صوت الموتور عالى بعد تنظيف فلتر الهواء

**emad2002** · 28-05-2009 12:43 AM

ارجو من الاصدقاء الرد على استفسارى
كنت بغير زيت عند الميكانيكى وبعدين اولتله نظف فلتر الهواء وهو كان مش نظيف بعد ظهر عندى بعد العيوب الاتية

اولا وانا مدور العربية وسايب الدريكسيون اصمع صوت هواء بسيط كانه فى بلون مخرومة اول ما المس الدريكسيون واحركة
يختفى هذا الصوت تماما ط
ثانيا صوت الموتور عالى شوية
ثالثا الار بى ام ازيد من الاخر بشوية يعنى عالى بسيط جدا من الشرطة الاخير

بصيت على الفلتر من الخارج وليس من الداخل لقيت مظبوط وخدم من فوق هل افكه واركبه انا تانى بطريقة حد ينصحنى بيها
ام ممكن يكون الفلتر اصلا عايز يتغير انا لسة شارى العربية وكانت كويسة جدا بس من ساعت ما نظفت الفلتر ده اللى حصل ومتشكر ليكم جميعا

**re3ooo** · 28-05-2009 01:45 AM

بوص ياباشة انا اول مجبت العربية كان عداد rbm تحت الواحد بنص لدرجة كنت بحس ان العربية هتبطل لوحدها اكتشفت اية بقا ان الفلتر كان الازم يتحرق بجاز مش يتغير بس تاني حاجة روحت لمركز بتاع كربراتير بس كان جامد فكلي الكربراتير وظبطة والله بدون مبالغة خلهولي زيرو العداد الصبح اول مبسخن يبقا علة 2 ويفضل ينزل لغاية واحد ومن بعدها العربية بقت فايقة بقت عربية نفاثة كلفني الكربراتير 75 جنية تنضيف وتظبيط الكهربا بتاعة العربية بس كدة ثم من الطبيعي اول متشتري العربية تغير طقم السيور كلة وفلاتر بجد بعد متعمل الكلام دة هتحس انك راكب عربية تانية غير الي انتا سايقها دية

**emad2002** · 28-05-2009 02:30 AM

شكرا ردك جدا بس الغلطة كانت منى انى معرفتش الناس نوع العربية لانسر موديل 2007 ياريت حد يرد على المشكلة

حبيت اضيف حاجة كمان ان لما اسلمت العربية من صاحبها روحت البنزينة وحطيت بنزين 92 ومكنتش عارف هو كان بيحط بنزين اية ممكن يكون ده سبب المشكلة العربية عاملة 55000 كم

**tabeb** · 28-05-2009 02:49 AM

المشاركة الأصلية كتبت بواسطة re3ooo

بوص ياباشة انا اول مجبت العربية كان عداد rbm تحت الواحد بنص لدرجة كنت بحس ان العربية هتبطل لوحدها اكتشفت اية بقا ان الفلتر كان الازم يتحرق بجاز مش يتغير بس تاني حاجة روحت لمركز بتاع كربراتير بس كان جامد فكلي الكربراتير وظبطة والله بدون مبالغة خلهولي زيرو العداد الصبح اول مبسخن يبقا علة 2 ويفضل ينزل لغاية واحد ومن بعدها العربية بقت فايقة بقت عربية نفاثة كلفني الكربراتير 75 جنية تنضيف وتظبيط الكهربا بتاعة العربية بس كدة ثم من الطبيعي اول متشتري العربية تغير طقم السيور كلة وفلاتر بجد بعد متعمل الكلام دة هتحس انك راكب عربية تانية غير الي انتا سايقها دية

ياريت تقولنا مكان مركز الكربراتير ده

**fox2080** · 28-05-2009 10:56 AM

بص يا معلم هتلاقى اللى ركبلك الفلتر بعد منظفة ركبة بالمقلوب

**emad2002** · 28-05-2009 03:38 PM

متشكر على ردك الجميل انا حشوف كده وارجع اكلمك بس هو اية عدلته او اسهم اعدله منها هو انا لسة فكه دلوقتى لقيت لية شفة من فوق انت تنصحنى علشان اركبة صح اعمل اية وشكرا لمساعدتك وجزاك الله خير ويا سلام لو نساعد بعض كده ولو حد يرفع صوره نشوفه وهو معدول وموضوع صح
شفه الفلتر من الداخل (الجزء العالى صح) اما المنخفض فى من ناحية الكلبس ارجوا الرد والافادة

**NFS** · 03-06-2009 01:31 PM

المفروض ان الفلتر ليه وشين وش شكله كده
[sor2]https://www.dragtimes.com/images-classifieds-large/Blitz-LM-Air-Filter-Lancer-EVO-Mirage-Outlander-JDM-for-sale_290294201768.jpg[/sor2]

والنحيه التانيه فى سفنجه كبيره, المفروض ان السفنجه دى هى الى تبقى لبره ياعنى الهوا بيدخل عليها الاول,بعد ما تظبط وش الفلتر (الى عليه السفنجه) لقدام دخله جوه العلبه الابزيم الحديد بتاعت العلبه مش هتقفل غير و هو مظبوط, يعنى لو مقفلتش لف الفلتر حولين نفسه و الوش لقدام.