الموضوع: تنبيه هام لكل أعضاء Nile Motors

ادعو من الله اني مكنش الشخص اللي حضرتك تقصده في رسالتك لأني و الله شاهد ان ده لمصلحه الاعضاء لأن فعلا موضوع السعر مكنش ينفع اي حد يقدر ياخده من الاعضاء في المنتدي و ان السعر مبياخدوش غير جهه لها عدد كبير من السيارات المؤمن عليها مسبقا و ليس التي لم تدخل التأمين حتي الان او معرض معروف حجم اعماله بكبرها و لذلك يأخذ هذا الخصم الكبير.
و لي ملحوظه صغيره اني لما كلما اتكلمت مع احد من الاعضاء في هذا الموضوع اذكر دائما اني عرضت الموضوع علي حضرتك و انه ما زال تحت الدراسه
ولذلك ارجو من حضرتك تصحيح هذه الفكره لدي.

و الله يوفقنا جميعا لما فيه الصالح.....................
السلام عليكم ...............
ممدوح العربي،،،،،،،،،،،،،،،،،،، ،

انا اسف نسيت ازود حاجه مهمه ان السعر ده بيبقي للسيارات الزيييييييييييييييييييييي ييرو فقط........................
و اني الحمد لله اقدر اخلي السعر ده يطبق علي السيارات المستعمله الاخري.
و ده حاجه مهمه قوي لازم كنت انوه عنها لاني من الواضح اني ممكن اكون اتفهمت غلط عن غير قصد مني.

السلام عليكم

أهلا بيك يا أ/ ممدوح

واهلا بأي شخص يريد أن يقدم خدمات للأعضاء

وليعلم الجميع أننا لا نحذف أي مشاركه بها أي معلومات شخصيه أو تيليفونات من أي شخص يريد أن يقوم بخدمة الأعضاء ولكن فقط نعلن عن عدم مسؤليتنا عن مثل هذه الاتفاقات إلى أن يكون الموضوع موثق عن طريق إدارة المنتدى والأطلاع على كافة المستندات اللازمة للشخص مقدم الخدمه وتقنين الوضع معه (وكل ذلك بدون أي مقابل سوى أن يكون هناك خصم وخدمه مميزه للأعضاء)

لذلك على كل من يرغب في خدمة الأعضاء أن يتقدم إلى إدارة Nile Motors لكي يتم الأطلاع (من قبل المستشار القانوني للموقع) على كل مايلزم من أوراق لمثل هذه الخدمات ومن ثم الأعلان عن ضماننا لمثل هذه الخدمات

وشكرا للجميع

شكرا لحضرتك علي سرعه الرد بس احب اوضح لحضرتك حاجه ان المنتدي ليس بجهه واقعيه او رسميه من الممكن التعامل معها بالاوراق الرسميه و اذا كان في كلامي هذا بعض الخطأ ارجو التوضيح.
و بعدين التأمين خدمه و ليس سلعه ينفع تتجرب قبل الشراء.
و لكن بالنسبه للسعر فالاكيد ان العضو الذي يرغب بالتأمين مش هيدفع حاجه غير لما يستلم الوثيقه بتاعته ده اولا ...
ثانيا ان الوثيقه ديه بتبقي متحمله علي حسابي الشخصي في الشركه لحين التوريد.( بمعني اصح بتبقي في عهدتي )
و زياده في الامان ممكن اقدم خطاب رسمي يفيد سداد الوثيقه بعد تسليمها مباشره.
و الكلام ده بالنسبه للوثيقه و كيفيه سدادها و بكده يبقي العضو معاه وثيقه مسدده و ساريه لمده سنه.
ناتي للنقطه اللي بعد كده عشان لو لا قدر الله في تعويضات و لا حاجه فانا ديه الصراحه مش عارف اقول لحضرتك تتاكد منها ازاي و حتي ممكن ادي لحضرتك تليفون بعضا من عملائي بس طبعا الطريقه ديه مش فعاله و لن تفي بالغرض.ولكن التعويضات ديه هتبقي تحت مسئوليتي الشخصيه لأن السياسه ديه تسمي سياسه الحفاظ علي العميل ( علي فكره السياسه ديه من تأليفي و انا ماشي عليها علي طول).
لأن علي فكره انا مش هيضرني حاجه لما اجيب حق العميل بالكامل من الشركه لأن كده كده مش بدفع حاجه من جيبي.و ايضا الشركه من ناحيتها مفيهاش مشكله من ناحيه التعويضات و الدليل ان حضرتك شكرت فيها قبل جدا قبل كده في العديد من المرات .
و لو كان الشركه فيها مشكله في التعويضات انا مكنتش اتعاملت فيها اساسا حفاظا علي سمعتي و حفاظا طبعا علي عملائي القدام.
نسيت اقول و الله فعلا انا عملائي القدام ميهمهمش اسم الشركه لأنه اصلا لما بيحتاج حاجه من الشركه انا اللي بجيبهاله فالموضوع الحمد لله بيبقي فيه ثقه متبادله وزي ما اوضحت قبل كده انا مبدفعش حاجه من معايا
ارجو لو في اي استفسار تاني من حضرتك انك تقولهولي علطول.

