السلام عليكم ورحمة الله وبركاته

أخوكم راح يعمل صيانة الألف(1220 كم) للكليسا من كام يوم كده!!!
المهم رحت لهاشم باص الساعة 910 الصبح وقعدت مع المهندس أظن اسمه وليد ...راجل محترم الصراحة
المهم سألني ليا ملاحظات على العربية قولتله شوية حاجات بسيطة عشان يظبطوهالي
يعني حاجة زي الباب بتاعي كان صعب الغلق زي بقية الابواب ومكنتش بعرف أفتح الشنطة من جوه
كتب كل ده في الاوردر وخد المفاتيح وقاللي استنى في الاستراحة.
المهم لقيت راجل تختوخ ماشي قلت أسأله عن الإكسسوارات بتاعت العربية؟
قاللي انا بتاع قطع الغيار والاكسسوارات
أخدني معاه للمخزن وفرجني على حاجات الكليسا هناك, بس قاللي كله اكسسوارات ما عدا حاجة كده
قولتله ايه؟؟؟ قاللي في حاجة اسمها شداد المساعدين
وده كان بينزل في الكليسا زمان بس مش بينزل دلوقتي!!!!!
طبعا انا مفهمتش حاجة . سألته وده حضرتك يعني ايه لازمته..؟؟؟
قاللي انه بيمسك الاتنين مساعدين الاماميين عشان العربية مـ...احم آسف متفشخش مع الزمن.
قلتله وده بكام ان شاء الله؟؟؟؟ قاللي بتاع 180 جنيه!!!!
السؤال هنا بقى....هل ده صحيح وان دي مشكلة في الكليسا وأظن المشكلة دي سمعتها انها في الـ 128
ولو هي ضرورية هل سعرها ده كويس ولا مغالى فيه...؟؟؟
ولو غالي منيين أقدر أجيب واحد؟؟؟؟؟

ساعة واستلمت العربية الحمد لله ظبطوا كل ملاحظاتي وحطوا زيت وغيروا فلتر الزيت ... دفعت 100 جنيه
دفعوني تمن الزيت والفلتر بس ... مش عارف ده الطبيعي ولا ايه؟
مش عارف بقى المفروض بعد التليين أعامل العربية ازاي (انا هلين لحد 1600 كم زي الكاتالوج) ؟؟؟ يعني بسمع اني المفروض أعود العربية على السرعات وكده ... بس انا مش فاهم الصراحة

سؤال تاني : لاحظت ان العربية بتحدف شمال بس بسيط قوي ..هل أستنى لصيانة الـ 5000 ولا أرصص ولا أرجعلهم وهم هيعملوها...ويا ترى هتبقى مجاني ولا ايه؟؟؟ خصوصا ان مظنش ان دي حاجة طبيعية انا العربية لسه جايبها زيرو يعني؟؟؟؟؟

معلش طولت عليكوا