الموضوع: هيجرى اية لو ركن زى الناس ؟؟

المشاركة الأصلية كتبت بواسطة mohamed_refaat

هو دة تقريبا عامل كدة علشان الشمس بتبوظ التابلوة والفرش وبتسخن العربية ومفيش تكييف .
وانا شايف انة شارع جانبى يعنى مش الاوتوستراد ولا المحور مثلا فعادى يعنى يروش نفسة ويبعد عن الشمس الدنيا مش كلها اتصلح حالها وفاضل نعدلة ركنتة .

ما هو علشان كدا
مصر حالها عمره ما هاينصلح ........

هي جات عليا أنا ؟؟
هو أنا اللي هاصلح الكون ؟؟
ده طريق فرعي ... عادي يعني ؟؟
تابلوهي أهم من الشارع و اللي فيه ؟؟؟
عربتي أهم من أي حاجة في الوجود ؟؟

للآسف كل واحد بيفكر في نفسه فقط لا غير .
لو غيرنا طريقة تفكيرنا و بدأنا بنفكر في غيرنا قبل ما نفكر في نفسنا ......... الدنيا هاتبقى جميلة .

عموما التابلوه له حل ....... و هو يغطيه
أو يشتري عواكس لونها فضي و يحطها على التابلوه .
مش يسد طريق المشاة و يطلع على الرصيف !!!!!!!!!!

المشاركة الأصلية كتبت بواسطة dr_smart

انا مش عارف ايه اللي مزعلك يا بيه بس ؟ طالما مش قافل على حد ولا واخد مكان عالفاضي

وبعدين الناس اللي مابتصدق وتشغل اسطوانة الهجوم على مصر والمصريين يهدوا اللعب شويه ... مانتو كمان منها ! مش لازم نعمل من الحبه قبه ... فينا اللي مكفينا

+1000000

أعتقد والله أعلم انه ركن بالشكل دة لأنه لما جه يركن ملقاش ولا مكان يركن فيه غير المكان الضيق دة فإضطر يركن عمودي

بس طبعا دة مش مبرر

المشاركة الأصلية كتبت بواسطة khalid_mostafa

انا ملاحظ انه مش لوحده وا فيه عربيه سوداء او كحلي بعد النيسان البيضاء ركنه بنفس الطريقة.....واضح ان بتاع النيسان هو الي شاذ عن القاعده

الشيروكى اللى راكنة بعد الصنى دية واقفة فى مدخل الفيللا بتاعتهم.

المشاركة الأصلية كتبت بواسطة michael_lanos

يمكن علشان ياخد مكان قليل ويسمح لناس تانيه تركن جنبه
+ ان باين جنبه نهايه الصور ولو ركن عدل هايسد فتحه الشارع اللى جنبه
انا مش شايفه غلط الراجل

هو مش نهاية سور ولا حاجة و مفيش شوارع جنبة, الشارع يخلص بعد 100 متر.

المشاركة الأصلية كتبت بواسطة baskota

[marq="3;right;3;scroll"]
مافى ناس غيره بتركن كده برده
[/marq]

مش معنى ان فية ناس بتعمل حاجة غلط ان دة يعطينى الحق انى اعملة.

المشاركة الأصلية كتبت بواسطة dr_smart

انا مش عارف ايه اللي مزعلك يا بيه بس ؟ طالما مش قافل على حد ولا واخد مكان عالفاضي

واخد حق المشاة, انا بحب امشى على الرصيف و بعلم بنتى كدة و دة المفروض الطبيعى مش المفروض انة الحاجة الغلط.

المشاركة الأصلية كتبت بواسطة dr_smart

وبعدين الناس اللي مابتصدق وتشغل اسطوانة الهجوم على مصر والمصريين يهدوا اللعب شويه ... مانتو كمان منها ! مش لازم نعمل من الحبه قبه ... فينا اللي مكفينا

مش موضوع من الحبة قبة, لكن لو انت شايف انة مش بيعمل حاجة غلط بيقى دية مشكلة.
و لو حد تانى مكانش عارف ان دة غلط و عرف دلوقتى يبقى قدرنا نعمل حاجة و التغيير بيجى من جوانا مش من برة.

المشاركة الأصلية كتبت بواسطة tutankhamoun

المهم ...... الراجل واقف في أخر الطابور بكل أحترام .
و كل ما مصري يدخل الطابور جديد
مش بيدخل من الأخر زي بقية خلق الله .

كله ييجي عايز يقف في أول الطابور !!!!!!!!

للاسف المشكلة دية بتواجهنى بردة فى اى مكان فية طوابير و لما تحاول تنظم الدنيا تلاقى اللى يقولك اصلى جاى اسال على حاجة او يا عم دية ثوانى او معلش اصلى مستعجل او راكن العربية صف تانى.

لازم الناس تعرف ان الدنيا مش بتدور حواليهم, انت مجرد واحد عايش فيها ليك حقوق و واجبات و لو كل واحد فكر و حكم ضميرة (بالحق) قبل ما يعمل الحاجة, اعتقد بلدنا هتختلف شوية.

المشاركة الأصلية كتبت بواسطة tutankhamoun

هي جات عليا أنا ؟؟

للاسف, هى دية مشكلتنا, ملكش دعوة بحد و ابتدى بنفسك.

المشاركة الأصلية كتبت بواسطة kh_talaat

أعتقد والله أعلم انه ركن بالشكل دة لأنه لما جه يركن ملقاش ولا مكان يركن فيه غير المكان الضيق دة فإضطر يركن عمودي

بالمناسبة الشارع دة بتاع بيت اهلى و هو فى مصر الجديدة فى حتة هادية يعنى لو ملقتش ركنة قدام باب بيتكم هتلاقى ركنة بعديها فى مسافة لا تزيد عن 50 متر (مش مبالغة).

المشاركة الأصلية كتبت بواسطة tutankhamoun

و كل ده علشان مفيش اولا
اخلاق .................... ثانيا مفيش عقاب .

والله هم دول الكلمتين الخلاصة :b4_388:

ياراجل دا حتى ضل شجره ولا ضل سحس :)

مفيش تقدير,,,,,,,,,,,

يا جماعه انا معاكم انه غلطان ... بس اقصد انها غلطه تغتفر ... مش لازم نجلده عليها

القصد ... مش لازم لما نلاقي غلطه نقعد نعيد ونزيد في كلللللللللل حاجه غلط في البلد

نعالج حاجه حاجه بدل مايجيلنا احباط ونكره نفسنا

والتمس لاخيك سبعين عذرا ...