الموضوع: هل النيسان صنى تقيلة عند اعادة بيعها؟

النيسان صنى عربية جميلة جدا وهناك من اختلف فى الرأى وقال بيها بعض العيوب و لكن ده مش موضعنا الموضع ان العربية تشتريها ب 90 الف جنيه ولكن عندما تحب تطور عربيتك بافضل ما تعرفش تبيها ولا ب 80 الف جنيه ده بعد مثلا 6 شهور من شرائها . ليه العربية ليس عليها اقبال ولماذا لما تعرضها للبيع محدش يرضى يشتريها الا بصعوبة بالغة ولازم تضحى بالسعر علشان تخلص عكس عربيات كتير مثل الكرولا مثلا واللانسر لا تخصر كتير وسهل بيعها .

انا كان معايا صنى 2005واتعذبت لغاية ما لقيت زبون وحجزت 2008 ويا ريتنى ما عملت كده العربية كانت مريحانى بس الزن اقوى من السحر وطلعت 2008 بس على الورق انما هى برضه 2007 مش زى الشكل الخليجى شبه 2005 و 2006 هو التطور ضعيف ليه كده؟ وليه الشكل اتغير فى الخليج واحنا لا هو مش مفروض ان اجنا بنى ادميين برضه ولا ايه يعنى انت تبيع عربيتك وتخصر علشان تشتريها هىهى تانى بسعر اغلى الشكل ما اتغيرش ليه؟

هى العالم دى ما بتسمعش لماشاكل الناس وتحاول تطور المنتج ولا ايه؟ لانسر غيرت شكلها تماما وتويوتا 2008 كمان شكل مختلف تماما الاختلاف امتى الصنى هتبقى مختلفة؟ لما الشكل ده يحمض عندنا الاول؟ متى سنلحق بركب التطور ونعامل معاملة الخليج؟ متى متى ؟

الموديل ينزل بره الاول و عقبال ما يجيلنا يكون اتغير كمان مرة فى بلده ده كمان بينزل فى امريكا موديلات تانية خالص غير الى بتنزل عندنا احنا بينزل عندنا الفرز الثالث يعنى العربيات الكسر او المرفوضة او المعيوبة . واحنا هنا نفرح ونعد الالاف ونشترى وكمان اغلى من بره بثلاث اضعاف عجبت لك يا زمن...............

سعد زغلول قالها كلمة..................مفيش فايدة.

مفيش فايدة لازم يضحك علينا ولازم يستغلونا .... الحاجة عندنا غاية علشان احنا اغنى شعوب الارض وعالم دفيعة ما بيهمش تبقى العربية تساوى 20000 نشتريها ب 90000 ونقول مش مهم يلا ما هو مفيش فايدة بقى. هههههههههههههههههه

فعلا الصنى من العربيات التقيلة فى البيع و اللى بتخسر جامد فى البيع عكس اللانسر و الكرولا اللى فى نفس فئتها