رسالة الى ضباط المرور!!!

**Ashraf_Ashraf** · 04-06-2009 03:51 PM

المشاركة الأصلية كتبت بواسطة se_coralsea

أخي العزيزمحمود...

طيب و أيه رأيك و رأي السادة البهوات الأفاضل الباشوات الاشاوس المغاوير ظباط و أمناء و لواءات المرور في :

عربية نص نقل محملة أنابيب بوتاجاز و مفتوحة من ورا و ماشية علي طريق سريع (العين السخنة/السويس) النهاردة 01/06/2009 الساعة 4 و نص بعد الظهر و معدية علي كمين الادبية و نقط المرور داخل السويس و لا حد وقفها و لا حد قال لسائقها أيه ده و لا حد فهمه أن ممكن جدا و بمنتهي البساطة أنبوبة من دول تقع في مطب (أو حتي الانابيب كلها) و في وش عربية أو كل العربيات اللي وراها (الطريق كان فيه حوالي 5 عربيات ملاكي + 2 ميني باص + نقل بمقطورة)
تخيلوا المنظر و قولوا لي فين أشاوس المرور اللي سابوا العربية دي ووقفوني أنا و 3 عربيات ملاكي علشان يشوف الرخص (القيادة - السيارة - و كان فاضل يشوف رخصة اني عايش لسه في البلد دي) و كمان بيسأل عن الطفاية معايا و لا لأ

بالذمة ده كلام ....

على فكره دا طبيعى لانك حضرتك وباقى الملاكى هما اللى هيفيدوا من مخالفات او رشاوى ليهم انما بتاع الغاز هيديهم ايه ياحسره وبعدين انت فى بلد محدش عارف ليه اول من اخر بلد القاضى بنضرب من ظابط مبالك انت اصلا
ماتعرفش تتكلم مع عسكرى حمار مش بيفهم ( انا بعتذر عن النرفزه بس اتخنقت خلاص )

**MohaMed_Refaat** · 06-06-2009 05:20 AM

دول مش عايزين رسالة دول عايزين بلوة تيجى تشيلهم وتريحنا منهم
الا من رحم ربى .

**ابو حسين** · 06-06-2009 05:16 PM

المشاركة الأصلية كتبت بواسطة mohammedsamirabdeen

للاسف متقدرش تمنع الباشا الظابط من اداء مهامه الرسمية بالزي الرسمي والمدني

**Mohamed_Ibiza** · 06-06-2009 05:26 PM

ياجماعة بكل بساطة انا شايف ان الناس دي بتعمل شغلها بنفس القدر اللي اي بني ادم في الدنيا بيعمل شغله يعني منقدرش نجيب اللوم على الناس دي بس لان اللوم على كل الشعب من اكبر واحد لاصغر واحد .. وكون ان ظابط مرور او ظابط شرطة يطلع بشكل غير لائق للمكانة اللي هو موجود فيها اذن المشكلة اصلا من اللي وصله للمكانة اللي هو فيها وهكذا الحال ماشي ف مصر كلها بعيدا عن مجال الامن او المرور .. فبج ياريت منجيبش اللوم على بتوع الشرطة وبتوع المرور لان لو كل واحد بص لنفسه كويس هيلاقي نفسه مش ملتزم بدرجة 100 100 لان دي مشكلة شعب بحاله وبما انهم جزء من الشعب يبقى لازم يكونوا كده واحنا بنبصلهم بنظرة عدم الرضا على اساس انهم متحملين مسئووليةاكبر من اي حد عادي بس برضه منقدرش نلومهم وياريت قبل اي حاجة كل واحد يبدأ بنفسه ويصلح من نفسه ومش محتاجين ساعتها ظابط يغلس علينا عشان نبقى كويسين ولا اننا نشوفه لجنة نقوم رابطين الحزام ......

