الموضوع: كــاد الغباء ان يقتل طفلتين بريئتين......!!!

بسم الله الرحمن الرحيم


أولا الحمد لله على كل شئ
وقل لن يصيبنا الا ما كتب الله لنا

في استمرار للتخبط الذي تعيشه مصر والتسيب الزائد عن حدة حصل موقف النهاردة جعل حيات طفلتين ع المحك

أنا كنت صاحي من النوم وفطرت وقولت انزل ابص ع المحل اللي تحت بيتنا واقف شوية في الشارع وفي عربية شفروليه جامبو دي شايله بيبسي وبتوزع ع المحلات .العربية جت وصلت لاخر الشارع ووقفت عند محل بقالة تنزله بيبسي وكده والمنطقة اللي العربية واقفة فيها مرتفعة عن مكان المحل اللي انا كنت واقف قدامه المهم صاحب العربية نزل منها وبيشوف الحساب ونسي يعشق العربية او يشد فرامل يد خاااااااااااااااااااالص راحت العربية راجعة لورة.
وانا واقف كده بالنظرة عرفت ان العربية مش جواها حد وبترجع من نفسها وفي بنتين صغيرين جايين عليا يعني العربية في ظهرهم المهم العربية رجعت في خط مستقسم وده كله والعربية لسه موصلتش المحل والناس عمالة تمسكهامن الصندوق بتاعها من الجنب وتحاول توقفها (اكنهم بيوقفو عجلة) وهما بيضحكوا ومش عارفين راحت العربية انحرفت عن الخط المستقيم ورمت شمال عليا وانا واقف قدام المحل بس قبل المحل ب5 متر كده .
دلوقتي المصيبة بقى !!!!! العربية داخله في ظهرالبنات 3 متر وعماله تقرب 2 متر ولسه بتقرب 1 متر وهتدوسهم سبحان الله ان ربنا وجدني في الحته اللي انا واقف فيها ......جاتلي قوة والله معرف ازاي رحت شايل البنتين من دراعهم (زي الفراخ كده) ورميتهم جوه المحل راحت العربية غمزتني بالصندوق بتاعها الكبير ده وهووووووووووووووب راح الكاوتش بتاعها خبط في التل اطوار اللي قدام المحل اللي ارتفاعه 40 سم كده راح الكواتش طقققق من الخبطة في التل اطوار اللي سنه حديد. الراجل نزل وهو على وشه ابتسامه بلهاء وبيبص ع العربية من تحت وانا ركبي سايبه من الللي حصل والله معارف اقف ولا عارف اتكلم واقول للراجل حاجة راح الراجل دور العربية ومشي

ووقفت العربية الشقيه وده شرح للي حصل

[]

واخيرا الحمد لله على كل شئ
وياريت ياجماعة ننتبه شوية ونحاول ننبه اي حد نعرفه من مصيبة زي دي ممكن تحصل
اتمنى السلامة للجميع
والسلام عليكم ورحمة الله وبركاته

بهايم سايقه مش ناس عندها مخ جزاك الله خير و الحمد لله انها جات سليمه وموضوع اخبط واجرى ده انتشر قوى من كام سنه كدة كنت بتمشى عند الميريلاند انا و واحد صديقى وكان في بنت ومعها خطيبها بتعدى الشارع قبل ما تطلع على الرصيف بخطوتين عربية لانسر بتاخد غرزه يمين ومش شايفها راح خابط فيها بس بالرفرف اليمين ووقعت على الارض وصاحبنا طبعا جرى ولقيت جيب باجيرو بيجرى ورا اللى جيه في دماغى انهم بيشيدو المهم كان صاحبى لقط النمرة بتاعته ورحنا بنطمن عليها وبنقولها احنا خدنا نمرته وممكن تروحو
تعملوا محضر وبعد كده تعملى تقرير طبى و مافيش كام دقيقه لقينا بتاع الباجيرو جايب الواد من قفه و قعد طبعا يشتمه شويه وقاله بتخبطها وتجرى فا الواد بيقولوا دى حكه مراية و بسيطه قالوا طلما هيه حكه مراية جريت ليه افرض دى امك ولا اختك المهم قالوا تاخدها توديها المستشفى حالا واخدهم فعلا على المستشفى فالموضوع بقى بزيادة.