عاجل : الماتور عايز طقم شنبر - اعمل نص عمرة ولا اغير الماتور

**samirayad** · 31-05-2009 04:53 PM

طيب ماهو توضيحك لمحل أقامتك ......حيخللى الزميل اللى يعرف واحد كويس يدلك..............

**نور العمر** · 31-05-2009 11:10 PM

لو مدينة نصر

أقولك على حد كويس

**zocor742** · 01-06-2009 06:31 AM

فعلآ كل المستعمل تقريبا دلوقتي ملعوب في عداداته عشان البيع ..
ده حتي العربيات الى عداداتها ديجيتال بيلعبو فيها برضه والتمن 100 جنيه وينزلك 100000 كم
وحسبي الله ونعم الوكيل

ياريت ياجماعه اي حد بيشترى مستعمل يكشف كويس عليه ومياخدش رقم العداد كمقياس
__________________

اول مرة اعرف الحوار دة
هو مش المفروض ان العداد دة مش بيتصفر غير فى التوكيل
ولا هما بيوقفوا العد بتاعة مش فاهم ازاى بيتلعب فية يعنى ممكن ينقص 100000 مرة واحدة دة كدة ممكن يكون بيلعب فى البكرة نفسها الى بتعد ولا اية رأيكم فى الموضوع دة

**samirayad** · 01-06-2009 07:06 AM

دا أنت ممكن تشترى عداد كامل وعامل كيلومترات قليله وتركبه مكان اللى راكب عندك ولا تصفير ولا لعب كمان .........يعنى ممكن تشترى عداد (أستيراد ) لعربيه عامله 60 ألف وتركبه لعربيتك وهى عامله 500 ألف ..........وتروح تبيعها وأنت مروقها بزيت شمبر مثلا .......[gdwl]وتقول دا كانت مرفوعه مثلا ........وهى المفروض تترفع من الخدمه علشان مفوته[/gdwl] .....وبيضحكوا على الغلابه والطيبين بالحيل الشيطانيه دى .........والكلام دا اللى بيعمله الغشاشين والعياذ بالله .........

**Shiref_mohamed** · 01-06-2009 08:28 AM

المشاركة الأصلية كتبت بواسطة klumzo

والله يا جماعة انا بشكركم كلكم

بس مع العلم كان معايا واناا بشتري

ميكانيكي وعفشجي

بس مع الاسف

العربية اساسيات ممتازه حتي بشهادة كل اللي شافها الان

بس مشكلة تفويت الماتور دي زعلتني جدا وعكننت علي فرحتي بالعربية

وربنا يسهل ان شاء الله

وكل دة نصيب

انا بشكر كل الناس اللي شاركتني موضوعي دة وخصوصا

المهندس سمير جزاك الله كل خير

بس لو تعرف ميكانيكي ابن حلال مش جزار دلني علية

دة في ناس بتقول مصنعية بس 500 جنية

انا مش عارف لية

والله المستعان

لو اي حد يا جماعة يعر ف ميكانيكي كويس والمصنعية في المعقول يرد عليا

ان شاء الله تكون مشكلتك بسيطه متقلقش طقم الشمبر مش هيعدي معاك 1000 جنيه وهيرجع الموتور ممتاز..
اما موضوع 500 جنيه مصنعيه كتير جداً

**MMamdouh** · 01-06-2009 10:22 PM

المشاركة الأصلية كتبت بواسطة samirayad

دا أنت ممكن تشترى عداد كامل وعامل كيلومترات قليله وتركبه مكان اللى راكب عندك ولا تصفير ولا لعب كمان .........يعنى ممكن تشترى عداد (أستيراد ) لعربيه عامله 60 ألف وتركبه لعربيتك وهى عامله 500 ألف ..........وتروح تبيعها وأنت مروقها بزيت شمبر مثلا .......[gdwl]وتقول دا كانت مرفوعه مثلا ........وهى المفروض تترفع من الخدمه علشان مفوته[/gdwl] .....وبيضحكوا على الغلابه والطيبين بالحيل الشيطانيه دى .........والكلام دا اللى بيعمله الغشاشين والعياذ بالله .........

ياريتها جت على زيت الشنبر

واحد صاحبى بيحكيلى عن واحد اشترى عربية BMW و بعد ما كشف عليها و كلة تمام اشتراها و بعد اسبوعين سمع صوت فى الكورونا... بعد ما فكها لقى التروس كلها متاكله و الزيت بتاع الكورونا محطوط علية قشر موز... الميكانيكى قال له ان صاحب العربية الاولانى هو اللى عمل كدة عشان يكتم الصوت لحد ما العربية تتباع

MMamdouh

**samirayad** · 01-06-2009 10:30 PM

بعد ما فكها لقى التروس كلها متاكله و الزيت بتاع الكورونا محطوط علية قشر موز...

ماهو حاطط قشر الموز .....علشان يزحلق الكورونه كويس.......ههههههههههه

**Shiref_mohamed** · 02-06-2009 08:20 AM

المشاركة الأصلية كتبت بواسطة zocor742

و الزيت بتاع الكورونا محطوط علية قشر موز....

دى بقى جديدة اخر حاجة يامحمد باشا

ياباشا ياما هتشوف من افتكاستنا
انا معايا عربية لادا الكرونه بتاعتها فيها ونه وكل ما ميكانيكي يشوفها يقولى افتكاسه جديده
مره قشر موز
ومرة واحد قالى هاتلها كيلو لحمه نيه وقطعه قطع وحطه فيها (قلتله اتنيل هو احنا لاقيين اللحمة لما هحطها في الكارونه)

ومره واحد قالى هات كاوتش داخلى وقطعه وحطه فيها برضه

افتكاسات افتكاسات

وللأسف الغش بقى طبع ناس كتير اوى ربنا يرحمنا

**MMamdouh** · 02-06-2009 11:49 AM

شعار المواطن المصرى: انا فهلوى اذا انا موجود

MMamdouh

-

الموضوع: عاجل : الماتور عايز طقم شنبر - اعمل نص عمرة ولا اغير الماتور

LinkBack

أدوات الموضوع

عرض

-

-

-

-

المواضيع المتشابهه

ازاى اعرف ان الماتور محتاج عمرة ؟؟؟؟

مساعده عاجلة فى عمل عمرة موتور كاملة للانسر بومة(الماتور مفتوح)

اعمل ايه لما اغير الماتور

عاجل ...زيت الماتور ناقص !!!!!!!!!

ايه مواصفات او ايه الى يخلينا نقول الماتور عايز عمرة فى البيتل

الكلمات الدلالية لهذا الموضوع

المفضلات

المفضلات

ضوابط المشاركة