الموضوع: فيها أيه لو نمشي علي اليمين

ياباشا اجابه السؤال بتاعك ده كبيره قوى وصعبه قوى وهى نفسها اجابه اسئله كتيييييييييييير زى
- هيجرى ايه لو كل واحد التزم بالحاره المروريه واماحدش مشى على الخط الأبيض
- هيجرى ايه لو كل واحد التزم بالأشارات قبل مايدخل يمين اوشمال
- هيجرى ايه لو كل واحد بص فى المرايا قبل مايطلع بالعربيه أويعدى العربيه اللى قدامه
- هيجرى ايه لو كل واحد التزم بمسافه كافيه بينه وبين العربيه اللى قدامه
- هيجرى ايه لو سواق التاكسى او الميكروباص ركن على اليمين لما يجى ينزل ركاب
- هيجرى ايه لو .... حاجات كتييييييييير
السؤال مش كده السؤال ايه اللى وصلنا لكده وازاى نعالج ده ؟

وفيها ايه كمان لو نمشي منظمين

المشاركة الأصلية كتبت بواسطة a.saad

حضراتكم اما كنتم بتتعلموا او كنتم لسه فى اول سواقتكم
مكنتوش بتعملوا حاجة زى كدة
ولا انتم متعلمين جاهزين

انا هأتكلم عن نفسي...
أنا أقعدت سنتين اتعلم و أخد في كورسات في عدة مدارس للقيادة و بعضها كان خارج مصر لان والدي ماكانش موافق يخليني أسوق العربية الا لما أطلع رخصة و بدون واسطة
و لما اخدت الرخصة اخدت كورس تاني في التعامل مع بتوع الميكروباص و النقل و اللي اداني الكورس ده واحد كان بيسوق نقل هنا في مصر
و عايز اقولك أن كل الفترة دي عمري ماطلعت علي طريق سريع أو فيه عربيات
و أول مرة أطلع علي طريق (السويس) كان بعربيتي الجديدة الزيرو و كان جنبي واحد بيرشدني فقط و كنت يومها ماشي 110 كم/ساعة

يعني تقدر تقول كده أني لما طلعت الطريق كنت متعلم جاهز و متعلم صح

أنا بحب الالتزام وعلشان كده مرة ماشي على كوبري وبسرعة متوسطة وآخد يميني وكان فيه ميكروباص قدامي وفي آخر نزلة الكوبري السواق العبقري وقف فجأة علشان ينزل زبون وكان من الواضح ان مفيش عنده ولا إشارة شغالة، طبعا أنا فرملت بسرعة علشان مدخلش فيه وكان من الصعب إن أدخل شمال علشان العربيات اللي جايه من ورا ولكن كان فيه عربيه جايه من ورايه وستر ربنا إنه سائقها وقفها يدوب على لمسه
ربنا يستر