خلاص هشترى الجميلة 2 .. ولكن؟

**أبومعاذ** · 30-05-2009 10:23 AM

لو الخصم اللي في العرض اكتر من 3000ج استنى عشان تدخل في مجموعة من 5 وتاخدوا العرض اما لو هو نفس الخصم يبقى لو رحت ابو رواش واتكلمت مع محسن صالح هتاخد نفس الخصم ومش لازم تستنى

**MohabSaeed** · 30-05-2009 01:55 PM

المشاركة الأصلية كتبت بواسطة ahmedfathy77

السلام عليكم و رحمة الله و بركاته
طبعا انا متفق مع كلام حضرتك و سبق اني رديت بنفس معني رد حضرتك اول ما الاستاذ شامي كتب مشاركته بس انا فيه نقطه مافهمتهاش في كلام حضرتك عن العربيه اللي مش هتروح لك اسكندريه ولا اسماعيليه ولا مصر الجديده فهل ده كان تعليق علي حاجه انا كتبتها ولا حضرتك كنت تقصد حاجه تانيه و شكرا
سلامي للجميع

لا يا استاذ احمد انا مقصدش حضرتك .. ولا حد تحديدا .... بس انا شوفت ان فى ناس عاوزه تستلم العربيه من مدينه نصر و اسكندريه " مع الاستفاده من الخصم " .... وده مش حينفع .

و بعدين انا استغربت طلاما ان الموضوع فى مصلحه ... حتى لو بسيطه مافيش مشكله ان الى عاوز يشترى يتعب شويه و يروح الفرع الرئيسى يحجز و يستلم طلاما فى استفاده , ده قصدى .

تحياتى ليك

**DR_EMAD** · 30-05-2009 02:06 PM

المشاركة الأصلية كتبت بواسطة momenhamdy

اهلاً بيك معانا و نتمني من الله اني اقدر اجاوبك علي كل الاسئله
وان شاء الله تستلم علي خير
وتقبل تحياتي

ألف شكر لحضرتك وعلى المعلومات اللى استفدت منها جدا

وشكر تانى ليك لأسلوب رد حضرتك
تقبل تحياتى
د/عماد

**DR_EMAD** · 30-05-2009 02:12 PM

المشاركة الأصلية كتبت بواسطة fox_vip

السلام عليكم ورحمة الله وبركاته
يا سيدي الفاضل أنا شامي من مبيعات عز العرب فرع ابيس و عاوز اقول لحضرتك ان الخصم اللي بيتقال عليه ده مش رسمي لأنه مافيش اي اتفاقيه رسميه بين عز العرب و ادارة نايل موتورز علشان اي حد يقدر يديك الخصم ده لان الموافقه على الخصومات ديه بتكون case by case فمبيبقاش الخصم مضمون لان الخصم ده لازم يتوافق عليه من مدير الفرع و بيكون الخصم ده في حدود معينه ثابته في كل الفروع.

شكرا على توضيح النقطة دى يا أستاذ شامى .. بالفعل كل فرع هيكون له سياسته الخاصة بالنسبة لموضوع الخصم

تقبل تحياتى
د/ عماد

**DR_EMAD** · 30-05-2009 02:20 PM

المشاركة الأصلية كتبت بواسطة ayman_52

انا قولت 10000000000000000000000000 مره

ان الخصم فقط .... فى فرع -ابو رواش- مع ا/محسن صالح فقط

يعنى مافيش خصم لو اتعملت مع رجل مبيعات تانى

والخصم دا انا اللى جايبه ... يعنى مافيش اتفاق مع التوكيل ومع المنتدى

ياريت اللى يتكلم يقرا كلامى اللى كتبته 100 مره

وفتره العرض هتنتهى فى 25/6/2009

ياريت يكون كلامى وضح

حاضر يا أستاذ أيمن .. هاقرأه 100 مرة
ياريت تبعت لى على الخاص الشروط الواجب توافرها علشان أستفيد من العرض ده
اللى هو 3 آلاف جنيه بالاضافة إلى الخصم الخاص بالاتفاق بينك وبين الأستاذ محسن
وكمان حضرتك تبعت لى الخصم الاضافى ده هيكون كام

وتقبل تحياتى
د/عماد

**DR_EMAD** · 30-05-2009 02:23 PM

المشاركة الأصلية كتبت بواسطة mohabsaeed

التخفيض ده مش الزامى و مش للابد .... ديه حاجه معموله ودياً .. لفتره معينه " خدمه للناس الى عاوزين ينضمو لبروتون " و حتنتهى ...

ارجو ان الامور تكون وضحت .

شكرا جزيلا .. للتوضيح

تقبل تحياتى
د/عماد

**DR_EMAD** · 30-05-2009 02:32 PM

المشاركة الأصلية كتبت بواسطة أبومريم

لو الخصم اللي في العرض اكتر من 3000ج استنى عشان تدخل في مجموعة من 5 وتاخدوا العرض اما لو هو نفس الخصم يبقى لو رحت ابو رواش واتكلمت مع محسن صالح هتاخد نفس الخصم ومش لازم تستنى

ألف شكر لحضرتك

وبالفعل أنا فى انتظار رد الأستاذ أيمن لى بخصوص كافة التفاصيل

تقبل تحياتى

د/عماد

**fox_vip** · 30-05-2009 09:29 PM

السلام عليكم ورحمة الله وبركاته
يا جماعه انا عايز اوضح نقطه مهمه ان الpolicy بتاعة عز العرب أنه العميل ممكن يشتري أو يحجز و يدفع الفلوس في أي فرع أو يكمل فلوسه ويستلم من فرع تاني لعز العرب بردو.
مثلا ممكن تحجز من فرع الصحراوي مثلا بالخصم المتفق عليه و يستلم و يكمل فلوسه و يستلم من فرع الاسكندريه.
ودا بيحصل كتير مع أختلاف الفروع ظبعا.
و حضرتك ممكن تسأل مدير أي فرع من فروعنا للتأكيد.

و على فكره يريت الاتفاق بتاع نايل موتورز يتعمم و احنا أكثر من سعداء لخدمة أعضاء نايل موتورز.

**waleedfesal** · 30-05-2009 10:04 PM

السلام عليكم ورحمة الله وبركاته......
أولا احب اشكر الاستاذ ايمن على مجهوداته الرائعه لمساعدة اخوانه فى المنتدى وعلى حصوله على هذا العرض الرائع من الاستاذ محسن
على فكره انا من دمياط بس اول ما عرفت وكنت ناوى على البرسونا على اول يوليو بس لما شوفت عرض الاستاذ ايمن لاقيتها فرصه جامده وسافرت بعدها بيومين هو صحيح مشوار:k4:
بس يستاهل
المهم انا رحت وقابلت الاستاذ محسن وقولتوله انى من طرف الاستاذ ايمن وفعلا حجزت العربيه ودفعت مقدم الحجز لان اللون اللى انا عايزه مش موجود ( على فكره كان فى لونين اسود وشامبين وقالى لوعايز واحد منهم اخد العربيه حالا وبرضه من خلال العرض)
وبرضه عرفت انى هاستلم العربيه من نفس الفرع :k4:
وايه يعنى مقابل عرض كويس لازم الواحد يتعب شويه وكله عشان خاطر الجميله برسونا اللى فى انتظار وصول الدفعه الجديده منها
وهاعيد كلامى الخاص بشكر ايمن وشكر كل الناس الجميله اللى ابرزت كل عيوب ومميزات سيارات برتون وبعدها سابت لينا حق الاختيار
معلش الكلام خدنى وطولت عليكم