واحد عارض كيا سيراتو الشكل الجديد للبيع بعد ما مشييت 50 ك بس غريبة .عايز تفسير؟
http://car100100.com/cardetails.php?car_id=8665
زى ما انتم شاييفين لسه بلزقها...
واحد عارض كيا سيراتو الشكل الجديد للبيع بعد ما مشييت 50 ك بس غريبة .عايز تفسير؟
http://car100100.com/cardetails.php?car_id=8665
زى ما انتم شاييفين لسه بلزقها...
ممكن تكون نفسيته مرتاحتش للعربية ، عادى بتحصل ، او كان متوقع اداء اعلى او او ، محدش يعرف ..
ممكن تكون العربية مثلا ما عجبتهوش او كان متوقع حاجة احسن من كدة
عادى انا ممكن عربية تكون الناس كلها بتموت فيها وانا مش بطيقها
مع ان العربية تحفة فى كل حاجة بس نفسيتى من نجيتها مش حلوة
وممكن يكون تاجر وعامل الاعلان
او تاجر بيبعها
لانى سمعت ان التجار لجاو لحيلة بيع العربية كسر زيرو اما انتشرت حملة خليها تصدى
ممكن صاحبها يكون محتاج فلوس
ممكن يكون عشان خليجي لاقي نفسة ممكن يبعها و يجيب من التوكيل عشان ياخد فترة الضمان تلاقي بتاع الخليجي قالو هدخلهالك الضمان و الاكلام الي انت عارفينو ومنفعش فقال ابعها و اجيب الي في الوكيل و ياخد جنوط و اير ياج و اوبشن زيادة و الضمان
إيه المشكلة يعني...
ما المرسيدس بتبقي لسه مكملتش 100 كم و تلاقيها بتتباع
ممكن يكون تاجر
و ممكن يكون عايز الفلوس
و ممكن يكون عايز الهاي لاين
و ممكن يكون مهاجر
و ممكن ماتكونش عجبته
عادي يعني....:)
مفيش مشكلة فيه اكتر من الف سبب ممكن يخليه يبيع العربية
أي عربية ممكن تتباع كسر زيرو ، بس هي فعلا غريبة ، أصل عاملة 50 كيلو دي يعني يا دوب جربها ، غالبا حيلة من تاجر
و هو اما تاجر يعمل حيلة كسر زيرو ماهو هيخسر يا جماعة الكلام ده مش منطقي
لانه هينزل مش اقل من 5 الاف جنيه
غالبا اتزنق له في قرشين
الموضوع ده قابلناه من فترة وإحنا بندور على عربية
كانت أوبترا بردوا ماشية كيلو قليل جدا ً فسألنا عن الموضوع ده
طلع فيه ناس بتكون محتاجة فلوس فبياخدوا قرض من البنك لشراء سيارة وبعدين يبيعوا العربية عشان يبقى معاهم سيولة ، ويسددوا للبنك على مهلهم
50 كيلو ده غالبا تاجر وبيبعها او ياخوفي تكون عامله حادثه
ده انا مستلمه عربيتي 65 كم من المعرض
50 كيلو دي جديدة ....
العربية ما علتقتش النمر حتى
انا كلمت صاحب العربية الأستاذ هشام ...
العربية ما اتركبتش ...
من المعرض ..للمرور ...للبيع
السبب ....خاص و مالوش أي علاقة بالعربية (هو مالحقش يركبها أساسا)
بيقولي العربية زيرو ...و دي بضمان الوكيل و تمنها 111000 الف و هو بيبيعها بـ107000 الاف لأنه رخصها فقط
الراجل مش تاجر و ساكن في حتة كويسة و العربية في جراج و سيكيوريتي و بتاع
بالظبط 50 كيلو يعنى زيرو هيا اصلا بتيجى ماشية بتاع 50 كيلو اصلا
مبروكه على اللي هياخدها
الشرا والبيع دا رزق .. سبحان الله
دول المسافة من التوكيل لمخزن المعرض و من المخزن للمعرض
انا شغلي في ابو رواش و بعد القرف اللي شفت سواقين هيونداي بيعملوه في العربيات اللي منزلينها البلد بلوح تجاري (بيحرقوا عالعربية و هي لسه في التليين و يجروا ورا بعض و يخمسوا) قررت ان اما هاشتري عربيتي الجاية ان شاء الله هاشتريها و هاستلمها من مخزن الوكيل و اسوقها شخصيا
يا جماعة لو تم ملاحظة الصورة نجدها ماخوذة فى سةوق السيارات ( مدينة نصر ) اى ملتقى تجار وسماسرة السيارات وايضا بعض التجار منعدـــــــدمـــى الضمير .
