يلا نركب مواصلات ..

**Terrible_DaRsH** · 30-05-2009 10:19 PM

المشاركة الأصلية كتبت بواسطة ابو السعود

انت اكيد شفت الاتوبيسات النصر بس
بس لو شفت المرسيدس مفيش مقارنه ما بين الاتنين
صوته هادي و كراسيه نضيفه وسحبه جامد
هي المشكله في الاتوبيسات النصر لو اتشالت هيبقى كله تمام

المشكلة مش فى انهم يشيلوها .. المشكلة فى انهم يوفروا الحل البديل .

امته الواحد يقف ينتظر الاتوبيس و تكون الاجرة فى اقصاها لابعد المشاوير ( 75 قرش او جنيه ) و يكون على اعلى مستوى و اقصي درجات الراحة كمان . هو ده اللى بنتكلم فيه .

و لما ده يحصل ( فى المشمش طبعا ) يكون فى قانون عقوبة اهدار للمال العام .

مادام احنا شعب همجى كده و بنبوظ كل حاجة .. يبقي فى مراقب فى المواصلات و كل واحد يتسبب فى خراب و لو كان بسيط يتعرض للمسائلة القانونية ( اصل احنا مبنجيش غير بال ... )

بس طبعا لا حياة لمن تنادى . لا الحكومة هتسمع و لا الشعب هيحترم نفسه .

**zocor742** · 30-05-2009 10:39 PM

فعلا الاتوبيسات النصر دى عفا عليها الزمن وكتر الف خيرها على كدة مش معقول كل المركبات عمالة تطور وتتحدث ولسة فية اتوبيسات من ايام جدى وجدك غير كدة وكدة التلوث الى بتسببة الاتوبيسات دية واللة فعلا لما غيروا بعض الاتوبيسات فى الاسكندرية طبعا مش كلها المنظر بقى حضارى اكتر والتلوث من عادم الاتوبيسات قل وبقى فية سرعة فى خطوط الاتوبيسات عن الاول واحلى حاجة عملنها الاتوبيسات مستويات بردو فية اجرة مجزءة وموحدة طول الخط يعنى فية امل بردو والله المستعان

**Ashraf_Ashraf** · 30-05-2009 10:50 PM

ياجماعه انا قررت اشترى عجله وايه بنقلات اتوماتيك وبلاها مواصلات وعربيات ولجان وازاز فيمه وحزام وامشى عكسى ونشوف المخالفات بقى هههههههههههههههه
مواصلات ايه يامان دا حتى مترو الانفاق قرب يحصل هيئه النقل

**Eng.Sameh** · 30-05-2009 10:57 PM

من أكتر الحجات اللي بكرهها في حياتي ركوب المواصلات أيا كان نوعها والتعامل مع السائقين ووجع الدماغ بتاع لم الأجرة وجيزة جيزة جامعة ... هرم طلبية مشعل .. طول السكة لحد الواحد ما دماغة تضرب ... ويقف كل مترين .. والهري ده ، بجد العربية نعمة كبيرة من نعم ربنا على الواحد ، وأنا حاسس بيها قوي الفترة دي لأني بعت عربيتي وحجزت زيرو ولسه مستلمتش وطالع عيني في المواصلات رغم أن معظمها تكسييات

**magyver** · 31-05-2009 03:04 AM

المشاركة الأصلية كتبت بواسطة ash_rsi

ياجماعه انا قررت اشترى عجله وايه بنقلات اتوماتيك وبلاها مواصلات وعربيات ولجان وازاز فيمه وحزام وامشى عكسى ونشوف المخالفات بقى هههههههههههههههه
مواصلات ايه يامان دا حتى مترو الانفاق قرب يحصل هيئه النقل

ههههههههههههههه
احجزلي معااااااااااااااك

**MohaMed_Refaat** · 31-05-2009 06:39 AM

المشاركة الأصلية كتبت بواسطة ash_rsi

ياجماعه انا قررت اشترى عجله وايه بنقلات اتوماتيك وبلاها مواصلات وعربيات ولجان وازاز فيمه وحزام وامشى عكسى ونشوف المخالفات بقى هههههههههههههههه
مواصلات ايه يامان دا حتى مترو الانفاق قرب يحصل هيئه النقل

ممكن بعد كدة يقوللك العجل يعلق نمر ويطلع رخصة ويفحص والمهندس يبص على الجنزير والجدون
مكل مدى البلد بتفلس يقوموا يفرضوا ضرايب وغرامات جديدة على اى حاجة وخلاص علشان يدخلوا اى فلوس والسلام واديك زى مقولت المترو حيغلى اهوة مش عارف غلو القطورات مرتين فقالو الدور على مين على المترو غلى وخلاص .
بلد مقرفة واللة .

**Mohamed.Raafat** · 31-05-2009 03:05 PM

ازمة المواصلات دي موجودة في مصر كلها
عندنا هنا في اسماعيلية مثلا فيه تاكسيات مخصوص توديك في تي حتة و فيه ميكرباصات بس ماتروحش بيها لأي حتة ( ليها خطوط سير محددة و طبعا في مناطق بعيدة عن خطوط السير ديه)

و في القاهرة انا اكتر حاجة بتعجبني مترو الانفاق
و التاكسيات عندكم نصابين
و ربنا يكون في عونكم في الحر
و لما بننزل بالعربية مع العيلة القاهرة الواحد بجد بيتخنق من مدخل البلد
زحمة مووووووووووووووووت
ربنا يكون في عونكم

**وائل عطية** · 31-05-2009 03:21 PM

المشاركة الأصلية كتبت بواسطة ash_rsi

دا حتى مترو الانفاق قرب يحصل هيئه النقل

دا صحيح ..وهو مش لسه هايحصل هيئة النقل ..لأ دا حصلها خلاص
بقالي فترة طويلة جدا ماركبتش المترو لغاية من أسبوعين ...حاجة عجيبة .. المتسولين ماليين الدنيا والبياعين في قلب العربيات وعلى الأرصفة ..وطبعا يتزين المترو من الخارج بالأشكال والرسومات العجيبة اللي عملوها بهدف الدعاية والإعلانات ويتزين من الداخل بعبارت من عينة " للذكرى الحالدة - شباب عين شمس - إلخ" دا غير الأعطال والتوقفات الدائمة !