تركيب جهاز انذار للسيراتو يعمل بريموت السيارة الاصلى
أحب ان اشارككم تجربتى مع جهاز انذار للسيراتو
فى البداية انا كنت ركبت جهاز انذار عند ادريان وكان مستوردة ادريان لصالحة باسمة, الجهاز جيد جدا ودة عن تجربة حوالى 6 شهور ومميزاتة انة بيركب على ريموت السيارة الأصلى والفنى مقطعش سلك واحد فى الضفيرة ودة كان اهم حاجة عندى ان الضفيرة تفضل زى ماهية.
المهم ملاحاظات هامة جدا يجب التاكد منها عند التركيب :
1- يجب التاكد من تامين الشنطة , ودة عن طريق اخذ سيجنال من نور الشنطة الى الجهاز بحيث لو الشنطة اتفتحت , نور الشنطة طبعا هينور وبالتالى الجهاز سيعرف وسيطلق السرينة , المهم فى مشكلة كانت حصلتلى اول ما ركبت الجهاز و بردة كان فى اعضاء اخرين اشتكو من نفس المشكلة , المشكلة ان اجهزة الأنذار مفيهاش مكان منفصل للشنطة و اخر للابواب فبالتالى يتم توصيل كل من الشنطة و الأبواب على تفس الدخل فى الجهاز ودة معناة ان كل متفتح الباب هيبان عندك فى التابلوة ان الباب و الشنطة مفتوحين , طبعا العكس بردة لو فتحت الشنطة هيبان ان الاثنين مفتوحين , الحل بسيط جدا جدا , الفنى تانى مرة رحتلة ركب دايود او سليكون زى ما بيساموة همة ومش عارف جابو الاسم دة منين , المهم الديود دة على اد منا فاكر من اولى هندسة انة بيسمح بمرور الأشارة فى اتجاة واحد فقط, وبالتالى ركبة الفنى فى السلك اللى موصل مابين اشارة الأبواب و الجهاز بحيث ان لو الشنطة اتفتحت الاشارة هتروح على الجهاز لكن الديود هيمنعها من الوصول الى لمبة التابلوة. وبصراحة ادريان كانو ممتازين فى المعاملة ورفضو نهائى اخذ اى مقابل لتركيب الديود.
2- خالى بالكم ان ابواب السيراتو منفصلة عن بعضها فى الأشارة وانا ماخاتش بالى من دة الا بعد كذا شهر , اول مرة خاد اشارة الأبواب من باب السائق المشكلة ان لو اى باب تانى اتفتح براحة, الجهاز ولا هيحس بشئ , الحل انة ياخد الأشارة من نور الصالون لأن طبعا النور هينور لو اى باب اتفتح.
3- دية بقى مش لاقى ليها حل , السرينة , سلك السرينة معدى من طبة فى الكرتيرة , لآن للاسف مفيش طبة مابين الصالون و الحوض , وبالتالى اى حارامى مبتدا هيقص سلك السرينة لو مد ايدة بخفة فوق العجل , انا بافكر الغى السرينة و اوصل الجهاز على الكلاكس بس لسة هاجرب انشاء الله.
