حاسس ان غبور ابو رواش بيشتغلنى(فيرنا ) ؟؟
السلام عليكم ..
انا اخوكم محمد اشتربت فيرنا 2009 من حوالى 10 ايام .. المهم العربية جميلة وكان فى شوية مشاكل بسيطة زى الدبرياج الواطى ورجلاش للفرامل .. المهم كل دة اتظبط فى صيانة الاف فى ابورواش ( 7 ساعات علشان تغير زيت ورجلاش للفرامل والدبرياج ) :_Alshmokh11:
المهم ان فى مشكلتين هما الى انا خايف يطلعوا عيب فى عربيتى وحتاج حد يقلى هى الفيرنا كدة ولا عندى انا بس
1- فى صوت ونة فى غيار المارشدير عند الرجوع للخلف بسرعة يعنى حوالى 20 ك حاجة كدة .. وانا اتأكدت انه من الفتيس لان احد الاخوة فى المنتدى قالى جرب تجيب مارشدير وبعد ين امور الفتيس اثناء الرجوع للتأكد من ان صوت الونة دية من الفتيس وقد كان وفعلا من الفتيس ....اظن صوت الونة دة مشهور جدا واكيد سمعتواة قبل كدة . صوت زى ( عععععععععععععع )
طبعا انا اشتكيت للمهندس الصيانة وكان ردة ان كل الكورى وبالاخص الفيرنا توجد فيها هذة الونة على غيار المارشدير ... طبعا انا مش عارف امسك فى زمارة رقبتة لانى مجربتش اى فيرنا قبل كدة علشان احكم ..
محتاج حد من الاخوة يقولى اية الموضوع بالظبط ؟؟؟؟؟؟؟؟؟؟؟.
2- توجد صوت طقه بحس بيها من قدام عند رفع القدم من على الدبرياج بسرعة .. وبالاخص لو انا ممور العربية ودست دبرياج للاخر وسبت رجلى فجاة . .. وكان رأى المهندس ان دة طبيعى لان الدبرياج فية سوستة وهى الى بطلع الصوت دة .. الموضوع دة بيحصل برضة فى الغيار الاول والتانى لو انا شيلت رجلى من على الدبرياج بسرعة ...
مش عارف هما كدة اشتغلونى علشان ميعملوش حاجة فى العربية وهى فعلا كدة ولا اروح امسك فيهم واعملهم مشكلة والله المستعان .
برجاء من لدية فيرنا التأكد من المشكلتين دول للحكم هل هذا طبيعى فى الفيرنا والا اتعامل انا بقى مع ابو رواش .
شكرا جزيلا