الاخوة الافاضل
عاوز اروح لحديقة الازهر من عن طريق صلاح سالم وانا اصلا هكون جاي من جه الزاوية الحمرا وواخد كوبري الفنجري اذاي اروح ليها واذاي ارجع للزواية تاني
تقبلوا تحياتي ،،:36_7_7[1]:
عرض للطباعة
الاخوة الافاضل
عاوز اروح لحديقة الازهر من عن طريق صلاح سالم وانا اصلا هكون جاي من جه الزاوية الحمرا وواخد كوبري الفنجري اذاي اروح ليها واذاي ارجع للزواية تاني
تقبلوا تحياتي ،،:36_7_7[1]:
حضرتك متخدش كوبري الفنجري .. حضرتك هتاخد كوبري القبة
وبعدين من أسفل كوبري الفنجري يمين
طوالي هيقابلك كوبري العروبة عند مطلع كوبري أكتوبر فوق العباسية (الكوبري اليمين )
هتطلعه وتكمل في صلاح سالم
هيقابلك كوبري الفردوس على الشمال
هتطلعه برضه وتحضن شمال
هتلاقي نزلة نفق الأزهر يمينك متنزلهاش طبعاً وخليك شمال
بعد حوالي كم واحد هتلاقي حديقة الأزهر على يمينك
هتركن في الباركنج بتاعها وتقضي يومك
ولما تخرج هتلاقي نفسك مضطر تكمل في صلاح سالم يمين
فيه ملف جامد جداً بعد حوالي كم واحد خللي بالك منه
وعند منزل المقطم هتلاقي يوتيرن يرجعك تاني شمال
هتكمل فيه وهتطلع كل الكباري اللي هتقابلك
لحد ما تلاقي أرض المعارض عل يمينك هتحضن يمين
وتدخل من جنب كوبري الفنجري اللي بيقطع صلاح سالم عند هذه النقطة
هتمشي جنب سور أرض المعارض وهتلاقي اتجاه إجباري يمين
هتلف من أول يو تيرن وطوالي كأنك داخل الاستاد
وبعد الملف هتخش شمال وتكمل في اتجاه كوبري الفنجري فكوبري القبة فالزاوية الحمراء
وتوصل بالسلامة
خلي بالك بعد ماتخرج من حديقه الأزهر هتكمل في صلاح سالم عادي وهتلف وترجع من تحت كوبري السيده عائشه علشان اللفه بتاعت مطلع المقطم ممنوعه
شكرا جزيلا لاخوة الافاضل / د.أحمد سمير و HeMa_LanCeR علي الاهتمام وسرعة الرد ولكم جميعا خالص تحياتي ،،،