انهارده روحت انا و الوالد توكيل منصور اللى فى العامرية فى الاسكندرية علشان اعمل صيانة الخمسة اللاف كيلو المهم انا قولت من الكلام اللى على منصور شيفورليه انه اكيد هيسلخنى انهارده فى الفلوس المهم قولت اشترى الزيت من بره علشان اكيد هيبقى اغلى عندهم المهم انا روحت و اساسا ماكنتش حاجز ميعاد يعنى روحت على طول المهم دخلت بيقولى ادى مدخل الصيانة خد اوردر فى الاول و ادخل الورشة قولت الحمد الله مفيش حجز و الكلام الفاضى ده اول مادخلت لقيتهم بيقولولى جيبت الزيت معاك ليه مهه موجود هنا و بنفس تمنه مش انت جايبه ب 225 جنيه قولتلهم ايوة بس ان انا قولت لاحسن يكون خلص من عندكم ( طبعا كنت بشتغلهم ) المهم قولتلم على ملاحظاتى على العربية و كانت تتلخص ان كان فى رعشة بسيطة فى الدركسيون على السرعات العالية ( ده كان موضوع كبير و روحت رصرصت بره و العربية اتعدلت شويه بس مش قوى برده ) المهم قالى ده ترصيص عجل قولتله ماشى رصص يا عم الحاج و ماجبتش سيره انى رصرصت بره خالص و الباب اليمين كان بيرزع شويه المهم واحد جه دخل العربية و رفعها و ابتدى يشتغل فيها على طول المهم خلص تغيير الزيت و الفلتر و قالى هروح للعامل اللى على الترصيص علشان الترصيص المهم قولتله ماشى و لسوء الحظ انه الساعة كانت 2:45 و هما بيخلصوا الساعة 3 و هما قدمهم عربيتن كمان قبل عربيتى فقالى معلش مش هينفع نعمل الترصيص النهارده علشان الوقت قولتله لا معلش علشان انا بسافر و كده قالى طيب خلى العامل اللى غير الزيت يفك الكاوتش و يجوبهولى ارصرصهم المهم قولته ماشى المهم انه رصرص العجل بتاعى حتى بعد ما ميعاد عمله خلص كانت الساعة 3:15 و كمان كان حطها على الميزان و ظبطها من نفسه المهم قولتلهم انتم مش هتحطم العربية على الكمبيوتر قالى ايوة بس المهندس هو اللى معاه الكمبيوتر و اهو تانية واحده و جى المهم جه و كشف عليها بالكمبيوتر و قالى كله تمام قولت الحمد الله و طبعا كل ده بعد ميعادهم ما خلص المهم روحت الخازنه علشان اتفع الفلوس قولت لنفسى هيدفعونى بتاع 200 جنيه المهم قالى 48 جنيه 24 جنيه ثمن الفلتر و 24 جنيه ثمن engine clean و البتاع ده مصنوع فى الولايات المتحده المهم قولت الحمد الله جت بسيطة و اديتهم كل واحد خمسه جنيه بقشيش علشان اخرتهم على ميعادهم يعنى الموضوع كله خلص ب 58 جنيه + ثمن الزيت طبعا و الصيانة كلها تمت و انا واقف جنب العربية بس الصراحة الحمد الله خلصت الموضوع ده كله فى حوالى ساعتين
انا بس حبيت اقولكم على اول تعامل ليا مع منصور فرع العامرية و الصراحة طلعوا ناس محترمين
بس اللى يعرف الصيانة اللى جيه بعد كام الف كيلو و بيتعمل فيها و بتتكلف كام يارييت يقولى و جازاكم الله خيرا