بعد عرض شركة اتصالات الاخير ( اهلا كل الناس ) الدقيقة 19 قرش لكل التليفونات في مصر ارضي او محمول ، هل انت شايف ان اتصالات بقت شركة المحمول رقم 1 في مصر من حيث سعر المكالمات و تفوقها على موبينل و فودافون ؟
عرض للطباعة
بعد عرض شركة اتصالات الاخير ( اهلا كل الناس ) الدقيقة 19 قرش لكل التليفونات في مصر ارضي او محمول ، هل انت شايف ان اتصالات بقت شركة المحمول رقم 1 في مصر من حيث سعر المكالمات و تفوقها على موبينل و فودافون ؟
انا ميل قديم فى فودافون ومن ايام كليك ومبينيل من زمان برضه تقريبا اول مفتحت
واتصالات من اول مطلعت
اسعار وتغطيه فى القاهرة بس اتصالات
ويليها فودافون تغطيه خارج القاهرة اعلى بكتير من اتصالات
يليهم اسواء تغطيه وشبكه موبينيل
ايوة طبعا
اتصالات رقم 1 لان اسعارها ممتازة و تغطيتها كويسة (هى معتمدة على موبينيل فى التغطية فى بعض الاماكن و ربنا يستر لما اتفاقية التجوال الداخلى تنتهى و تبان على حقيقتها)
موبينيل رقم 2 لان اسعارها معقولة الى حد ما بس تغطيتها رقم 1 فى مصر كلها خصوصا فى القرى لايعلى عليها
فودافون رقم 3 لان اسعارها اسؤ مايكون و تغطيتها بردة مفيش اوحش من كدة
على فكرة انا للاسف فودافون و من سنييييين من ايام كليك جى اس ام :T_thum1[1]:
انا معايا فودافون من ايام الشريحة الكليك ولسة مغير الشريحة من كام يوم بس
اتصالات احسن سعر دقيقة بس تغطية مش حلوة غير فى القاهرة
فودافون احسن تغطية بس سعر دقيقة عالى بس طبعا لو عملت عرض 3 نمر ب 15 قرش هيبقى جامد
موبينيل مش بقتنع بيها اصلا
Vodafone is #1 tab3aan
ya man the Vodafone cards are the most expensive (if you are in the selling card business) and why is that..because Vodafone 3aleeha talab...
I just hope vodafone comes out with the same plan.....a lot of ppl I know who are with vodafone now have a new line (etisalat) so they can call everyone for 19pt and use the Vodafone for other calls
احنا فى مصر بنقارن بالاسعار مش بالجودة .
لو اتصالات عملت دقيقة الموبايل ببلاش مش هغير فودافون برده ..!
بص هى حاليا شركة اتصالات نمره واحد فى العروض واسعار المكالمات
خاصة النظام الاخير بتاع اهلا كل الناس 19 قرش لاى موبايل او ارضى وفى اى وقت
النظام ده اوفر من اى نظام تانى فى مصر وعلى اى شبكه
وانا شايف ان كمان تغطيتها ممتازه
فى اماكن كتير بيبقى موبينيل وفودافون الارسال ضعيف واتصالات على الاخر
اتصالات عيبها حاجتين
اول حاجه خدمة العملاء
ابيض ياورد معندهمش معلومات عن اى حاجه وعمرهم ما يفيدوك واحسنلك متتصلش بيهم او تطلب منهم طلب
تانى حاجه نظام جرين لاين
افشل نظام فى مصر وانا من اوئل اللى الناس اللى جابته واتدبست فيه
وعيبه ان الكمبيوتر مبيعدش الدقايق صح ولما تيجى تسمع انت اتكلمت اد ايه او فاتورتك كام تسمع ارقام غلط على طول
وبعد ما لبست كام فاتوره محترمه حولته كارت
ولو انى موبينيل من اكتر من 10 سنين لكن برضه معايا خط تانى اتصالات لان الصراحه مميزاته كتير
واعتقد اكيد الفتره الجايه موبينيل وفودافون لازم هيردوا على العرض بتاع 19 قرش يا اما هيفلسوا
اتصالات هي شبكه عروض و ليس خدمات محمول
تغطيه غير جيده خارج القاهره خدمه عملاء في الضياااااااااااع اتصلت بيهم 6 مرات من قبل لاضافه خدمه ال 3g لتلفون والدي لانه كان يحتاج ضبط معين الي ان يأست من ضبطه
فودافون الافضل علي الاطلاق يعيبهم الفقر في العروض لكن كتغطيه و خدمه عملاء تحفه
موبينيل زي الي رقصو علي السلم يتفوقوا في الدعايه و اعلاناتهم بس :)
اتصالات الأفضل بلا شك
أقوى عروض وأقل سعر "لكل الخدمات" مش للمكالمات الصوتية فقط
تغطية ممتازة داخل وخارج القاهرة (علي الأقل في المدن الرئيسية مجربها بنفسي في كذا مدينة)
خدمة العملاء جيدة ومجربها كتير
والله الثلاثه نصبين وهمهم اللى فى جيوبنا ولو عملتم مقارنه بين مميزات وعيوب كل شركه هتلاقى الثلاثه زى بعض
معايا خط فودافون من اكتر 10 سنين من ايام السيم اللى مكتوب عليها مصرفون
ومقتنع بالشبكة ومش ناوى اغير
ومعايا خط اتصالات تانى والشبكة نص نص
اما موبينيل فمبقتعش بيها خالص !
