كنت هشترى جوليت النهارده بس ...للاسف

كنت اتفرجت الجمعه اللى فاتت على جوليت فى السوق 2001 حالتها الخارجيه جميلهوصاحبها على كلامه ان العربيه مفيهاش الهوى وكان قافش على 45 المهم نوزلت من العربيه 1000 جنيه بالعافيه واتفقت انى اقابله النهارده ونخلص اتقابلنا النهارده واخدنه على بنزينه وطنيه جمب سيتى ستارز وكشفت على العربيه
1- الفنطره مخبوطه وفيها لحام ومعجون ومرشوشه
2- الباب اليمين فى بنط لحام ومش مظبوط
3-العتب معموله سمكره بس بغباء
المهم انا قفشت على موضوع القنطره ده والعامل بتاع البنزينه نصحنى انى ماخدهاش او انى انزل سعرها ل39-40 الف
بس صاحبها مصمم ان القنطره مش بتعيب العربيه
اسف طولت عليكو وياريت تدلونى انا صح فى اللى عملته

ربنا كرمك دي عربية فخ

بلاش منها وريح دماغك

للاسف ليه
الحمد لله

معلش انا اسف بس كنت عايز اعرف فين البنزينه دى والكشف كان بكام

اصل من الواضح كده انهم ناس عندهم ضمير وده بقى قليل

الحمدلله انك كشفت عليها الاول خيرها فغيرها

الحمد لله ان ربنا نجاك من العربيه دي احمد ربنا واشكر فضله.....

والعضو محمد عربي البنزينه اسمها وطنيه وجنب سيتي ستارز في مدينه نصر

الحمد لله جت سليمة و خيرها فى غيرها

الشرخ في القنطرة من طرفها سواء اليمين او الشمال معناه ان العربية نزلت في بلاعة او حفرة و عشان كدا القنطرة اتشرخت وفي سوق السيارات دا مش عيب و متعتبرش رشة دواخل او اي حاجة من دي بس غالبا لحام القنطرة بيفتح كل شوية و ترجع تلحمه و يفتح عشان كدا يفضل تبعد عنها

لا متقولش للاسف دا انت ربنا كرمك و ان شاء الله تلاقى حاجه احسن

الحمد الله على كل شىء
بس انا كنت مصدقت لقيت عربيه نضيفه وعارف انها غاليه بس الحمد الله
شكرا للاخوه اللى نصحونى

فلوسك ف جيبك تقعد باشا احسن ما تشترى عربيه مقلب



ومفيش داعى للاستعجال تر ييييييييييييييييييييييييي ييييييييث

معايا جوليت للبيع بس مش اتكلم عليها امانة مفهاش خبطة داخلة كلها خطوش و حالة بسم الله ما شاء الله

عايزها ب 45000 نهائي فيها 4 صبات و جي ام و سي دي بايونير اصلي و متضبطة شوية

نسيت اكتب رقمي 0165055511

مع احترامى لجميع الاعضاء
مفيش ولا واحد علق على السعر كأنه حاجة عادية
45000 و 44000 فى موديل 2001 ربنا يبشرك بالخير
صاحبى لسه شارى لانوس 2001 كامل مانيوال رشه جنب واحد بس والباقى كله فابريكة وحالة العربية نسبيا كويسه
جابها ب 41000 وكل يوم يصدع دماغنا هو انا اتضحك عليه - مش المفروض كان اخرها 39000
مش عارف والله يا جماعة بس انا شايف غير ان العربية من وجهة نظرى سيئه للغاية
انها غاليه موووووووووووووووووووووووو وووووووت

اقتباس:

---

المشاركة الأصلية كتبت بواسطة freeefair

فلوسك ف جيبك تقعد باشا احسن ما تشترى عربيه مقلب
ومفيش داعى للاستعجال تر ييييييييييييييييييييييييي ييييييييث

---

+111111111

خيرها فى غيرها ومتستعجلش

اصبر لغايه لما تلاقى حاجه نضيفه

والله يا جماعة انا شايف ان العربيات ده نصيب ماممكن تشترى زيرو ويطلع فيها مشاكل والتوكيل حباله طويلة ومش كل الناس بتحافظ على عربياتها الواحد دايما بيجب مظهر العربية

للاسف لية يا باشا الى بيروح بيجى احسن منة وانت فلوسك معاك اشترى براحتك واتفرج مليون مرة وادلع على الى بيبيع هو فى حد عارف يبيع دالوقتى دا انت بتعمل معاة واجب وربنا يوفئك

بلاش حاجة انت شكيت فيها تشتريها ريح نفسك وربنا كرمك ببتاع بزينة كويس قاللك اللى فيها ؟؟؟ دور هاتلاقى احسن منها انشاء الله!!

ابعد عن العربيه ديه