:verygood:
ازاي بقى ؟؟؟؟
بقلك اية معدة اية دة مفيش احلى من الاكل وكل وخلاص لحد ما تشبع
والحمد الله الواحد فى صحة للاكل
لية بنكذب على بعض علشان اتجمل ولا علشان اية ؟
اه و الله اهم حاجة ميكونش فيه كرش:k31:
بس الحمد لله:36_1_34[1]:
الواحد و لله الحمد مهما ياكل
الاكل اللى بياكله بيتحرق في الشغل و المشي و الذي منه
السؤال
ايه رأيك في الحب من اول نظرة:36_3_10[1]:
ملهلب بس وهم(حب مظهري)
الحمد لله كان وزني وصل 90 كيلو وطولي 176 وكان طلعلي كرش ولما مشيت علي النظام الغذائي(السنة النبوية) وشوية رياضة نزلت لل80 كيلو والكرش تقريبا اختفي
انت كل مرة تنسى السؤال
انا بقا عندى سؤال مهم جدا امبارح كنت بتفرج على فيلم واحد من الناس وبجد اخدنى السؤال ده جدا لو انا مكانه فى الموقف ده كنت هعمل ايه؟
لو حد ماشفش الفيلم هو شاف جريمة قتل وطلب منه يشهد زور وياخد فلوس او يقتله مراته مع العلم انه شبه متاكد انها لو ما شهد هتقتل
تعمل ايه لو مكانه بجد من غير شعارات
ياريتنا كلنا نجاوب
حعمل زيه واشهد بالحق
زوجتى حتتقتل .. حتخش الجنة
وأنا حتعذب في الدنيا
بس ربنا حيدخلني الجنة
عشان حافظت على حد من حدوده
وهي ... لم أشهد زور
رضا الله اهم من الحياة والموت
وانت لو مكانه كنت عملت إيه ؟
منا فكرت زيك كده يا نور وقولت الا الشهادة زور
رحمة ربنا اوسع من اى شئ وانتقامه كمان اكبر
بالرغم من كل ذنوبنا اليومية لكن في كبائر منقدرش نهوب ناحيتها وشهادة الزور من الكبائر
ربنا ما يبتلي حد بالابتلاء الصعب ده
انا مش قادرة انسى مشهد كريم وهو بيشهد بالحقيقة والضحكة الخبيثة بتاع الرائع عزت ابو عوف وبعديه مشهد منة وهي مبوحة
مش لاقيه سؤاااااال
والله صعب اوي السؤال ده هو الجواب المثالي والي مقتنع بيه مش هشهد زور
بس ساعة الجد العلم عند الله ماهو الي ايدوه في النار مش زي الي ايدوه في المية ولا ايه
مين اسرع الحيوانات؟
اعتقد النعامة بيقولو انها اسرع حيوان
ازاى اجيب ورق امتحان الثانوية العامة بتاع الفيزياء قبل الامتحان؟؟
على فكرة النعامة هي اسرع طائر
اما اسرع حيوان هو فهد الشيتا تقريبا سمعت ان سرعته بتوصل 120كم/ساعة
بس سمعت برضه ان عيبه ان طاقته محدودة ( بيتعب بسرعة )
و بالنسبة للإمتحان
حاول ما تعتمدتش زيي على اوراق حد
أنا كنت في الثانوية دفعة 2002
المهم كان كل المدرسين متوقعين اسئلة لامتحان الفيزياء ( كان متوقعين الاسوأ )
و قعدنا نذاكر و نركز على الحاجات ديه
المهم جه الامتحان و كانت الاسئلة اسهل من المتوقع لدرجة ان الواحد معرفش يحلها لدرجة ان فيه واحد قاللي بعد الامتحان ان زمايله كانوا بيستعملوا الالة الحاسبة و هو مش عارف ليه
( ولظروف خاصة حصلت لي في يوم اللى قبل الامتحان ) و ساعتها كان الواحد بيذاكر مذاكرة يا جدع ( الصبح كنت بتفرج على ماتشات كاس العالم و بالليل بتفرج على الدوري ايام ما كان الاسماعيلي ناصب السيرك بتاعه للفرق المصرية )
و عادة كان في الاساس ميعاد درس الفيزياء بيكون فيه ماتشات فمكنتش بروح الدرس لحد ما الفاس وقعت في الراس
و بصراحة جبت 26 من 50
ربنا ما يجعلك زيي و يكرمك و تقفل ال50
و اعتمد على نفسك
و اخيرا ذاكر تنجح غش تجيب مجموع
السؤال للي بعدي هو
ايه الوظيفة اللى نفسك فيها ( وظيفة أحلامك )؟؟؟؟؟؟
كابتن طيار
السؤال اللى بعده
ايه هو حلم حياتك
حلم حياتي
امممممممم
اتجوز ( من غير ضحك ) و اشوف عيالي بيلعبوا حواليا ساعة العصر و انا قاعد في جنينة البيت بتاعي تحت تكعيبة العنب
و العربية بتاعتي البي ام واقفة في الجراج
فين السؤال؟؟؟؟؟
حلمك تشتغل ايه؟
حظى اجى فى السؤال ده
حبيبى لانه زى ماهو حبيبى اكيد هو صاحب عمرى
العمر مش بالسنين
جاوب عالسؤال بتاعى
تحب تشتغل ايه؟
يعنى هو ده مجال للاختيار يعنى ابيع الانسان اللى بحبه ازاى طيب جاوب انت
تقدر تستغنى عن مين حبيبتك ولا صاحبك
حبيبتي ولا صاحبي
استغني عن حبيبتي
تستغني عن مراتك ولا صاحبك؟