فودافون كخدمة عملاء و اداء نمرة واحد
انا من ايام مصر فون اللى كان اسمه كليك حرية
مقدرش استغنى عنها بس خطة اسعارهم زفت
جبت مؤخرا اتصالات كل الناس - السعر هايل
اتصالات من يوم منزلت وهيا قالبة الدنيا عروض وعلى طول هيا افضل العروض والأسعار :)
مش عارفة انا بسمع العروض بتاعتهم لكن عمرى ما جربت هى الشبكة شغال كويس مفيش فيها مشاكل اصلى انا زى استاذ احمد سو من وقت ماكانت فودافون كليك فى بينا عشرة عمر فمغيرتهاش لحد دلوقتى
انا شايف ان موبنيل مكتسحه الأقاليم خاصة وبالنسبه لاتصالات في الاقاليم ملهاش شعبيه اد كدا علشان الشبكه بتاعتها زي الفل ^^ خصوصا عندنا في طنطا هنا بس مكتسحه في القاهره والاسكندريه بسبب عروضها
أنا أستعمل موبينيل من أول مااشتغلت واستعمل ايضا حاليا اتصالات .. بصراحة اتصالات محترمة جدا جدا والشبكة عندنا في المنصورة ممتازة .. وموبينيل معقوله بس مش بدرجة اتصالات
عروض= اتصالات
جودة فى كل مصر= فودافون
موبينيل ضايعة !!!!!!!!!!!!!!!!!!!!!
كل شركة لها ما يميزها و نقاط قوة و نقاط ضعف مختلفة........
لكن فى النهاية و على المستوى الاجمالى المستويات متقاربة بين الشركات فى كل العناصر
+111111111111111اقتباس:
اتصالات رقم 1 لان اسعارها ممتازة و تغطيتها كويسة (هى معتمدة على موبينيل فى التغطية فى بعض الاماكن و ربنا يستر لما اتفاقية التجوال الداخلى تنتهى و تبان على حقيقتها)
موبينيل رقم 2 لان اسعارها معقولة الى حد ما بس تغطيتها رقم 1 فى مصر كلها خصوصا فى القرى لايعلى عليها
فودافون رقم 3 لان اسعارها اسؤ مايكون و تغطيتها بردة مفيش اوحش من كدة
على فكرة انا للاسف فودافون و من سنييييين من ايام كليك جى اس ام
بس من الاخررررر كفايه انك تقول 010 دل لوحدها ليها شياكه موت وانا بفتخر جدا لما بقول رقمى وهو 010
جايز أتصالات أفضل عروض
ولكن
أسؤ خدمة عملاء فى كل شركات مصر هى أتصالات
عندى معاهم مشكله من 30/4/2009 علشان أسترد مبلغ 78.75 جنيه ولغاية اليوم مش راضيين
ولما أروح الفرع يقولى كلم خدمة العملاء ولما أكلم خدمة العملاء يقولى طيب حنبلغ الأداراه المختصه
وعلى فكره كل ما أكلم حد يقولى أنت ليك 78.75 فعلا وده ظاهر عندى على الكمبيوتر
حسبى الله ونعم الوكيل فيهم
اتصالات رقم واحد دلوئتي
حتى تغطية الشبكة .. استاذة جدا
داخل وخارج القاهرة
كتير موبينيل بتوقع
وفودافون اسعارها غالية جدا
اهلا كل الناس جامد جدا .. اتصالات الأفضل
نظام ال19 قرض لدقيقة لاى محمول فى مصر موفر جدا وتحفة الحقيقة .... والتغطية زى الفل (مقابلتش معاها اى مشاكل مع انى ساكن فى المنصورة ) ...
غير كدا كلهم واحد ...
