توضيح هام لجميع الاخوه الاعضاء

**Mamdoh Elarby** · 07-05-2007 08:54 PM

من خلال مناقشاتي مع الاستاذ هاني بايو بخصوص موضوع التأمين فممكن حد من الاخوه الاعضاء يفتكر ان جديد علي المنتدي و مش متابع و دخلت في موضوع التأمين ده علي طول .
انا مشارك قديم من ايام كونتاكت الله يرحمه بس كنت بشارك ب اللي اقدر افيد فيه و الوقت طبعا بيبقي ضيق.
انا فعلا خطأي الوحيد اني مشاركاتي قليله فعلا و ده يا جماعه و الله لضيق الوقت ليس اكثر علي فكره فانا مبعدش في البيت تقريبا .
فارجو من جميع الاخوه الاعضاء انهم يسامحوني عالموضوع ده و اوعدكم بالتغيير قريبا ان شاء الله.و اتمني انكم تعتبروني ضيف غير تقيل عالمنتدي .
و كمان ياريت يا جماعه لو في حد عنده اي مشكله في التأمين في اي شركه في مصر ميترددش لحظه يا جماعه ياريت يقوللي و يستني و يشوف انا اقدر اخدم ازاي .و ان شاء الله ميبقاش في مشاكل لاي حد.
و كده انا اقدر ارد جزأ صغير من خطأي في قله المشاركات تجاه الاعضاء.
و ياريت يا جماعه حد يطمني و يقوللي فين الاستاذ سعيد و يارب يكون غيابه خير ان شاء الله.
و طبعا ميمو بشكره جدا علي المجهود الجبار اللي عمله في المنتدي و كمان جميع المشرفين في المنتدي عاملين شغل جامد اوي.
يارب مكونش طولت عليكو.........

السلام عليكم.........

اخوكم المقصر في حقكو / ممدوح العربي

**kamatchodj** · 07-05-2007 10:25 PM

اخوكم المقصر في حقكو / ممدوح العربي

ابدا يا استاذ ممدوح............ انت بتحاول تخدم

وبايو بيحاول ينظم

وده كله لصالح الاعضاء

اهلا بيك .............منورنا يا دوحه

**Mamdoh Elarby** · 07-05-2007 10:37 PM

اشكرك جدا يا كامتشو باشا علي المجامله الحلوه ديه.
و علي فكره بايو عنده حق في كل اللي بيقوله بس هو اسلوبه هجومي حبتين بس انا و الله مقدر خوفه علي مصلحه اعضاء المنتدي و انا لو مكانه طبعا هعمل اكتر من كده.و خصوصا انها مسئوليه كبيره.
و ان شاء الله اتمني اتشرف بيكو و نتقابل في اقرب فرصه ان شاء الله و فعلا بسم الله ما شاء الله المنتدي عامر بصحابه.

و ربنا يوفق الجميع ان شاء الله........................

**kamatchodj** · 07-05-2007 10:43 PM

ياباشا اهو انت كده فهمت كل حاجه .... بايو خايف على مصلحه المنتدى

وانت عايز تخدم

واحنا اتشرفنا بوجودك معنا

وماتنساش تجيب معاك حاجه حلوه لينا يوم المقابله

**Mamdoh Elarby** · 07-05-2007 10:54 PM

انا عنيا ليكو انت تأمر يا باشا تحب اجيبلك ايه صوابع زينب و لا رموش الست ( علي فكره انا مش عارف ايه هيا رموش الست ديه بس سمعت واحد قبل كده بيقولها) ههههههههههههههههههههههههه
و لا اقولك بدل ما تقولوا ممدوح جاب حلويات و مجبش حتي سندوتش لحمه احنا نطلع كده بربطه المعلم علي البرنس بتاع امبابه او بيبو بتاع شبرا ( علي فكره هما دول الل انا بعترف بيهم في الاكلات ديه بالذات)و متخافش البرنس ده بياكلوا عنده نص لاعيبه الكره بتاعه مصر و مغرق المحل بصورهم معاه..............................
و لا اقلك احنا نختصر الموضوع ده كله و نقف ناكل حلبسه علي كوبري الجامعه ههههههههههههههههههههههههه ههههههه
السلام عليكم و رحمه الله
اخوك الصغير

**kamatchodj** · 07-05-2007 10:58 PM

علي فكره انا مش عارف ايه هيا رموش الست ديه

نعم يا خويا ................. انت ها تعمل فيها مؤدب ولا ايه

يا باشا انت والله جوعتنى بعروضك السخيه ديه

ماشى يا باشا مشيها البرنس

**PAYOO** · 08-05-2007 07:29 AM

المشاركة الأصلية كتبت بواسطة Mamdoh Elarby

و لا اقلك احنا نختصر الموضوع ده كله و نقف ناكل حلبسه علي كوبري الجامعه ههههههههههههههههههههههههه ههههههه

هههههههههههههههه

هيه الحلبسه بتتاكل ؟؟؟

أحنا هانخـُم من أولها كده ؟؟؟

على العموم يا أ/ ممدوح إن شاء الله يكون لنا لقاء لكي نتمكن من أن نقدم أفضل العروض لكل أعضاء منتدانا

وعلى فكره أنت لو كلمتني في التيليفون وسمعت نبرة صوتي هاتعرف أني من النوع الحماسي المتحمس إللي بيبقى ساعات يبان أنه هجومي عصبي

لكن صدقني مافيش حاجه أبدا كل الموضوع هو أننا هانتحمل مسئولية كل ما يتم من خلالنا أمام الله ثم الأعضاء