-
مشكلة جامدة جداااااااا
السلام عليكم ورحمة الله وبركاتوه
انا زى ماناتو عارفين معايا فيرنا 1600 لسه جايبها وهيا عاملة دلوقتى 10100 كم
المهم انا منتظم فى الشركة فى المواعيد بتاعت الضمان عملت صيانة ال 1000 ووحطيت زيت شيل 5000
المهم جيت قبل صيانة ال5000 سمعت صوت الموتور عالى جدا
وكشفت على الزيت وملقتش زيت قولت يمكن مش بعرف اقيسوه
وفعلا غيرت الزيت فى التوكيل وصوت العربية بقه تمام
ودلوقتى المشكلة الكبيرة انا عامل بالعربية 10100 وصوت العربية عالى جدا بردوه المهم ركنت العربية من باليل للصبح وجبت واحد ميكانيكى يشوف الزيت قبل ماادور العربية
والمفاجاة ان مفيش ولا نقطة زيت نهائى وصوت العربيةى عالى جدا ومش عارف اعمل ومش عارف ايه السبب ياريت يا جماعة تقولولى الزيت بيروح فين وايه العمل انا خايف بعد كده مخدش بالى والموتور يروح
ياريت الرد علشان الموضوع مهم جداااااااااااااااااااااا
-
و انا عمال اقلب في المنتدي قريت عن موضوع زي كدا !!! بيقول انه بيتم تغيير المتور كاملا !!!
ربنا يعينك :evil:
-
-
يمكن طبة الزيت مفوتة وبتفضى الزيت....... حضرتك بتلاقى بقعة زيت كبيرة تحت العربية؟؟ اهم حاجة ماتدورش العربية و هى مافيهاش زيت ولا تتحرك بيها أبدا لحسن تطير الموتور!!!! طبعا لازم تروح بيها التوكيل علشان يكشفوا عليها هناك ديه مشكلة خطيرة جدا ولازم تحلها!! ربنا يعينك على المشكلة ديه.
-
فعلا كان في شكوي مماثله في المنتدي و اظن سبعاوي كان قال لصاحب المشكله يعيد علي الاويل سيل
اللهم نجنا من غبور و من معدومي الذمه و الضمير من امثاله
-
هل بتلاقي زيت أسفل السيارة الصبح؟
هل الموتور معكوك زيت من تحت؟
هو الزيت هيروح فين يعني أكيد هيتسرب من إي حته
تروح على الضمان وتطلب حل لمشكلتك حتى لو هيغيرولك الموتور
ومتسكتش عن حقك لأن تصليح الحكاية دي مش سهل
-
-
راجع الموضوع ده
http://www.nilemotors.net/Forum/viewtopic.php?t=7965
ده عيب نازل فى آخر باتش من غبور تقريبا و حقك الموتور يتغير على حسابهم و تبهدلهم كمان
-
أولا حضرتك تتصل بمركز الصيانه المتنقله لكي ياتو إليك حيثما تكون (ودي خدمه جديده من الوكيل) وبعد ذلك سوف يقوموا بعمل اللازم من حيث نقل السياره إلى مركز الخدمه (على حسابهم طبعا لأانك في الضمان) أو يقوموا بوضع زيت في الموتور ثم يتوجهوا بها إلى مركز الخدمه للقيام بما يلزم
وإذا تم تحميلك أي مصاريف يجب عليك أبلاغ جهاز حماية المستهلك فورا وسوف يقوم باللازم
ولكني أعتقد أنك لن تحتاج هذه الخطوه حيث أن الوكيل حفاظا على أسمه المتربع على عرش أعلى مبيعات في مصر سوف يتلاشي أي أساءه لاسمه خصوصا في مثل هذه الحالات
-
واحد صاحبى قريبة غير الموتور 3 مرات لحد دلوقتى - بصراحة مسخرة
Content Relevant URLs by
vBSEO 3.6.0 PL2