الموضوع: عاجل ...زيت الماتور ناقص !!!!!!!!!

طب حضرتك طالما انك بتقول انه مافيش اى مشاكل فى الموتور يبقي اكيد فيه تسريب للزيت من اى مكان بقي

والزيت المستخدم شل 5000 ..و عامل دلوقت 5000

طيب غير الزيت الأول وأكشف على كل مكان بالمكنه ( جوان التاكيهات _ وسيلات الكرنك الأماميه والخلفيه ) دى بتبان من الخارج لو فيه أى حاجه بتسرب لا قدر الله .....وبرضه بص على العربيه من تحت (من عند جوان الكرتير ....ومن عند الطبه ) وأديها فحص خارجى شامل

....ولما شغلت العربيه وفتحت غطا الماتور مكانش في طرطشه زيت مع العلم ان العربيه كانت لسه بارده

ياعنى من رأيى بلاش تقلق من الحته دى دلوقتى .......طالما لمبة الزيت بتطفى معاك بعد الدواره .....والوضع عادى ........وبرضه لاحظ أن الزيت ده لزوجته بدرجة 20 فى البدايه وهو بارد .......وبتزيد ونصل لدرجة 50 وهو ساخن (لأن الزيت الثنائى الدرجه ده ......بيكون فيه أضافه محطوطاله وقت تصنيعه بالخلط أسمها viscosity improver index يعنى أضافه لتحسين لزوجة الزيت لما بيسخن ......وهى دى اللى بتخليه يصل لدرجة 50 لما بيسخن وعلشان كده ضغط الطلمبه بيكون ضعيف فى البدايه وأنت واقف ولما المكنه بتسخن حتشوف الطرطشه (لأن اللزوجه لما بتزيد ضغط الطلمبه بيزيد ).......وأساسا غيار الزيت بيكون لهدف تانى مش اللزوجه ولكن ( هو التخلص من نواتج الحريق اللى أختلطت بالزيت مع تشغيله ......والفلتر نفس الكلام ) واللى بيقوم بعملية تشتيت نواتج الحريق فى الزيت ( أضافه خاص بالتنظيف والتشتيت لنواتج الحريق وأسمها detergent dispersant additive وبتضاف للزيت وقت تصنيعه ولو ماتمش التخلص من النواتج الكربونيه دى بيحصل تلف لمكونات المحرك .....................حبيت بس أشرحلك الوضع بتاع الزيت فجرب الأول الغيار والكشف على المحرك خارجيا

مفيش اي تسريب زيت تحت العربيه ..وجوه الماتور بيبقى فيه تعريق على الماتور ...وقولي رايك في قياس الزيت (على العلامه اللي في النص بين min و max ) كده كويس ولا مش طبيعي

مستوي الزيت انسب حاجة لة علي منتصف المسافة بين العلامتين

وجوه الماتور بيبقى فيه تعريق على الماتور

طيب ماتشوف العصايه يمكن مش راكبه كويس والبخار بيطلع من جوه الكرتير على جسم الموتور منها............ولو كلامى مش مظبوط أرفعلى صوره للمكان اللى فيه التعريق ده

وقولي رايك في قياس الزيت (على العلامه اللي في النص بين min و max ) كده كويس ولا مش طبيعي

طالما أنت فوق الmin فلا تقلق حاليا .............وغير الزيت ومتزدوتش عن مدته لأنه غلط على سبايك المحرك ......زى ماشرحتلك فى الرد السابق

المشاركة الأصلية كتبت بواسطة SBkr

مستوي الزيت انسب حاجة لة علي منتصف المسافة بين العلامتين

أنسب حاجه يكون قريب من الmax طالما ده مسموح بيه .......تحسبا لأى نقص طارىء .....بسبب جوان تاكيهات مهوى شويه أو تعريق من خلال المقاس زى الحاله اللى بنتكلم عليها أو تعريق من الطبه وهكذا ......علشان يبقى عندنا معامل أمان كبير (لما تحصل ظروف زى دى )

شكرا على جميع الردود ..بس اصل اخوكوا من النوع الموسوس جدا ...وبصراحه اول لما شفت المقياس قولت الماتور باظ واكتئبت وانا في فتره امتحانات ومش ناقصه ..والحمد لله اتطمنت