اللى متجوز حيعرف انه موش هتقدر تستغنى عن مراتك بمزاجك.. وصاحبك بعد الجواز هو اللى بييبعد عنك.. والحدق يفهم ها ها
سؤالى : هى الحياه فى مصر صعبه والا احنا اللى مصعبنهاعلى نفسنا ؟؟؟
يا جماعه الحب بيروح و ييجى لكن الصديق المخلص لا يعوض
أنا رأيى إنها الاتنين هى صعبة من ناحية و احنا كمان مصعبينها أكتر على نفسنا بسلبية و قلة طموح و عدم بذل الجهد و التسرع فى انتظار النتائج
ايه شعورك ناحية أعضاء المنتدى بمعنى المنتدى بالنسبة مصلحة و تضييع وقت و معلومة ناقصاك بتكملها و بس و لا حقيقى عملت منه أصحاب زى اللى عملتهم فى حياتك و أحسن؟
المنتدى محترم جدا واكيد استفدت منه كتير فى حاجات ما كنتش اعرفها عن السيارات
لكن موضوع الصداقات دى مع احترامى للجميع اشك انها ممكن تتكون من النت لان كل واحد بيظهر احسن واجمل ما عنده وده مش عيب لكن برضوا المنتدى مش ارض خصبة للصداقات الحقيقية انا باتكلم عن نفسى والله اعلم بالباقى لان المسألة نسبية
سؤالى ... فكرت تحج او تعتمر ولا الفكرة بعيدة عن خيالك وما فكرتش فيها ؟
اكيد فكرت كل ما بكون مخنوق او حاسس انى عملت حاجة مش راضى عاليها بتمنى اتى ازور بيت الله
السؤال: لية الى بيحصل فى مصر دة؟؟
القدوة والمثل الاعلي راح فين!
ده جوب مش سؤال مفيش سؤال ببالي دلوقتي:shyy:
اللى بيحصل فى مصر اننا بنحارب الدين وبنبعد عنه فى كل تفاصيل حياتنا احيانا لانقصد ذلك واحيانا اخرى بنقصد وعارفين ان ده حرام بس بنكبر دماعنا ونقول ربنا غفور رحيم ( ان الله لا يغير ما بقوم حتى يغيروا ما بانفسم )
ايه اخرة اللى بيجرى فى اسكندرية من تطوييييييييييير !!!!!!!! ؟؟؟؟؟؟؟؟؟؟؟؟؟؟؟؟؟؟
مع اني مش من اسكندرية
بس اكيد اخرة الموضوع خييييير ان شاء الله
سؤال لولبي
لو اشتغلت رئيس جمهورية هتعمل ايه؟؟؟؟
ها.......توت و...توت ...الشعب برده دي زي متقول صفة وراثية بتتنقل مع الكرسي ها ها ها
ايه العربية الي نفسك تجيبها؟
على حسب فلوسي
لو معايا اقل من 100000 هشتري جين 2
لو معايا من 100000 لحد 200000 هشتري هوندا سيفيك
لو معايا اكتر من 200000هشتري بي ام m3
معلش نسيت السؤال
هتعمل ايه في واحد بينصب عليك ( مع العلم انك عارف انه نصاب بس المشكلة انك محتاجله ؟؟؟؟؟؟؟؟؟)
لو النصب بالمعني اللغوي للنصب هاسيبوه وابعد عنه
لو النصب بمعني واحد عايز يستقطعني ويعمل عليا مصلحة هاسيبه وخلص الشغلانة في مكان تاني
في جميع الحالات هسيبه لاني عارف انوا نصاب
والنصاب لو عرفت انو نصاب قبل ما ينصب عليك مبقاش نصاب ده بقه عبيط ولا ايه
السؤال ازاي تعرف النصاب من الكويس؟
بص هو كلمة نصاب دي مش بتتقال الا اذا شفت انه هو عمل عملية نصب قدام عيني او حد حكالي
او الحل التاني انه ينجح في انه ينصب علي
اول الحل الثالث ان ذكاءي خاني في معرفته من اسلوبه او عروضه
اصل كلمة نصاب دي كبرة جدااااااااااااا
زي اللي نصبوا على البنوك
زي المحاكم اللي مليناتة قضايا عن النصب
اتمنى تكون وصلكتكم وجهة نظري
يعني ايه حب أول ؟ (هل هو اول مشاعر عاطفية تمر بيها في حياتك مراهقة يعني ولا اول حب حقيقي تقابله في حياتك مثلا زوجتك او خطيبتك)
أعتقد إنه المشاعر اللى مش ممكن تنساها أبدا و بتأثر فيك بمجرد إنك تفتكرها مهما طال عليها الزمن سواء حصل بقى فى فترة مراهقتك أو نضوجك الفكرة كلها فى صدق مشاعرك وقتها.
إيه الحاجة اللى عملتها فى حياتك و هتموت و ترجع بالزمن عشان تغيرها؟
لو رجع بيا الزمان تانى مكنتش هحب ابداااااااقتباس:
إيه الحاجة اللى عملتها فى حياتك و هتموت و ترجع بالزمن عشان تغيرها؟
لو جاتلك فرصه تاخد جنسيه تانيه غير مصر و تتنازل عن جنسيه مصر هتوافق و لا لأ ؟
و لو هتوافق تتمنى تكون الجنسيه الجديده ايه؟
انى أكون امريكى أو استرالى - وطبعا كلنا عارفين ان مصر هى امى ولنها هو دمى وشمسها فى سمارى وشكلها فى ملامحى حتى ............. يعنى من الاخر الجنسيه المصريه ملهاش قيمه داخليا أو خارجيا
هل عمرك ظلمت شخص ظلم بشع سواء بقصد او من غير قصد لدرجة انك دمرته