قابلت واحد امبارح فى الشارع لا أعرفه وسألته عن رأيه فى السيراتو الجديدة وكان راكب ال se
قال لى : العربية تقيلة وسحبها بطيء و العفشة ناشقة و حاسس ان هناك سخونية طالعة من تحت رجليه ثم قال لى بأختصار انا حاسس انى راكب 28
انا قلت اقول لكم ما سمعته بالأمانة
بصراحة انا قررت أصرف نظر عن هذه العربية و لو موقتا حتى يبان الأداء بتعها بحق و حقيقى
فلو كانت هذه هى الشكوي بعد 1000 كيلو ماذا سيكون الوضع بعد 50000 كيلو
وأدى واحد تانى عايز يبيع بعد ال 50 والباقية تأتى
تقيله وسحبها بطئ وسخونيه و128 وعفشه ناشفه
السحب معتقدش بطئ دا انا من خوفى على العربيه بتاعت زميلى مرضيتش أسوقها عشان سحبها المغرى
سخونيه مفيش الكلام ده
128 أيه ياراجل الى بتقارنها بيها
العفشه الناشفه دا عشان لسه مظبطش الهوا بتاع الكاوتش يظبط الهواء ويشوف الفرق
حرااااااااااااااااااااااا اااااااااااااااااااام عليه
ولو عندو المشاكل الى قالها دى فعلا يبقى ممكن تكون فى مشكله فى عربيته وطبيعى الموتور لسه متفتحش
انا معايا الsx..........العربيه سحبها قوي جدا ..........وبتجري بسرعه والتجميع بتاعها رائع
السخونيه.......مفيش حاجه من دي اصلا...
العفشه لو ظبط ضغط الهوا عادي.........وهي عفشتها رياضيه
والعربيه ثباتها حلو جدا .........
حاجه من اتنين يا خايف من الحسد
ياعربيته هو فيها مشكله وهو فاكر انها كده..........
اما الاخ اللي عايز يبعها فهو بيقول انه مركبهاش اصلا وانه حيبعها لاسباب شخصيه مش لحاجه تخص العربيه
وده كلامه هو
ههههههههه
والله الراجل ده دمه خفيف (اللي قاللك)
و تقريبا خايف من الحسد
لأن العربية معروف عنها ان موتورها نشيط جدا و انا جربت ده بنفسي و بتجري بتجري يعني ...
بس فكرة مفيدة في حاجتين ,
يشيل العين (العربية شكلها حلو بصراحة) و يا خوفي عليك يا غازي يا خويا ....ما حدش عارف أراضيك فين
الحاجة التانية ان العربية ماتنتشرش قوي و نبقى مش كتير في الشوارع .....لاحسن دي شكلها هاتبقى ولا البوما في زمانها
طبعا انا احترم جدا أمانتك في النقل و لا أكذب الراجل صاحب العربية بس باقول (احساس) جالي كده ...
ربنا يسترها
أنا مش عارف يا أخى "yramadan" ايه الحكاية بالضبط أنت مكرر مشاركتك دى فى أكثر من موضوع عل الرغم من تأكيد مالكى العربية بالمنتدى على عدم صحة هذه المعلومات وإن العربية ممتازة و لا يوجد بها أى من هذه العيوب
أنت يا إما من مالكى اليابانى و عايز تكرهنا فيها يا اما من شركة منافسة للكيا http://www.nilemotors.net/Nile/image...um1%5B1%5D.gif
بلاش نقدم ...سوء الظن
الحاجات دي ما بتستخباش ...و العربية ما شاء الله حلوة
ومكسرة الدنيا ...بكلامنا او من غيره
و بكلام غيرنا او برضه من غيره ...
و انا واحد من اللي حاجزين بس كتر الإنتظار خلانى متحفز على الأخر و معنديش أى إستعداد لتكسير المجاديف.
على العموم أنا بأعتذر على سوء الظن
اسف
المقدمة بدون كروم وايضا المرايات بدون اشارات
يا جماعة دي زيرو 108500 عند ناشيونال موتور بس فيها ملتي فنكشن زياره ده الي باين من الصوره والباقي الله اعلم يعني حتجبها تان ايد وناقصه اوبشن عن الزيرو وحتدفع 107000+1500 تسجيل يبقى انت اكيد خسران وده شكله تاجر الكاتوجري شكله خليجي
وكمان من غير اشارات في المرايات ومن غير كروم
عادى يا جماعة ... انا مستلم عربيت 190 كيلو !!! .. فدا اكيد تاجر ملهاش حل تانى
اعتقد فعلا انه تاجر
هو اكيد مش راح يقول انه تاجر يعني و راح يقول انو البيع لسبب خاص
اصل صعب اوي يكون اكتشف السبب الخاص هاد في طريقه من المعرض للبيت
الواحد عشان يقبل علي شرا عربيه جديدة بيقعد يدرس القرار ايام و اشهر و يحسبها من كل ناحيه
صعب يكون السبب طلع في خلال الخمسين كيلو هادول
عموما هاي مش اول مرة اشوف عربيه باللزق تبعها و بلا نمر علي الموقع هاد