| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 4 من 4

  1. #1

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي أين رخص سائقى الميكروباصات !! - Facebook Twitter whatsapp انشر الموضوع فى :

    hasad">

    كمين مفاجيء اتعمل امبارح فى غمرة على الساعة 9 الصبح كده .

    طبعا قبل ما اطلع على غمرة .. اتفاجات ان الميكروباصات ماشية فى شوارع غريبة جدا اول مرة اشوف فيها ميكروباصات ..

    استغربت اوى و قلت دول جايين منين دول !

    عدى اكتر من 25 ميكروباص تقريبا و كله بيخرم و يطلع على كوبرى احمد سعيد .

    لما تلعت على شارع غمرة شفت الكمين و عرفت اللى فيها بقي .

    الميكروباصات كانت بتخرم من شارع رمسيس و تدخل من الظاهر و تطلع قبل كوك دور و تنزل الناس . كل ده علشان الكمين كان شادد اوى .

    تخيلوا كام سواق ميكروباص ممعهوش رخصة يا جماعة !! ده حرام بجد .

    بعدها ركبت تاكسي . و انا راكب سالت السواق قلت له كل دول ممعمش رخصة !

    قالى لالا مش كلهم , هو معظمهم معهمش رخصة و لكن الاكتر منهم سوابق و لو وقفوا فى الكمين هيرخموا عليهم خصوصا لو كانوا معروفين من الظباط ..

    شيء عجيب جدا يا جماعة , كان زمان نشوف ميكروباص واحد ولا اتنين اللى بيهربوا من الكمين و خلاص .

    و لكن هذا الكم الهريب من الميكروباصات بتهرب من الكمين فده شيء مخيف بصراحة .

    و بما اننا اتكلمنا عن الميكروباصات بقي . فمعلش انا عايز احكى موقف مدايقنى اوى يا جماعة .

    من قيمة اسبوعين كنت راجع من جسر السويس و كان وقت الظهر كده . و بعد ما ركبت بشوية ركب طفل صغير قدام جمب السواق و قاله ممكن يا اسطي تنزلنى عن جامعة عين شمس !

    السواق قاله ماشي .. و لما جينا عند وزارة الدفاع كان شارع الجامعة واقف وقفة سوداء .

    و العبقرى السواق كان لسه خارج من السجن و ايده على الكلاكس و عمال يشتم فى خلق الله كلهم و فى ظابط شافه قاله يخرب بيتك هو انت خرجت من السجن امته ياض قاله اول امبارح يا باشا .

    المهم قرر انه ياخد صلاح سالم من عند ارض المعارض و يدخل على العباسية و كان الطريق مسدود اكتر من شارع الجامعة .

    جينا عند كوبرى العباسية بقي و قلت للسواق انزل من تحت الكوبرى علشان الولد الصغير ده ينزل عند الجامعة يا اسطى . راح داخل من تحت الكوبري و الاشارة واقفة 10 ثوانى و فتحت الاشارة ونزل الولد الصغير و راحت الاشارة قافلة تانى .

    قعد يبرطم بالكلام و يقول هو الشعب المصرى ده لازم يخترع لنا حاجات جديدة كده و مش عارف ايه .. ما انا كنت هنزله بعد الكوبرى و كان هيرجع شوية و قعد يافاف ( يقول أوف ) و كان هاين عليه يقل ادبه كمان .

    رحت مذقع فيه و قلت له ده عيل صغير ليه تمشيه كل ده و هو مش عارف الطريق و كمان هو راكب علشان ينزل قدام بابا الجامعة انت ليه لفيت من صلاح سالم بقي ! اتقى الله يا عم .

    راح واحد نازل من الميكروباص بجلابية و معه زوجته تقريبا .

    وهو نازل برطم بالكلام برده و بيقول للسواق بقى تخلينا كل ده فى الاشارة علشان عيل صغير يا راجل حرام عليك و كل الناس اللى فى الميكروباص اتخرصت و محدش اتكلم خالص غير صاحبي اللى كان معايا ..

    بصراحة شعورى كان نو كومنت احسن من ان اتعب نفسي مع ناس سلبية و لا عندهم دم اساسا !!


