ياأهل الخبره ارجو الافاده

**smsmzarw** · 29-05-2009 05:44 AM

اسلام عليكم يشرفنى ان انضم إلى فريق الماروتيه الله رزقنى بسياره ماروتى زيرو 2009 وسياره بفضل الله زى الفل ووصلت 1000 كيلو وتصلت بلتوكيل فرع المطار عشان اقرب لى وحجزلى يوم 4/6 وقال التكلفه حتكون 170 ج وطبعاَ أنا من عشاق هذا الموقع ومتابع كل الأراء ولاحظت كتير الشكوى من التوكيل وكتير بينصحوا بأنك تروح بعيد عن التوكيل دى أول صيانه للعربيه وإيه فيدت الضمان ارجو من ألأخوه الافاضل أعمل إيه وجازاكم الله خير :k32:

**smsmzarw** · 29-05-2009 05:40 PM

لماذا يا أهل الخبرة ويا شباب المنتدى الاعزاء لا يوجد أحد رد

**muslimah_dentist** · 29-05-2009 06:02 PM

أولا : ألف مبروك على العربية

ثانيا: بالنسبة للتوكيل كان فيه رابط عن موضوع اتعمل بالفعل عن التوكيل و فيه ناس شكرت فيه وفيه ناس ذمت فيه المهم توكل على الله و روح انت و اللى فيه الخير ربنا هيعمله

أنا معايا ماروتى 2009 بس فى صيانة الألف مأقدرتش أروح التوكيل عشان والدتى كانت بتعمل عملية بس أنا غيرتلها زيت برة على الألف و العربية ماشية معايا زى الفل من غير مأروح للتوكيل لغاية دلوقتى و انا عملت بيها حوالى ألفين و 500 كيلو

اتمنى انى فى حد يفيدك فى موضوع التوكيل

ملحوظة بسيطة( بلاش اللون الأحمر لأنه خاص بالادارة)

**micromoud** · 29-05-2009 08:12 PM

مبروك ياباشا
لازم ترحلهم التوكيل فى اول 1000 كيلو عشان يعمل كشف على كل حاجه فى العربيه ويغيرلك زيت وفلتر
صيانه اول الف مابتدفعش غير مصاريف الزيت والفلتر

غير كدا مابتفعش ولا مليييم ولو فى حاجه موش مظبوطه عندك قولهم اى حاجه ولو بسيطه وهما يغيروها بجديده على طول

دى فايده صيانه الالف كيلو

بعد كدا بقى فى الصيانات التانيه بتدفع فلوس المصنعيه واى حاجه عايزه تتغير بعيد طبعا عن ضمان الموتور

ارجو اكون افدت والف مبروك عالعربيه وربنا يباركلك فيها

**smsmzarw** · 30-05-2009 12:02 AM

اولاً : الله يبارك فيكم
ثانياً: جازاكم الله خير على الإهتمام والرد وده يدل على حبكم للخير والنصيحه واجدد شكرى
ثالثاً: أأأأأأأأأألف سلامه على الوالده وشفاها الله وعافاها
رابعاً : بارك الله فيك اخي الكريم و حضرتك طمنتنى اروح للتوكيل ولا لاء بس هل الزيت والفلتر بى 170 مش موضوع الفلوس بس انا بستفسر دى اول مره وباخد خبره وجازاك الله خير

**micromoud** · 30-05-2009 12:41 PM

انا الزيت والفلتر اتكلف معايا حوالى 150 جنيه زيت 5000

**m7nsh** · 30-05-2009 06:47 PM

يا هلاااااااااااااااااا بيك يا سمسم باشا هتنورنا والله :)
ايوه كده يا اخواننا الماروتيه بقو فى كل مكان ,, ماروتى اوه اوه ماروتى اوه اوه :]

الف مبروك عليك طبعا و ربنا يديك خيرها و يكفيك شرها و يباركلك فيها
الصيانات الدوريه فى التوكيل كل فايدتها الحفاظ على الضمان بتاعك
انا شخصيا التوكيل بعيد عنى جدا ( ميت غمر ) ده غير ظروف الكليه فمش بتعامل معاه و عربيتى 2009 برده بس بتعامل بره و هى حوالى 9300 كيلو دلوقتى ,, ان شاء الله ع ال10 الاف هعمل الصيانه بتاعتها حسب الجدول مع مكيانيكى واحد يعرفنى عليه و خلاص على كده
بس بكل تأكيد التوكيل افضل لأنهم فاهمين عن اى حد بره
و راجع الموضوع ده فيه خلاصه كبيره ليك http://www.nilemotors.net/Nile/showthread.php?t=48180
واى استفسار احنا فى الخدمه يا جميل
عاوزين نشوفك دايما معانا بقى :)

**smsmzarw** · 04-06-2009 03:43 AM

الله ينور بصيرتك ويرزقق الخير اين ماكنت
وانت من الاعضاء المميزين وكنت بحب اقراء ارائك فى معظم المواضيع
وجازاك الله خير على النصيحه
وارجو من الله ان يرزقق الله (( مكانيكى يخاف الله )) آمين
وأسف على التأخير

**m7nsh** · 04-06-2009 04:54 AM

وجزاك مثله يا سمسم ربنا يخليك
عاوزين نشوفك بقى معانا دايما و متغبش علينا تانى :)

**romido2010** · 04-06-2009 11:19 AM

انا جنبك يا m7nsh

من المنصورة...والتوكيل بعيد عنى برضه...ومش ناوي اروح...
عربيتى 2009
ياريت تقوللى على الميكانيكى اللى هتروح له....وجزاك الله خيرا