النيو اكسنت اتسرقت

**zocor742** · 30-05-2009 06:17 AM

اللة يكون فى عون صاحبك مع انة بردو غلطان مينفعش يسيب المفتاح فى العربية ويمشى على الاقل ياخد المفتاح ويسيبها مفتوحة
انا خالى اتسرقت منة عربية وهو راكنها وقافلها نزل ملقاش العربية وبعد فترة لقى العربية مرمية بس متنفضة
وواحد جارى بردو كان ساكن فة اول دور كان بيدور العربية من الريموت بالبلكونة عقبال ما ينزل مرة فيهم واحد غريب ركب العربية وطار مع ان الناس كانت بتحظرة بس هو الى كان غاوى منظرة وفشخرة على الفاضى وبردو بعد فترة وعناء وبحث لقاها مرمية فى مكان مقطوع وبردو متنفضة

**Mzeid** · 30-05-2009 08:07 AM

إن شاء الله يلاقيها بس هيكون اتسرق منها حاجة او اتنين ..
و ربنا معاه إن شاء الله ..

_____________________
مشرف العــــــــــــام

**GMakram** · 30-05-2009 01:43 PM

ربنا يعوض عليه وان شاء الله يلاقيها لو ده اللى ربنا عايزه
انا عايز اقول حاجه,احترمت اوى كل الاعضاء اللى بيشاركوا بالمواساه او بمحاوله تقديم مساعده قدر المستطاع,انا اول لما قرات الموضوع بصراحه كنت متخيل هلاقى معظم الردود كان المفروض يعمل او هو غلطان فى كذا او او او لانه معروف ديما عننا كشباب او كمصريين عموما النقض قبل النصيحه لكن احترمت اوى تعامل المشاركين فى الموضوع بالطريقه العمليه دى
مره تانيه ربنا يعوض على صاحب العربيه

**Dr.Karim Emam** · 30-05-2009 07:45 PM

ان شاء الله هيلاقيها,
على ما اعتقد ان دة مش حرامى بمعنى الكلمة, تقريبا هو عيل صايع بس جرىء شوية و لقى عربيه قدامه فنط فيها و جرى و يفضل يلف بيها لغاية ما يخلص البنزين و يقوم رميها في اى حته و يخلع.
على فكرة الموضوع دة حصل قبل كده برده في قرية في الساحل الشمالى, الرجل نزل و ساب العربية دايره و بنته كانت قاعده جوة العربيه !!!!!!!!! و نفس القصه الواد نط جوه العربيه و شرخ بس من رحمة ربنا نزل البنت فى اخر القريه و خلع بالعربية.
المهم بس يبلغ الشرطة و يعمل الواجب الصح مع الصول و يزن عليهم كل شويه و ربنا يكرمه و ترجع العربية

**sab3aawy** · 30-05-2009 09:43 PM

قلبى معاه وربنا يصبره، الواحد من غير عربيته بيحث انه زى العيل اللى تاه من امه فى الزحمة، ربنا يكرمه ويلاقيها

**A.Saad** · 30-05-2009 10:05 PM

المشاركة الأصلية كتبت بواسطة karimemam

ان شاء الله هيلاقيها,
على ما اعتقد ان دة مش حرامى بمعنى الكلمة, تقريبا هو عيل صايع بس جرىء شوية و لقى عربيه قدامه فنط فيها و جرى و يفضل يلف بيها لغاية ما يخلص البنزين و يقوم رميها في اى حته و يخلع.
على فكرة الموضوع دة حصل قبل كده برده في قرية في الساحل الشمالى, الرجل نزل و ساب العربية دايره و بنته كانت قاعده جوة العربيه !!!!!!!!! و نفس القصه الواد نط جوه العربيه و شرخ بس من رحمة ربنا نزل البنت فى اخر القريه و خلع بالعربية.
المهم بس يبلغ الشرطة و يعمل الواجب الصح مع الصول و يزن عليهم كل شويه و ربنا يكرمه و ترجع العربية

بتوع المباحث افيد فى الموضوع ده

**M_Nabil** · 31-05-2009 02:28 AM

إنشاء الله يلقيها بس محضر في القسم غير كافى الاحسن يروح لمديرية الامن اللى هو تابع ليها سواء القاهرة او الجيزة ويعمل بلاغ في قسم مكافحة جرائم السيارات اللى في المديرية ولو ليه معرفة هناك يبقى افضل عشان يكون فيه اهتمام بالموضوع وياريت يتابع معهم كل كام يوم وابقى طمنا.

**Samah AbdAllah** · 31-05-2009 01:21 PM

هو لسة مفيش اخبار عن العربية لحد دلوقتى؟؟؟؟؟؟؟؟؟

-

-

الموضوع: النيو اكسنت اتسرقت

LinkBack

أدوات الموضوع

عرض

-

-

-

-

-

-

-

المواضيع المتشابهه

للخبراء لو سمحتو... هو موتور النيو اكسنت هو نفس موتور النيو الينترا ؟؟

النيو اكسنت

النيو اكسنت

النيو واجا ولا النيو اكسنت

يا جماعة حد يساعدنى اختار ايه النيو واجا ولا النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة