينفعش نقارنها بالعربيات الي فوق واسعارهم عشان كل عربيه ليها موصفاتها ومميزاتها وعيوبها مفيش عربيه كامله لو في مكنتش لقيت العربيات دي كلها

الموضوع: ايه رأيكم فى السوزوكى سويفت الجديدة ؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

عاوز اعرف معلومات عن السوزوكى سويفت الجديدة

موبينه السوزوكى سويفت

صيانة السوزوكى سويفت

عايزة استفسر عن السوزوكى سويفت

مانيوال السوزوكى سويفت الجديدة

الكلمات الدلالية لهذا الموضوع

المفضلات

المفضلات

ضوابط المشاركة