  2. #2

    الصورة الرمزية mahmoud_magdy

    رقم العضوية : 20232

    تاريخ التسجيل : 26Sep2008

    المشاركات : 2,000

    النوع : ذكر

    الاقامة : Ca!ro

    السيارة: So0N

    السيارة[2]: Gen.2

    دراجة بخارية: ........

    الحالة : mahmoud_magdy غير متواجد حالياً

    افتراضي -

    سواق الميكروباص رغم كل السلبيات اللي موجوده عليه
    لكن بردو اوقات كتير بيكون مظلوم
    يعني اوقات رخصته او رخصة العربيه تتسحب منو بدون أي سبب
    واحيانا بيكون ماشي في خط سير غير اللي متحددلو وبالتالي بيضطر يهرب من الكماين
    وعموما هما كلهم اشتروا موبايلات واول مايعرفوا ان في لجنه كل مجموعه تبلغ بعضها ويتخذوا خط سير تاني غير اللي مسموحلهم يمشوا فيه (شفتها بعنيا )
    وبردو سواقين الميكروباصات فيهم ناس محترمه ومؤدبه وفاتحين كذا بيت وبيجروا عشان يأكلوا الشعب اللي بيكون وراهم
    وبعضهم مبيكونش هامو اي حاجه ولا وراه مسؤوليه وبيشتغل عشان يعدل الطاسه وياكل وخلاص (طبعا مفهوم يعني ايه يعدل الطاسه)

    إلى القمه

    musiccairo سابقا


  3. #3

    الصورة الرمزية Samah AbdAllah

    رقم العضوية : 35540

    تاريخ التسجيل : 15Mar2009

    المشاركات : 26,487

    النوع : انثى

    الاقامة : Egypt_Alexandria

    السيارة: لا يوجد

    السيارة[2]: لا يوجد

    دراجة بخارية: -

    الحالة : Samah AbdAllah غير متواجد حالياً

    افتراضي -

    لكن ايه السبب الرئيسى ان معظمهم معندوش رخصة
    صعوبة الاجراءات هى السبب واللى فى منهم بيعديها بالفساد زى ما احنا عارفين

    يعنى وجود الرخصة من عدمه مش دليل على انه سواق محترم ولا لأ
    مع الاسف الفئة دى بتعدى بعضها والمحترم بيضيع فى النص


  4. #4

    الصورة الرمزية bishoy02010

    رقم العضوية : 31817

    تاريخ التسجيل : 02Feb2009

    المشاركات : 4,715

    النوع : ذكر

    الاقامة : Cairo

    السيارة: Bmw E21 1.8L 1977

    السيارة[2]: Renault Logan 1.6L F/O 2010

    دراجة بخارية: No

    الحالة : bishoy02010 غير متواجد حالياً

    افتراضي -

    hasad">

    شكرا على الموضوع ..

    خلوها تصدى وموديلها يعدى

    [mtohg=null]http://i647.photobucket.com/albums/uu192/bishoy02010/651654076.jpg[/mtohg]



 

المواضيع المتشابهه

  1. مبادرة السلفيين للصلح بين سائقى المكروباص والشرطة
    بواسطة abogogo في المنتدى المنتــــــدى الاجتمــاعى
    مشاركات: 0
    آخر مشاركة: 07-06-2011, 06:01 PM
  2. من هم اسوء سائقى سيارات فى مصر
    بواسطة Sharky في المنتدى المنتــــــدى العـــــــــــام للسيــارات
    مشاركات: 65
    آخر مشاركة: 28-09-2009, 11:16 PM
  3. اضراب سائقى النقل العام بالقاهرة (منقول)
    بواسطة essam275 في المنتدى المنتــــــدى العـــــــــــام للسيــارات
    مشاركات: 13
    آخر مشاركة: 20-08-2009, 02:35 AM
  4. سائقى النقل وفجرهم
    بواسطة ابوهاشم في المنتدى المنتــــــدى العـــــــــــام للسيــارات
    مشاركات: 17
    آخر مشاركة: 24-02-2009, 11:22 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2