عايز اشترى فلتر ميه وعايز اعرف افضل الانواع واسعارها؟؟
عايز اشترى فلتر ميه وعايز اعرف افضل الانواع واسعارها؟؟
tank وسعرة تقريبا 245 جم 3 مراحل
من سبينس
بانسونيك يابانى ب 275 ممتاز والخرطوشة بتتغير ب 70 جنيه تقريبا
و هو مرحلة واحدة بس بيكافىء تانك ال 3 مراحل
فيه نوع امريكي وكيله شركة زمزم
عبارة عن 5 مراحل و ممكن تركب له في المستقبل جهاز تعقيم بالاشعة فوق البنفسجية أو تشتريه بالاوبشن دي مرة واحدة
الجهاز بيشتغل بنظرية الضغط الازموسي
ملحق بالجهاز خزان ممكن يشتغل لمدة 24 ساعة في حالة أنقطاع المياه ووظيفته الاساسية الحفاظ علي الضغط بالدائرة
الشركة مسؤلة عن صيانته و تغيير فلاتره كل 3 شهور حسب مواعيد و جدول للصيانة
سعر الجهاز في حدود 1500 جنيه
ممكن تعرف تفاصيل أكثر من خلال الاتصال بيهم علي النمرة دي:
0123109105 (الاستاذ/ عبد الرحمن) بس قوله من طرف المهندس/ سمير الشهاوي و هو هايقوم باللازم
بص يا باشا انا عندى نوع امريكى اسمه aqua pure امريكى و كنت شاريه من العجيل فى وسط البلد (شارع شريف) و ممتاز الصراحه و بقاله عند 6 سنوات لحد دلوقى و شغال تمام و الحمد لله وانا دايما برشحه لأصدقائى لأنه عملي و فعلا مفيد لآن المياه بتخرج منه بدون طعم تماما و بدون رواسب ولا ملوثات
ويعتبر مرحلتين لآن الشمعه بتاعنه كربون + سيليلوز
انا اشتريته من قريب لواحد صاحبى كان تمنه حوالى 300 جنيه و الشمعه بحوالى 80 جنيه و بتتغير كل 6 شهور و ده موقع الشركه http://www.aquapure.com/homewater/wh.html
السلام عليكم ورحمة الله وبركاته
بص يا باشا
فيه تانك وده بيبقي 1-2-3 مراحل
وفيه نوع تاني اسمو ووترورلد وده 1-2-3-5-7 مراحل
الاتنين هتلاقيهم موجودين في كارفور
1- تانك
تقريبا ب 200 جنيه ال 3 مراحل
مصري
جزء التوصيل بتاعه بالحنفيه بلاستيك وليس معدن وايضا ماسورة خروج المياه
2- ووتر وورلد
ب 257 جنيه ال 3 مراحل
بيقولوا قطع غيار امريكي تجميع مصري بس انا مش متاكد وسالت كتير كل الشركات بتقولي ان اللي يقولك فيه فلتر امريكي في مصر يبقي بيضحك عليك والله اعلم
الاجزاء اللي قلت عليها فوق معدنية وليست بلاستيكية واعتقد ده افضل عشان متبوظش بسرعة
في كارفور لحد ال 3 مراحل بس ولكن باقي المراحل موجود في معرضهم في مساكن شيراتون
88 عمارت صقر ريش - ش الشهيد بجوار بنك NSGB
ت: 22675176
واحد صاحبي جايب ال 5 مراحل وبيشكر فيه
في اعتقادي ان تانك ووتر ورلد متشابهين ماعدا الاجزاء المعدنية والله اعلم
3- باناسونيك ياباني وده دورت عليه شوية وملاقيتوش
مرحلة واحدة
تقريبا بنفس السعر اللي قال عليه العضو زميلنا
اعرف ناس جربته وقالت عليه كويس
4- شركة جلوب ويل
ودي بتنزل جميع انواع الفلاتر حتي كمان الفلاتر العمومية
ودي في ش الطيران مدينة نصر
وده موقها
http://www.globewellegypt.com/arabic/homeunit.html
اضغط علي الصور وهي دي انواع الفلاتر اللي عندهم وانواع المراحل في جميع الفلاتر عامة
فيه من 1 الي 7 مراحل
الصناعة تايواني حتي الشمعات كمان تايواني
انا جبت ال 3 مراحل ب 285 جنيه وممتاز جدا
ال 4 مراحل تقريبا ب 600 (قاتل الجراثيم اللي قال عليه م/سمير)
الاجزاء اللي قلت عليها معدنية ايضا
بالنسبة ليك هتحتاج اي نوع من الفلاتر ده علي حسب مكانك واحتياجك وفلوسك
اولا قاتل الجراثيم دي بتبقي لمبة بتصدر اشعة فوق بنفسجية تقتل الجراثيم والميكربات وده بيبقي ال 5 مراحل عند كل الشركات او ال 4 مراحل او ال 5 مراحل اللي عند جلوب ويل (الوحيدة اللي عندها قاتل الجراثيم 4 مراحل فقط)
ثانيا ال 7 مراحل وده بيستخدم نظرية اسمها التناضح العكسي وده بيقلل نسب الاملاح في المياه وده لو كنت عايش في مكان فيه المياه بها نسب املاح عالية جدا
ثالثا باقي الراحل ال 1-2-3 ده عشان تنقية المياه من الشوائب والرمال والكلور والمعادن الثقيلة فقط الضارة واللي بتعمل طعم لاذع للمياه وده اللي انا جبته
ارجو اني اكون افدتك وافدت كل الناس عشان انا دورت كتير ومكنتش لاقي حد يقولي النصيحة
ونصيحة مهمة جداااااااااااااااا:
