واحد ماعندوش ضمير يستغل عجوز كفيفه عمرها قريب من 100 سنه

**أحمد سالم** · 29-05-2009 08:23 PM

السلام عليكم
الموضوع ده لاحظته من فتره كل يوم وانا راجع لبيتى فى المقطم من ناحية الحى السابع
اول الطريق بتاع المقابر اللى على طلعة المقطم من ناحية السابع
امرأة عجوز جدابتبقى قاعده على كرسى لانها تقريبا معاقه
وكفيفه
بيقعدوها فى عز الشمس علشان تشحت والله بتصعب عليا جدا
ونفسى اساعدها بأنى الاقى دار للمسننين او حاجه زى كده يجو ياخدوها
لان اكيد فى حد هو اللى بيضطرها للعمل ده لان مستحيل تكون بتيجى لوحدها فى الحته دى
اكيد حد بيجيبها وبرجع ياخدها كل يوم وبياخد منها الفلوس
المشكله انها بتبقى قاعده فى عز الشمس وبتبقى نايمه
والحاجه اللى تجنن انهم مقعدينها امام المقابر
ارجو من اى حد يقدر يقدم اى مساعده للست دى مايبخلش
انا مش بقول مساعده ماديه
لان لو اديناها فلوس نبقى بندى فلوسنا للى بيستغلها
انا عايز اوديها دار للمسنين او حاجه زى كده تكون مجانيه
ارجوكم تساعدوها
او تدلونى اعمل ايه لها
ودى صورها

**LONLY** · 29-05-2009 09:10 PM

بصراحة أنا ما عرفش بس أعتقد أنك لو أتصلت أو رحت بنفسك لجمعية خيرية كبيرة (زى الحصرى أو رسالة) بيكون عندهم خبرة فى الحاجات دى وبقدروا يقولوا ليك الأختيارات الممكنة فى ظل الظروف دى بس مش عارف أنت متأكد أن الست دى عايزه حد يساعدها
أصل أنا حصلى موقف مشابه (بس كانوا ولدين صغيرين )قبل كده و أكتشفت أن الموضوع معقد جدا و أن الحكاية مالهاش حل

**نور العمر** · 29-05-2009 09:30 PM

أكيد للأسف هي معتادة العمل ده
ولو عرضت عليها بنفسك فكرة الدار
مش حتوافق ... جرب تعرض عليها
واسمع الرد ... ردها ... هو إللي حايخاليك نعرف
هي مستغلة واللا موافقة على إللي بتعمله

وربنا يرحمنا جميعا

**mohmd76** · 29-05-2009 09:59 PM

المشاركة الأصلية كتبت بواسطة نور العمر

أكيد للأسف هي معتادة العمل ده
ولو عرضت عليها بنفسك فكرة الدار
مش حتوافق ... جرب تعرض عليها
واسمع الرد ... ردها ... هو إللي حايخاليك نعرف
هي مستغلة واللا موافقة على إللي بتعمله

وربنا يرحمنا جميعا

لالالالالالالالالالالالا
هى لا حول لها ولا قوة هى مغصبه على ذلك

**نور العمر** · 29-05-2009 10:13 PM

لا حول ولا قوة إلا بالله
يبقا نشوف دار توافق عليها
وناخدها من مكانها بحماية الشرطة
ونوصلها الدار
لإن لو حد أخدها كدة ممكن يتعرض لبلطجة من مستغليها
أنا حسأل دار جمبي
والله المستعان

**rockana9112007** · 29-05-2009 10:19 PM

حسبى الله ونعم الوكيل

**Samah AbdAllah** · 29-05-2009 10:27 PM

انا بشوف نفس المشهد ده فى شارع عندنا والست عجوزة جدا ونحيفة اوى وموجودة طول اليوم وقاعدة على كرسى متحرك وكنت دايما اسأل نفسى هى بتيجى هنا وتروح ازاى وفى يوم لقيت بنت عندنها حوالى 15 سنة مثلا واقفة تتكلم معاها كتير ولبسها معقول كان نفسى اقولها مش حرام عليكوا كده شكلها جدتها ولا حاجة

بس خوفت تكلمنى وحش وانا مش بستحمل وممكن اعيط فى الشارع بجد

بس ياريت كل واحد يفكر انه فى يوم هيبقا من كبار السن يرضى لنفسه يترمى فى الشارع كده

**tabeb** · 30-05-2009 12:05 AM

Www.Resala.Orp
تليفون
19450‏
اتصل برسالة شوف هيقولولك ايه

**aif** · 30-05-2009 12:28 AM

الحل ان حد يوصي الجهه المسئولة عن التسول في وزارة الداخلية
وهما يراقبو مين اللي بيجيبها ومين اللي بيرجع ياخدها .....
وهي بقى حسب رغبتها
تروح دار مسنين لو كانت مغصوبة على العمل ده
او ترجع تشحت تاني لو هي محترفه
او يتصلو باقاربها لو ليها اقارب
...
لو بلغت بس ...
ماحدش ح يهتم
لازم يكون فيه توصيه من معرفة هناك علشان يتحركو
.....

-

الموضوع: واحد ماعندوش ضمير يستغل عجوز كفيفه عمرها قريب من 100 سنه

LinkBack

أدوات الموضوع

عرض

-

-

-

-

-

-

المواضيع المتشابهه

أسد مش عجوز أوي ولا قرد بيطنطط

عايز واحد بتاع استعدال جنوط قريب من عيش شمس

مطلوب ميكانيكي لادا محترم و عنده ضمير - قريب لأكتوبر او المهندسين

مفاحاه جامده اخر حاجة لكل الي ماعندوش مثبت سرعة مانيوال او اوتو خش بسرعة

تجميع السيارات في مصر , كنز لماذا لا يستغل ؟

الكلمات الدلالية لهذا الموضوع

المفضلات

المفضلات

ضوابط المشاركة