**M.Osman** · 08-06-2009 10:48 PM

يوقف الطريق ؟
حضرتك كان فيه من دول راكب موتسيكل ماشي قدامي و الإشارة فاتحة شاف واحد بلدياته تقريباً لراح واقف زي الــــــ................* و روحت كاسر يمين بسرعة غير كدا كنت هلبس فيه مع اني كنت ماشي على 40 ولا حاجة ... و بسببه كنت هخبط عربية بيجو 307 ... بس ربنا ستر

بكره الغباء

**Bob2009** · 13-06-2009 06:07 AM

السلام عليكم
انا الى اتعلمته من ظباط المرور هنا فى مصر فى خلال 9 اشهر انهم وظيفتهم تحصيل الفلوس والامناء الشاى يابيه
عادى بقيت اعتبرها قدر لما ظابط يوقفنى بعتبره انه قضاء من ربنا انى ادفع مخالفه وامشى هعمل ايه هقوله مش معايا رخصه واحد صحبى عملها واتجر هو وعربيته بونش واتحجزت العربيه وهو معاها لغيت لما اتعرض على النيابه ودفع كمان 500 ج غرامه رغم انه طلع الرخصه لوكيل النيابه قاله لا المحضر اتعمل خلاص
عادى هى دى مصر ولو على الزحام الى بيعملوه عادى جدا هما مخلوقات غريبه وعقول اغرب واغرب المهم الواحد يروح انا لو نزلت بالعربيه بكون فرحان جدا لو روحت من غير ما حد منهم يوقفنى او يكلمنى كلمه
وظابط المرور بعتبره قدر وخلاص

شكرا

**Maged_Samy** · 28-06-2009 06:00 PM

كنت من اسبوع ماشى فى طريق اسكندرية مطروح وقام احد رجال المرور تقريباً صول بأيقافى بشكل مفاجيء ان والسيارات القادمة بسرعة وشاور بيده كى تمر سيارتان يقومون بالدوران من يوترن آمن ولا اعلم لماذا اوقف هذا الغبى الطريق بهذه الصورة مع ان السيارتين لن يقوموا بقطع الطريق حيث ان الدوران كبير وعرض الطريق كبير . ربنا يرحمنا من غباء بعض رجال المرور اللى بيسببوا الحوادث .

**Samir Elshahawy** · 29-06-2009 05:37 PM

لسه من كام يوم ماشي بالليل و طالع من شارع ضيق و بأخد الملف و أذا بي ألاقي عربية شرطة واقفة و منزلين الاقماع البلاستيك قدامها و قافلين بيها نص الملف , ليه كد بدون سبب مجرد حماية لبوز عربية الشرطة المتبهدل أساسا من سواقة العساكر , المهم غصب عني جنب العربية لطش في القمع و أنا بألف و وقعه علي الارض قامت الدنيا و ماقعدتش تاني

طبعا البيه الظابط (نقيب ب 3 نجوم) قام فز و اتنفض من العربية و 2 عساكر بالرشاشات (كان فاضل يجيبوا دبابات و طيارات) حاصروا العربية , فوقفت قام البيه قالي : رخصك

أنا: أتفضل
الظابط: أنت مش شايف القمع
أنا: لأ لأنكم حاطينه في ملف و أنا مش بأنجم علشان أعرف انكم واقفين في الملف
الظابط: تقوم توقعه ؟؟
أنا: ماقصدتش و عموما انا اسف لأني فعلا ماشوفتوش و أنا بألف
الظابط: يعني أيه ماشوفتوش ؟؟ تحب أسحب الرخص و اعمل لك محضر ؟؟
انا: كل ده علشان وقعت قمع ؟؟ جت سليمة و ماحصلوش حاجة ما أتكسرش يعني
الظابط: يعني أنت غلطان و مش عاجبك كلامي
أنا: من ناحية غلطان لأ مش غلطان لكن كلامك علي رأسي من فوق
الظابط: مش غلطان أزاي ؟؟ ده أنت كسرت الكمين
انا: هو فين الكمين ده ؟؟ أنتوا عربية شرطة واقفة في ملف يعني واقفين غلط و تقولي كمين بأقل لسيادتك أيه الرخص بعد أذنك يا تديني وصل
الظابط: و لا رخص و لا وصل و هاتيجي معايا للقسم
أنا: أوي أوي بس قبل مانروح القسم أسمح لي أعمل تليفون صغير أعتذر للناس اللي كنت رايح لهم في ادارة أمن الدولة و أبقي فاضي و أجي مع حضرتك
الظابط: (بص لي أوي و سكت شوية) أتفضل رخصك أيه بس تخلي بالك بعد كده
أنا: متشكر أوي علي ذوق حضرتك و أسف مرة تانية