أسؤ خدمة عملاء فى كل شركات مصر هى أتصالات
اللون الأحمر مخصص للمداخلات الإدارية فقطج
مشرف عام 2
انا معايا الشبكات التلاته و بصراحه بعتمد اكتر على فودافون و اتصالات .... اما موبينيل فا ركنتها على جنب علشان بتوقع كتييييير بس مخليها علشان انمرة معايا من تقريبا اول ما طلع نظام الو ايام ما كان ب1200 جنيه و معظم الناس عارفه النمره دي ..... و ديلوقتي بعتمد في المكالمات على اتصالات علشان سعر الدقيقه فيه جاااااااامد و حصلش معايا اي مشكلة فيه لحد ديلوقتي ... بصراحه اتصالات نازله تكتسح السوق و ده كله في مصلحة المستهلك
ياخى واللهى اتصلت مرة واحده واشتغلت على طول
انا معايا خط موبينيل القديم بتاعى من زمااان
وجبت خط تانى اتصالات
بالنسبه للتغطيه ديه بقى مسأله مكان عن مكان يفرق
فى مناطق وخاصه جوة البيوت مابتشتغلش غير شبكه اتصالات
ولا يمكن اى شبكه تانيه تشتغل
حد بقى يقولى قبل لما اتصالات تدخال السوق
سعر الخطوط كان كام واسعار المكالمات كانت بكااااااام؟؟
بدون شك ان اتصالات قلبت موازين السوق فعلا
حاجه كمان موبينيل او فودافون بقالهم كتيرررر فى السوق
واتصالات يدوب لسه من قريب قوى
20 مليون مشترك مع موبينيل شوف بقى من كااااااام سنه
8 مليون مشترك مع اتصالات
اسمع ديه بقى
روحت اجيب خط داتا بتاع النت ده من موبينيل
وبعد لما اشتريته استنيت يومين انو يشتغل ابدا
روحت الفرع قالولى اصل حضرتك كان عندك خط من سنه 2000
وعليه فاتورة لازم تدفع
احلفهم ميت امين انى معرفش مرفت يامين
مافيش فايده
ياجماعه واللهى دفعتها
يقولى هاتلنا الدليل
يعنى انتى عايز وصل احتفظ بيه من 9 سنين
وفين وفين بتاع اسبوع كده لما لقوا انى دفعت فعلا
وشغلولى الخط والحمد لله
بس ان شاء الله هاغيره قريب واجيب اتصالات
كشف احدث تقارير الجهاز القومى لتنظيم الاتصالات وصول عدد مشتركى المحمول فى مصر الى نحو 44.6 مليون مشترك ..
وبالنسبة لعدد المشتركين فى شركات المحمول الثلاث الموجودة فى مصر فأكد التقرير مايلى :
1 - تتصدر شركة موبينيل عدد مشتركى المحمول فى مصر حيث بلغ عدد مشتركى موبينيل 21.7 مليون مشترك بنسبة بلغت 47.4% .
2 - يليها شركة فودافون حيث بلغ عدد مشتركى فودافون 18.8 مليون مشترك بنسبة بلغت 42.3 % .
3 - ثم تأتى شركة اتصالات مصر فى المركز الثالث حيث بلغ عدد مشتركى اتصالات 4.5 مليون مشترك بنسبة 8.5 % .
مصدر بشركة فودافون من اهمية عدد مشتركى المحمول واكد انه برغم ان موبينيل تتفوق على فودافون فى عدد المشتركين الا ان فودافون تتفوق فى الايرادات واكد ان فودافون تستحوذ على اكثر من 60 % من عملاء المحمول بقطاع الشركات وهى الفئة التى تحقق اعلى الايرادات ..
فيما اكدت شركة اتصالات ان هدفها هو الوصول الى 10 مليون مشترك بحلول عام 2010 ..
لا أنا شايف أنها أسوأ خدمة بالتأكيد ..
لأن انا ساكن في طنطا و لازم أكون من سكان القاهرة و الجيزة و من بعدهم الإسكندؤية علشام أحصل على خدمة ..
غير كدة مفيش شبكة و خدمات كتير من اللي بتقدمها مش بتشتغل في الأقاليم و المحافظات علشان التجزال المحلي ..
الكلام دة لحد السنة اللي فاتت لأن من ساعتها مبقتش أستعملها ..
مش عارف بقى إتغيرت و لا لسة زي ما هي ..
صدقني انا كمان
هي 10 مليون مشترك :)
على فكرة
رسمياً اليوم 1 يوليو 2009 انتهى رسمياً التجوال المحلي بين اتصالات وموبينيل وفودافون واللي كانت بتتيح لاتصالات استغلال عدد قليل من المحطات اخاصة بموبينيل وفودافون في بعض مناطق سيناء والدلتا
وتصحيحاً لخطأ شائع نسبة هذه المحطات المستغلة لا تتعدى 10% من اجمالي محطات اتصالات.