السلام عليكم
ممكن الاعضاء يقترحو علي عربيه هاتشباك في رينج ال80 الف؟
انا مش هكتب اشتراطات علشان اسيب مجال للنقاش
و شكرا
عرض للطباعة
السلام عليكم
ممكن الاعضاء يقترحو علي عربيه هاتشباك في رينج ال80 الف؟
انا مش هكتب اشتراطات علشان اسيب مجال للنقاش
و شكرا
جين 2 ..........
toktok honda kser 3dad
بما انك سبتها مفتوحه على البحرى ومحددتش شروط
فانا هاقولك كل العربيات اللى فى السوق تقريبا وحضرتك تفاضل مابينهم بقى
فيات بونتو كلاسيك 66
جيتز مانيوال 72.500
جيتز اوتوماتيك 78.500
افيو 5 مانيوال 75
افيو 5 اوتوماتيك 81
سيريون 1300 مانيوال 80.500
frv مانيوال 75
frv مانيوال فل اوبشنز 82
شوف حضرتك هاتستبعد ايه وهتقارن بين ايه وايه
وربنا يهديك للى فيه الخير
فى رايى
الافيو 5
الجيتز
ال frv
اكيد جين 2
Gen2 مانيوال و لو انها ب 84,000
Getz مانيوال ب 72,500
Getz اوتوماتيك ب 78,500
frv مانيوال 75,000
frv مانيوال فول اوبشنز 82,000
و ممكن سيريون مانيوال 1000 سي سي فول اوبشنز ب 69,000
او سيريون مانيوال 1300 سي سي ب 80,500
بونتو مانيوال ب 65,900
و في كمان الستروين C3 مانيوال ب 84,500
هي عربيه جميله جدا بس مانصحش حضرتك بيها لان قطع غيارها تقريبا مش موجودة
انا من كل هادول لو بختار بختار ال frv
يليها ال Gen 2
و ربنا يوفقك لما يحبه و يرضاه
انا عارف انك بتفكر في البونتو كلاسك بس نفسي تفكر في الجراند هي صحيح بـ 000و90 بس تستحق انك تحوش شويه او تستني اول السنه لما الجمارك تقل
اقتباس:
المشاركة الأصلية كتبت بواسطة TheEgyption
بصراحة الجراند بونتو عربيه تستحق الانتظار
بس لانها مش في نفس الرينج اللي دكتور امير حاطه فعشان هيك مش حطيتها في الاختيارات
ياريت تفكر فعلا فيها يا دكتور و لو كسر زيرو
عربيه خرافه:verygood:
:verygood:gen 2
gen-2 أكيد
Gen 2
Aveo 5
جين 2
كويسه جدااا ومناسبه
وانتشرت كتير جدا عن الاول
Gen 2
وبعدين
gen 2
وبعدين
gen 2
وبعدين بقى يا سيدى
gen 2 بردو
وكل واحد ودماغه
جين طبعا
سيريون وان .........هاتديلك اداء روعة و يابانى مية المية و توفير بنزين رهيب و موتور جامد ......و هاتوفر حوالى 10 الاف جنيه ....انت اولى بيهم .
وبعدها
سيريون 1300........عربية جميلة و يابانى و موتور اقوى .....و بالمبلغ اللى انت عاوزوه ...............تكييف حلو و سحب حلو وواسعة جدا من جوة ....دور عليها و اركبها و انت تعرف انها ممتازة .
لو هختار ليا انا هاختار
1-جيتز مانيوال 72.500 : قبل 100 كم\ساعة اكبر تسارع و انا مش هامشى باكتر من السرعة دى تبقى عربيتى احسن عربية , حد مقبول من الرحة , سهولة المناورة داخل البلد ، شكل جيد , توكيل سىء
2-فيات بونتو كلاسيك 66 : ايطالى ، تكنولوجيا اقل-على ما اعتقد-و اعتتمادية اعلى - و اقتصادية جدا ، توكيل سىء
و بما انى مقاطع و مع الحملة فانا ارجو من حضرتك يا دكتور امير رجاء حار تاجيل قرار الشراء حتى يرجع التجار عن جشعهم
جين2 الاقوى طبعا يادكتور
شكرا علي التفاعل و المشاركه
الافيو الهاتش باك مرفوضه
السيتروين مرفوضه
الجراند بونتو مرفوضه( البونتو في نظري احلي منها شكلا بكتييييير)
السيريون (ارائي و كلامي كله عنها في المنتدي مش هيسر اي حد من ملاكها)
جيتز مرفوضه
ال frv ممكنه شكلا و تابلوه و صالون لكن الباقي معرفش عنها حاجه تخليني اشتري
كل ده مرفوض؟!!!!
