انات اشتريت دايو لوسيتى 2004 و لا اعرف عنها اى شىء ارجو من الاخوه اى معلومات عن العربيه ياريت اى حد يعرف عنها اى حاجه يتفضل ولكم كل الشكر برجاء الرد السريع
عرض للطباعة
انات اشتريت دايو لوسيتى 2004 و لا اعرف عنها اى شىء ارجو من الاخوه اى معلومات عن العربيه ياريت اى حد يعرف عنها اى حاجه يتفضل ولكم كل الشكر برجاء الرد السريع
كل اللى عاوز تعرفه عن الانوس ......مغطى بأستفاضه فى المواضيع المثبته أعلى الصفحه الحاليه............
ده انت اول واحد تجيبها هنا
المفروض انت اللى تقولنا وتصورهالنا
تصور الصالون والموتور وكله علشان نعرف (ده بعد اذنك )
والله أنا فكرتها دايو لانوس .......ومعرفشى أن فيه حاجه أسمها لوسيتى.......بس أكيد فيه أوجه تشابه كتير ( الدم بيحن بقه )......آه دى بنت عم النوبيرا .....( دايو لا سيتى daewoo laccite )
العربية دي انتشرت اليومين دول بس بيقولو استيراد هي شبة الاوبترا بس الشبكة الامامية متغيرة
العربيه انا اتفرجت عليها ف بورسعيد
الشكل الخارجى اشيك بكتير من الاوبترا
وكمان الصالون و الخامات المستخدمه فيه كان واضح جدا انها نظيفه
العربيه من حيث الشكل و الفرش عجبتنى جدا
هى الاوبترا بس اختلاف بسيط فى الشكل الخارجى وكماليات اكتر وطبعا كورى وبتتباع فى المنطقة الحرة بورسعيد
ياريت حضرتك تعملنا موضوع عنها من حيث الاداء والماتور والاختلاف بينها وبين الاوبترا
يا ريت صور يا باشا لو سمحت ؟؟؟؟
ان شاء الله ةانزل الصور هذا الاسبوع لكن بعد الشكر لكل من اشترك فى الموضوع ياريت اى حد عنده معلوه عن الدايو اللاسيتى يقدمها لنا فى هذا الموضوع ويكون له كل الشكر لانى عضو جديد فى عائله الدايو لانى بايع ماتريكس2005 قريب واشتريت اللاسيتى 2004 من يومين فقط وبسبب اعجابى بها وبالصالون من الداخل والامكانيات اشتريت العربيه ومش عارف اى حاجه عنها من حيث الامكانيات ونوعية العربيه ياريت اى عضو يعرف معلومه عنها يشارك بها حتى نتمكن من عمل موضوع كامل عنها وهنا البدايه ولكم كل الشكر وتفضلوا لنبدأ والرجاء الاهتمام
بيتهيئلي ممكن تشوف في منتدى الشيفروليه - الاوبترا هي هي الدايو لاسيتي بس اختلاف الاسماء
الدايو لاسيتي هي الاوبترا بالضبط مع اختلاف العلامه ...وممكن عشان هي مستورده انها تكون فيها امكانيات اكتر ...اسال في قسم الشيفورليه هيدلوك على كل حاجه فيها وقطع غيارها ..
أسمها دايو لاسيتي ... وكانت عندي لمدة سنة ونص ولسه بايعها من حوالي شهر ونص وكانت بردو موديل 2004 ، العربية بالظبط نفس شكل الأوبترا والأختلاف الوحيد في الشكل هي العلامة والشبكة الأمامية وطبعا العلامة الخلفية ، غير كده هي هي بالظبط ( مش عارف اللي بيقول اشيك اشيك بكتير من الأوبترا ده بيتكلم على ايه ) ، بالنسبة للصالون كان عندي لونة بيج وخاماته افضل من اللي بتنزل مصر ، وكمان الكماليات اكتر يعني أنا كان في عربيتي ( تحكم في الكاسيت من التارة - ايرباج - abs - tcs- EBD - وطبعا مرايات كهرباء - والزجاج اللي بجوار السائق اوتو ) ، عموما لو حد عندو اي استفسار أنا تحت امركم ، العربية قعدت معايا سنة ونص واعرف كل تفصيلة فيها
ياريت طالما العربيه كانت معاك سنه ونص تقولنا حالتها كانت ايه معاك ومعدل استهلاك البنزين والكفاءه الخاصه بها اثناء السير والثبات وكل ماتعرفه عنها واكون شاكرا
هي حالتها كانت كويسة جدا ، معدل استهلاك البنزين فيها عالي نسبيا ولكن في نطاق المعقول بالنسبة لعربية اوتوماتيك ، بالنسبة للثبات كويس جدا لكن متفكرش تاخد بيها غرز على سرعة اكتر من 100 ، وصاجها بردو ضعيف جدا زي صاج الأوبترا المصري ، الفرامل كويسه جدا ، وسحبها بردو كويس جدا ..
هي عربيتك بردو اوتو وبنفس الكماليات ؟
العربيه اوتوماتك كامله وعايز اعرف كل امكانيات موديل 2004 اوتو لان الكتالوج عندى كله لغه كوريه ياريت حد يقولى امكانيات اللاسيتى 2004 كامله
لو عربيتك واحدة من دول يبقى الافضل تتجة لقسم شيفرولية و تبحث عن معلومات عن الاوبترا
http://www.avtoban.org/uploads/posts...oo_lacetti.jpg
http://www.pakwheels.com/images/foru...s%28com%29.jpg
MMamdouh
يا جماعة هي هي الأوبترا ، فقط فرق في السمى والشبكة الأمامية ( وعلى فكرة مش زي الصور اللي فوق دي ) والكماليات ، غير كده مفيش فرق ، وفي فرق تاني صحيح كان عندي ، ان الموتور 1500 ، مش عارف بقه صاحب الموضوع موتور عربيته ايه؟
دي صورتها . وعلى فكره اخت اللي كانت عندي ونفس اللون
http://img.alibaba.com/photo/1197371...Automobile.jpg
ودي صورة من الخلف
http://www.goauto.com.au/mellor/mell...0sedan_OVR.jpg
ودي موديل 2009 ، اللي هتنزل مصر باسم شيفورليه كروز أو اوبترا ( الله اعلم ) ، ولسه اسمها بره دايو لاسيتي
http://i143.photobucket.com/albums/r...fgt/nbb2mh.jpg
http://2.bp.blogspot.com/_FoXyvaPSnV...ti-2009-24.jpg
http://img.worldcarfans.com/2008/11/...ti-2009_42.jpg
العربيه هى نفس الصوره الاولى بالضبط زعلامة الشركه فوق الكبود فى بدايته
ربنا يباركلك فيها ويكفيك شرها واعتقد بعد البحث انها توام الاوبترا بس ياريت الصور