غيار زيت المحرك في اللوجان mcv
السلام عليكم و رحمة الله وبركاتة
يا جماعة انا حصل معايا حاجة غريبة في موضوع غيار الزيت دا
طبعا المفروض ان اغلب العربيات بتغير زيت عند اول 1000 كم مشيتهم العربية ودا تقريبا اغلب الناس قالته لكني لما رحت مركز الخدمة و سألت علي غيار الزيت قالولي ان الزيت بيتغير بعد 10000 كم و مش بيغيروه عند ال 1000 او ال 5000 كم
انا قلت ماشي طالما ان التوكيل قاللي ان الرينو كله كدا
و رحت بعد كدا عملت صيانة ال 5000 و كانت بدون تغيير زيت او فلتر كانت بس تسيك علي السوائل و العفشة و الكلام دا
المهم انا واحد سواق شاف العربية و بص علي مقاس الزيت و كانت العربية سخنة شوية عشان كانت راجعة من مشوار
المهم لما شاف الزيت قاللي الزيت دا ليه خفيف كدا و لزوجة مافيش انا قلتله يا عم بطل تفتي الزيت دا بيعيش 10000 كم مش بتاع الف و لا اتين
بس انا بصراحة لما لمست الزيت لقيتة فعلا عامل زي الميه و مافيهوش لزوجة نهائي
قلت اما اروح التوكيل اسأل علي المرايا اللي هتتغير في الضمان و هناك سالني مهندس لسه جديد في المركز بعد ما المهندس اللي كنت متابع معاه مشي من التوكيل
المهندس دا بيسألني علي الزيت قلتله انا مغيرتش زيت للعربية نهائي لغاية دلوقتي و العربية عاملة 7250 كم بناءا علي كلامكم هنا في المركز لما قلتوا الزيت بتغير مع صيانة ال 10000 فقاللي لا انت لازم تكون غيرت في صيانة ال 1000 او ال 5000 كم فقلتله لا فراح مستغرب و قاللي لازم تغير الزيت دلوقتي
المهم انا شديت معه و قلتله ازاي تقوله كلام قبل كدا و تغيروه دلوقتي طيب افرض الموتور حصله حاجة مين يتحاسب قاللي احنا مسؤولين و ما تقلقش احنا بنغير الزيت زيادة في الأمان مش اكتر و هو فعلا بيعيش ل 10000 كم
قلتله عموما انا هغير الزيت دلوقتي بس هكتب في امر الشغل ان انا عملت صيانة ال 1000 و صيانة ال 5000 و لم يتم تغيير الزيت بناء علي كلامكم و الراجل وافق و قاللي اكتب اي حاجة انت عايزها و انا همضي عليها و قاللي متخافش من الموضوع دا لأننا فعلا كنا بنعمل كد في الأول لكن وصلتنا تعليمات من الشركة المصرية العالمية ان يتم تغيير الزيت بعد اول 1000 كم و تقريبا الكلام دا من ساعة ما اللوجان المغربي نزلت السوق بس انا مش عارف هل الكللام دا صحيح و لا غلط
المهم غيروا الزيت و اللي انا مستغرب منه ان العربية اخدت 5 لتر زيت !!!!!!!!!!!!!!!!!1:_Alshmokh11:
زيت توتال 5000 و فلتر زيت
مش كتير دا علي عربية 1600 سي سي !!!!!:shyy:
و كانت تكلفة الموضوع 169 جنيه
ايه رايكم يا جماعة هل دا طبيعي و لا الناس دي بتخرف و هيبوظوا الموتور و لا هما بيشتغلوني و بيقولولي كدا و العربية خدت 4 لتر بس و حاسبوني علي الباقي كدا من عندهم
انا هراجع الكتالوج و اشوف العربية المفروض تاخد كام لتر زيت في الغيار
بس انا مستني ملاحظاتكم علي الموضوع دا
