مشكلة بسيطة لو حد عنده حل ..

**Terrible_DaRsH** · 27-05-2009 08:09 AM

مشكلة بسيطة يا جماعة و لكن نتائجها مش بسيطة خالــــص ..

للاسف انا عندى مشكلة فى خط الكتابة بتاعى ..

الا و هى ان الخط مش منسق خالص . الكلام مش مظبوط كده و حبة فوق و حبة يمين و حبة شمال .

و المشكلة هنا ان اللى بيصحح الكلام ده اكيد بيتخنق من الكتابة لان انا شخصيا مخنوق منها ما بالك باللى بيقراه .

اللى عنده حل للمشكلة دى يا جماعة ينجدنى رجاء .

لان امتحانى كمان كام يوم ان شاء الله و مش عارف اعمل ايه ..!

**kh_talaat** · 27-05-2009 09:52 AM

أولا ربنا يوفقك في الإمتحان وتجيب أعلى الدرجات

طبعا موضوع الخط دة صعب انه يتغير في يوم وليله والإمتحان خلاص كمان كام يوم بس أسرع نصيحه أقدر أقولها لك انك حاول على قد ما تقدر يكون الحروف واضحة والكلام واضح ... مش مهم التنسيق بس المهم يكون الكلام مقروء عشان المصحح ميفهمش الكلام بالخطأ

**A.Saad** · 27-05-2009 08:37 PM

فيه كراسات خط عربى لتحسين الخط
هتلاقيها فى المكتبات الكبيرة او نهضة مصر فى الفجالة
وكمان فيه مدارس بتعمل انشطة لتحسين الخطوط فى الصيف
بس على فكرة
الخط الوحش دليل العبقرية

زميلك فى الخط الوحش

**نور القمر** · 27-05-2009 09:01 PM

حاول وانت بتذاكر اليومين دول تذاكر بالورقه والقلم وحاول تمشي على السطر والحروف اللي مش واضحه عندك عود نفسك تكتبها بطريقه واضحة وشوية شوية هاتلاقي نفسك اتحسننت
وعموما الخط الجميل موهبة من عند ربنا ومش مهم يكون خطك جميل المهم يكون مقروء وحروفه واضحه
وربنا يوفقك ان شاء الله يا درش

**Terrible_DaRsH** · 27-05-2009 09:16 PM

ميرسي يا نور . يسمع منك ربنا .

**هيثم** · 27-05-2009 11:14 PM

انا حاسس بيك عشان اخوك بردو بيكتب خط دكاتره الحل اللى انا مجربه انى اكتب بالراحه وياريت لو كل حرف يكتب بتانى وبخط كبير هتلاقى نتيجه معقولة و على المدى البعيد ممكن مدرسة خطوط اللى جربو جابت معاهم نتيجة كويسة

**mohmd76** · 28-05-2009 01:18 AM

اشترى قلم مكتوب عليه قلم خط عربى 3 ملى وهو عن طريقه ستتعلم الكتابه بانتظام لان السن عريض وستسطتيع ان تكتب كانك خطاط

**Terrible_DaRsH** · 28-05-2009 02:35 AM

و القلم ده موجود فين و لا فى اى مكتبة ؟؟؟

**EL_3OMDA** · 28-05-2009 04:02 AM

حاول تكتب نسخ مش رقعه بحيث يكون كل حرف باين هوا ايه دا وكل كلمه بينها وبين اللى بعدها مسافه متساويه هتلاقى شكل الصفحه فى الاخر حلو والخط بيتقرى وانصحك لو امتحان اكتب بطبيعتك علشان متفقدش ولو جزئ من تركيزك فى حاجه تانيه غير الامتحان
بالتوفيق ان شاء الله