صلي صلاة استخارة قبل ما تختار
انا كان جه عليا وقت كنت عايز اجيب فلتر واقعدت ادور لقيت معظم الشركات اللى بتقول انه منتج امريكى كله بيطلع مضروووب وبيبقى صينى
بس من الاخر فى شهادة عالميه مش اى حد بياخدها غير المنتجات التى اثبتت جودتها والتى تم اختبارها ايضا وهذه الشهاده تسمى NSF Certified
الشهاده دى بتبقى كمان لزجاجات المياه المعدنيه ولكن مفيش اى شركة فى مصر واخدينها ... فكر انت فى السبب ايه ... مع ان فى شركات فى السعوديه والامارات واخدين هذه الشهاده
الموقع اهو وشوف قبل ما تشترى اى منتج , وفعلا مثل ما قال mohamedfawzyhassan منتج Aqua Pure معتمد بس يا ريت يقولنا انى موديل اللى جابه بالضبط
http://www.nsf.org/certified/consumer/listings_main.asp
فيه معلومة كمان نسيت اقولها
الفلاتر من 1-3 بتركب علي خلاط المطبخ وبيبقي فيها محول مياه زي المحبس كده عن طريقه بتحول المياه الي الفلتر او تحولها الي الحوض ودي ممكن تركبها بنفسك
الفلاتر الاكبر بتركب فوق او تحت الحوض وبتكون هي بديل خلاط المطبخ (يعني بتيجي بخلاط بتاعها) مع تغيير في التوصيلات
وبتاخد وصلة كهرباء عشان تشغيل باقي المراحل ودي بتيجي الشركة اللي بتشتري منها عشان تركبهالك
دي معلومة جديدة ومفيدة
بس الله اعلم يفرق او لا
لان فكرة عمل الفلتر واحدة في كل الانواع اللي انا شفتها ونفس التصميم
ياتري هل aqua pure ده مختلف في
1- تصميمه
2- شمعاته
وواضح ان ا/محمد فوزي جايب اللي بمرحلة واحدة بس الشمعة بتدي مرحلتين(في الحالة دي بتبقي الشمعة مقسمة لجزئين علوي وسفلي كل جزء بيقوم بوظيفة)
ياتري هل نفس الشمعات الموجودة علي الموقع موجودة في مصر
هل نفس المنتج
ياريت ا/محمد فوزي يبحثلنا الموضوع ده
هو ده فلتر ميه للعربيه ولا للبيت
اصل الموضوع محطوط في الورشة
الف شكر لكل من شارك للافادة........
فعلا يا باشا زى ما قلت لك الفلتر امريكى 100% و سمعت كمان انه بقى ناقص شويه للأسف
و الشمعه بتاعته فعلا ممتازه لآبعد الحدود و بتكون عباره عن كربون فى المنتصف و مقفول عليها من اعلى و من اسفل بالسيليلوز بس خلى بالك ان فى تقليد ليها منتشر فى السوق و فى ناس معندهاش ضمير بتبعها بسعر الأصلى
عموما الشمعه الأصليه بيكون محفور عليها made in usa اما المضروبه بيبقى محفور عليها model usa
هحاول ادور عل صور ليهم و احطهم فى المنتدى ان شاء الله
هو الموضو ع دةمكانة هنا و ا لا انا دخلت شارع غلط؟؟
انا كنت فى كارفور امبارح وشفت فلتر تانك 3 مراحل بـ 200 جنيه +3 شمعات اضافية هدية هل تانك مجرب وكويس ولا لا؟؟
إيه رأيكم فى الفلتر الانجليزى British Berkfeld
ممكن حد يقولي ارقام الشركه اللي بتبيع فلاتر تانك علشان في قطع غيار محتاجها و شكرا
الأخوة الأعزاء
أعمل حالياً بشركة لبيع وتسويق أجهزة تنقية المياه
فعلى من يرغب فى شراء الفلاتر بجميع الأنواع المطلوبة الاتصال بنا فى الشركة
شركة مصر الوسطى
19ش ترعة المريوطية - الهرم
ت: 37403046 - 37410120
المسئول: أ/ هند
جميع أنواع أجهزة تنقية المياه المنزلية موجودة وبأسعار منافسة
شركة مصر الوسطى
19ش ترعة المريوطية الهرم
ت: 37403046 - 37410120
للاتصال أ/ هند
ايه الهبل ده؟
السلام عليكم ورحمة الله وبركاتة
افضل انواع الفلاتر هو Home Pure
وعن تجربة شخصية امان جداا وخصوصا للاطفال
مرفق صورة للفلتر ومميزاتة
http://up13.up-images.com/up/viewimages/41c7fbed0f.jpg
انا عندى كل البيانات وطريقة الشراء ارجو المتابعة
ايميلى eman_galal7@hotmail.
باناسونيك وعن تجربه لمده اكتر من 10 سنوات وهو يابانى بالكامل .
ارجو ممن لديه الخبره الرد على
انا دلوقتى بعمل السباكه و ناس قالتلى متعملش وصله الفلتر من فوق الحوض و خلي السباك يعملهالك من تحت عشان الفلتر الكويس اللى هو بيتركب من تحت و سيبك من الى بيتركب من فوق الرخامه ده تعبان
فانا دلوقتى اعمل ايه و لما اعمل الوصله من تحت اركب ايه عشان كل اللى بشوفه بيتركب من فوق و بيعمل دوشه كتير فوق الرخامه و كنت حابب اركبه من تحت ومايبنش خالص