حد يعرف ورشة ميكانيكا كويسة فى اسكندرية.. مشكلة فى طقم الديبرياج

السلام عليكم يا شباب

حد يعرف ورشة ميكانيكا يكونونوا بيفهموا وشغلهم كويس فى اشكندرية ويفضل لو فى الأزاريطة

لأن مشكلتى باختصار هى

انا عربيتى لادا 2107 موديل 2007 مصرى .. بالتكييف

المشكلة باختصار بدأت لما حسيت ان سحب العربية ضعيف علما بأنها عاملة 30 ألف كيلو

رحت لميكانيكى ناس وصفوهولى قالى الاسطوانه والديسك عايزين يتغيروا .. غيرتهم باسطوانه وديسك روسى وغير معاهم بلية الديبرياج

بعد اسبوع لقيت العربية فيها رجرجه جامده مع الأولانى .. فى الطالعة والرجرجه ديه بتحصل لما العربية تسخن شوية .. رجرجه شديده وصوت زى حديد بيخبط فى بعضه

رحت لميكانيكى تانى ثقه قالى الديسك ده وحش ولازم يتغير وتجيب الألمانى لأن الروسى وحشhttp://www.masrmotors.com/vb/images/.../019F3B~14.gif

جبت ديسك ألمانى . (( يعنى 2 ديسك فى اسبوع ))

وركبته .. والعربية بقت كويسه (( الكلام ده الاسبوع اللى فات ))

المشكة بقى ان الرجرجه ديه ابتدت ترجع تانى
رجرجه عنيفه مع الأولانى

.. كل ما آجى أطلع بالعربية لما تسخن شوية تحصل الرجرجه ديه http://www.masrmotors.com/vb/images/..._28[1].gif

وبعدين حاسس ان الدبرياج مش مظبوط يعنى لما اكون معشق على التانى مثلا وأدوس عليه باحس بكركبة كده لما يفصل

مش عارف فين المشكلة ؟؟

لو حد يعرف ياريت يدلنىhttp://www.masrmotors.com/vb/images/smilies/brn.gif

أو حد يدلنى على ورشة ميكانيكا تكون كويسه وشغلهم مظبوط

ومشكوووورين يا أهل الخبرة مقدما

المندرة عند السوق جمب بنزينة اسو اسال على حسن عبد الرازق هو مشهور بالبيجو بس بيشتغل فى كلو الراجل دة عن تجربة تمام قوى و اسعارة مش غالية و شغلة نضيف قوى انا بعمل عندو كل حاجة ميكانيكا و عفشة و فرامل

انا والدي معاه لادا 2105 و بيروح لصنايعي متخصص في اللادا و بس ..... الصنايعي ده اسمه ( رضا ) صنايعي ممتاز و مش طماع بس ورشته في منشية النزهة علي الترام ( ورشته علي الترام قبل السوق بحوالي شارعين لو انت جاي من ناحية شارع الجواهر) .....