و الله الموفق...............

أ/ ممدوح أكيد حضرتك شخص نبيل ونواياك صادقه

ولكننا نتحدث هنا عن عمل وأموال و عروض وتأمين وخلافه وعلاقه بين المؤمن والمنتج تدوم لسنه على الأقل

ولكي يكون هناك ثقة بين العميل و المنتج فيجب أن يكون هناك جهة مسؤلة (وإن كنت ترى أن Nile Motors جهة غير رسميه فلك ما تراه وهذا شأنك)

شكرا لحضرتك علي سرعه الرد بس احب اوضح لحضرتك حاجه ان المنتدي ليس بجهه واقعيه او رسميه من الممكن التعامل معها بالاوراق الرسميه و اذا كان في كلامي هذا بعض الخطأ ارجو التوضيح.

فنحن أغلب الأعضاء يعرفنا معرفة شخصيه ونتقابل معهم منذ فترات قبل ظهور نايل موتورز أصلا والثقة متبادله بيننا وبين أعضائنا هذا بخلاف أننا لدينا مستشار قانوني لمثل هذه الأمور ويوجد تقنين لكل ما يتم عمله داخل نايل موتورز بخلاف أننا لدينا نخبه فاضله من الأعضاء مابين دكتور جامعي ومهندس متخصص وخلافه من الأعضاء الذين يثقون فينا وإلا لما جائوا إلى هنا وشرفونا بانضمامهم ونصائحم السديده

لذلك إن كنت ترى أن Nail Motors ليس بجهة موثقة أو ماشابه ذلك فلك مطلق الحريه فيما تراه ولكن أعلم أننا أيضا لنا ولأعضائنا الكرام مطلق الحريه فيما نراه

ونحن نعلن فقط أننا غير مسئولين عن أي اتفاق يدور بعيد عن الإداره

وهذا التنبيه لم تكن حضرتك المقصود به شخصيا بل المقصود به نقطة نظام وتوضيح لأعضائنا الذين نحبهم من القلب وأنت أحد أعضائنا الكرام

هو حضرتك يا استاذ ممدوح بتكلم عن ايه بالظبط علشان انا موش فاهم ع الجمعيه المصريه للتأمين

ان شاء الله ربنا يوفقكوا جميعا لصالح الاعضاء و لصالح المنتدي.
بس قطعا انا عارف ان كل اعضاء المنتدي ناس افاضل و ده باين اوي من طريقه الحوار بين الاعضاء.
بس انا فعلا مش فاهم قصد حضرتك عن ان المنتدي رسمي و موثق فياريت حضرتك تفهمني الموضوع ده.
علي فكره انا مقدر موقف حضرتك جامد جدا ان ممكن حضرتك تعلن علي حاجه معينه في المنتدي متبقاش علي مستوي المسئوليه و ديه طبعا مسئوليه كبيره جدا و المشكله ان كمان اكيد خبره حضرتك في هذا المجال قليله نسبيا و هذا ليس تقليل للشأن لا سمح الله بس اكيد كل واحد بيفهم في مجاله اكتر من اي حد مش بيعمل في نفس المجال.

و الله الموفق..................
السلام عليكم

اهلا بيك يا استاذ باهر.
انا اسف لعدم التوضيح بس انا كنت بتكلم مع استاذ هاني علي اساس انه عارف الموضوع كله و نسيت اني بكتب في المنتدي العام.
انا فعلا بتكلم عن الجمعيه المصريه للتأمين التعاوني اما بالنسبه لباقي التفاصيل فهي مع استاذ هاني بايو لدراستها و اعلانها في وقتها لما فيه الصالح العام لجميع الاعضاء ان شاء الله.
لحسن ممكن ان الاستاذ هاني يفتكر اني بعمل اعلان و لا حاجه لا سمح الله ( انا طبعا بهزر )
و اخشي طبعا انه يكون فاكر كده فعلا او اي حد من الاعضاء.

و الله الموفق..............
السلام عليكم و رحمه الله