هزه فى الغيار الاول و التالت فى عصا الفتيس

**geli3000** · 27-05-2009 01:14 PM

انا عربتى لانوس 04 على الغيار الاول لما بشيل رجلى من الدبرياج عصاية الفتيس بتتهز جامد وال rpm بتاع العربية بينزل ويطلع عالطول وعلى الغيار التالت لمل ازود بحس بالهزه حتى بدون ضغط على الدبرياج بس على الغيار الاعلى من كده مفيش حاجه وعلى فكره العربية على الاول بعد رفع الدبرياج بتتنتر بس خفيف مع نتره عصا الفتيس ارجو الفاده

**MMamdouh** · 27-05-2009 03:44 PM

اكشف على قواعد الموتور

MMamdouh

**samirayad** · 27-05-2009 03:59 PM

قولنا على كل البيانات المطلوبه ......وموجوده فى المواضيع المثبته فوق الصفحه ..............علشان نقدر نحلل المشكله صح وبالتفصيل ( وجميع الخطوات )

**SBkr** · 27-05-2009 11:13 PM

عزيزي نفس الهزة دي موجودة عندي في النوبيرا بتاعتي علي الغيار الأول و الثاني ونفس ظروفك بالظبط و موجودة حتي بدون الضغط عل الدبرياش انا بحاول اسايسها لحد ما اروح لمركز صيانة كويس وغالبا عيسي في المنصورة هجربة لانة بالقرب من منزلي و اعتقد اما قواعد الماتور أو ماستر الدبرياش والغالب الأخير لأني ملاحظ ان جلد قواعد الماتور عندي كويس ...... عيب وحش وتشعر بأن آلات الجر موش محكمة

**samirayad** · 28-05-2009 12:02 AM

المشاركة الأصلية كتبت بواسطة ahmedfra

ازاى بيتم الكشف على قواعد الموتور هل لازم تتفك و لا ممكن تتعرف حالتها و هى راكبه . و ممكن اعرفها انا و لا لازم ميكانيكى

بتتعرف حالتها والموتور راكب مكانه ( لأن بيكون فيه جلب حديد مطبخ حواليها كاوتش مخصوص ) ولما القاعده بتيقى بايظه بيبان من شكل التلف بتاع الكاوتش ده.............والهدف من الكاوتش اللى حول جلب القواعد هو أمتصاص الذبذبات بتاعة المحرك وبيسموه مخمد أو مهدى مرن elastic absorper ......زى نظام المساعدين كده لما بتساعد السوسست فى أمتصاص وعمل أخماد لذبذبة العجل فى المطبات والطرق المكسره وخلافه.........

**geli3000** · 29-05-2009 04:52 PM

المشاركة الأصلية كتبت بواسطة sbkr

عزيزي نفس الهزة دي موجودة عندي في النوبيرا بتاعتي علي الغيار الأول و الثاني ونفس ظروفك بالظبط و موجودة حتي بدون الضغط عل الدبرياش انا بحاول اسايسها لحد ما اروح لمركز صيانة كويس وغالبا عيسي في المنصورة هجربة لانة بالقرب من منزلي و اعتقد اما قواعد الماتور أو ماستر الدبرياش والغالب الأخير لأني ملاحظ ان جلد قواعد الماتور عندي كويس ...... عيب وحش وتشعر بأن آلات الجر موش محكمة

طيب يا ريت تقولى عمل ايه بالضبط الله يكرمك لماا تعملها

**geli3000** · 29-05-2009 04:58 PM

المشاركة الأصلية كتبت بواسطة mmamdouh

اكشف على قواعد الموتور

mmamdouh

اكشف على تثبيتهم و ربطهم يعنى اخلى الميكانيكى يربطهم ويكشف على تثبيت الفتيس؟
وهو محمد عبده ممكن يشفولى المشكله دى انا ساكن فى فيصل بس مش عارف هو فين ومتعملتش معاه قبل كده وشكرا

**MMamdouh** · 30-05-2009 04:06 PM

المشاركة الأصلية كتبت بواسطة geli3000

اكشف على تثبيتهم و ربطهم يعنى اخلى الميكانيكى يربطهم ويكشف على تثبيت الفتيس؟
وهو محمد عبده ممكن يشفولى المشكله دى انا ساكن فى فيصل بس مش عارف هو فين ومتعملتش معاه قبل كده وشكرا

طبعا عبدة يقدر يكشف عليهم و المشكلة مش فى ربط القاعدة... المشكلة فى قطع الكاوتش اللى فى القاعدة و دى سهل الكشف عليها

عنوان عبدة و تليفونة موجود فى لينك داخل الموضوع المثبت "كل ما يهمك عن الدايو"

MMamdouh