امال ايه بقي اللي مرشح
خدو عنكو
بونتو كلاسيك
جين تو
و الاختيار الاخير اللي محدش اتكلم عنه( كما توقعت مسبقا) و هو الميني فابيا
تقريبا مفيش حد في المنتدي اشتراها ولا شافها ولا يعرف عنها حاجه من اصله و يشكر علي كده ارتوك اوتو
اقتباس:
المشاركة الأصلية كتبت بواسطة amir
اللي مخلانيش احط الميني فابيا برضه سعرها يا دكتور و لو انه الاختيار كان براسي
عموما انا لو هختار لنفسي من بين الاختيارين اللي حضرتك حطتهم هختار البونتو كلاسيك طبعا
ما سمعت حدا بيشتكي منها
و ربنا يوفقكـ
جين تو وطبعا ياريت فيات جراند بونتو
انا شخصيا مرشحتش الفابيا عشان سعرهااقتباس:
المشاركة الأصلية كتبت بواسطة amir
حضرتك قلت فى حدود ال 80 والمينى فابيا سعرها 89
وبرضه مرشحتش لحضرتك الجين عشان سعرها 85 مانيوال
وكمان معرفش هى تتصنف هاتش باك ولا ايه
فكدا مفيش غير بونتو كلاسيك وجين 2
ولا ايه
جين تو تعتبر هاتش
وحلوة جدا
جين 2
جراند بونتو
جيتز
skoda fabia at first ,
then gen two
.
الجيتزممتازه جدا عن تجربه
وطبعا اسمع ان الجراند بونتو تحفه بس هى سعرها أعلى
الميني فابيا مرفوضه
جراند بونتو لو مفيش مشكلة فى فرق السعر ...... بعد كدا كلو زى بعضوو .. جين2 او فابيا او سيريون
جين 2 عربيه جميله جدا وكليه بيشكر فيها موتور وكماليات وشكل مشكلتها التقفيل معرفش اتحل في الموديلات الاخيره ولا لا بس عربيه جميله جدا ماشاء الله
هو ايه حكايه الجين 2 كلت عقل الناس أي مقارنة لأي عربيات لازم تدخل فيها الجين 2 و تكسب!!! يا ترى هيه مستاهلة الضجة الي معموللها دبه كلها؟؟؟؟؟؟؟؟؟؟؟؟؟؟ أنا المنتدى ده أقنعني فعلا بالجين 2 مع إنها كانت خارج الحسبان
هقول لحضرت نتائج بحث 5 شهور على المنتدى دة على نفس العربيات المذكورة:
جيتز: مشكلتها إنها البادي بتاعها صغير على قوة المتور بتاعها 1600 وبالتالي خفيفة ومش ثابتة على الأرض في السرعات العالية غير كدة هي عربية جميلة وفيها كل الكماليات
أفيو 5 : كل الأفيو فيه مشكلة في ال rpm وصاجها ضعيف والمانيوال مفيهاش كماليات كتيرة ولا زجاج خلفي ومرايات كهرابا ولا كاسيت سي دى وبردة خفيفة على الطريق
الأتوماتيك منها فيها كماليات أكتر
سيريون : بيشكوروا فيها وفيها جميع الكماليلت بس قطع غيارها نااااااااار
frv : ملاكها عجباهم جدا بس الناس متخوفة من كونها صيني ولسه متجربتش على المدى الطويل
بونتو كلاسيك :إيطالي وتقفيل إيطالي من بلد المنشا وعربية معمرة بس موتورها مش قوي أوي 1245cc
هي عربية مدن أكتر ومتستحملش حمولة كتيرة بس في المجمل هي عربية كويسة جدا
وربنا يوفقك للخير وأي إستفسار إحنا في الخدمة
ليه الميني فابيا مرفوضة
أنا بفكر أشتريها و معجب بيها جداًًً ، لو تعرف عنها حاجة وحشة ياريت تفيدني أفادك الله