يلا نركب مواصلات ..

**Terrible_DaRsH** · 29-05-2009 11:24 PM

المواصلات هى الحل بالفعل ..

يلا كلنا نركب مواصلات :)

قريبي بيعمل تقارير عن المواصلات فى مصر و عن الازدحام المرورى المفضل للمصريين !!

و انا بساعده فى التقرير ده .. فمن ضمن المرفقات فى التقرير صور لاتوبيسات هيئة النقل العام ( اللى بربع جنيه و نص جنيه ) ..

فالنهارده كنت رايح مشوار و فى طريقي ميدان العباسية فقلت اخد كام صورة من موقف العباسية كده .

ركنا عند الموقف و انا نزلت اخد كام شوت كده خفيف بسرعة و من اى اتوبيس كمان مش شرط يعنى يكون سيء .

ده كان اول اتوبيس و اخر اتوبيس صورته .. :( بجد حاجة تفرح و على فكرة الفلاش كان ضعيف شوية و الاتوبيس كان ضلمة اوووووى و باقى الصور لسه منزلتهاش .

شوفوا الجمال بقي .!!

.

.

.

ده بقي غير الموتور المكشوف و الصوت الفظيع اللى طالع و الزبالة اللى فى الارض و الكنبة الخلفية السوداء ( من العادم ) ..

و كل الاتوبيسات اللى من النوع ده كده .

بجد شيء مُشرف و كمان ده بياكد اهتمام الدولة الكبير برعاية المواطن محدود الدخل ..

مصر = عناء بلا حدوووود ..

**faroukahafeez** · 30-05-2009 01:02 AM

الحمد لله انا معانا عربيات وركبناها ومع ذلك مش طايقين السواقة وأعصابنا بتتعب اما نروح مشوار او الشغل وتكييف العربية شغال

**pro_samir** · 30-05-2009 04:03 AM

والله انا أول الناس اللى هتركن العربية وتركب مواصلات بس لما يبقى فى مواصلات أدمية !

فا لو عايزين يتنيلو يحلو مشكلة المرور ويوفرو فى البنزين يبقو يعملولنا مواصلات محترمة الأول

**ahmad--ezzat** · 30-05-2009 04:55 AM

شكرا على الصور

**zocor742** · 30-05-2009 05:56 AM

بصراحة المواصلات فى القاهرة فظيعة وصعبة اوى اوى بجد تختلف عن اى محافظة تانية والبنى ادم من غير عربية فى القاهرة معرض انة يشوف قرف ومهانة لحد مايروح البيت
بجد اللة يكون فى عنكم احنا فى الاسكندرية فى زحمة على المواصلات بس مش فى كل الاوقات وتقدر تتعامل بكذا طريقة بس القاهرة بتعب منها نفسيا الصبح بالذات بس بحبها وبحب كل فترة ازور قريبى هناك بس لما برجع الاسكندرية وانا مروح بحث بالروقان بالزات فى الشتا واى وقت بعيدا عن وقت المصيف انما بقى فى الصيف متفرقش حاجة عن القاهرة بردو
الله يكون فى عنكم جميعا

**Samah AbdAllah** · 30-05-2009 03:37 PM

لو مستوى المواصلات اتحسن واتوفرت بشكل ميبقاش الناس فوق بعضها ده هيقلل من الزحام وازمة المرور

**mahmoud_magdy** · 30-05-2009 08:38 PM

في بعض ايام بكون مضطر اني اركب اتوبيس من ادام الجامعه
(جامعة القاهره) علشان مفيش ادامي غيرو وا يا هتحرق في الشمس او استنى وقت كبير وساعات بكون مستعجل
عادة اتوبيسات هناك بتكون نوعا ما نضيفه
لكن في اتوبيسات قذره جدااااااااااا
بس ياترى مين اللي بيسبب القذاره واهمال دول
اظن انهم الركاب
مش من الطبيعي خالص اني اعد في كرسي دا لو قيت اصلا واقطع في الجلد بتاعو من الضهر او اكتب رقم موبايلي او اكتب ذكرى او الجروب بتاعي زي ما الناس بتعمل
يبقى الركاب هما اللي بيتسببوا في القذاره ومش فرض على هيئة النقل العام مثلا انها كل شويه تصلح اللي الركاب بوظوه ف بالتالي بيسيبوها زي ما هي
لو تسمعو عن اتوبيسات شرق الدلتا ودا يعتر خط سيري (القاهره - العاشر من رمضان ) أسوأ اتوبيسات سفر تشوفها في حياتك ماعدا المكيف منها بيكون نضيف جدا واغلى من العادي واكيد مش هيغيروا اتوبيسات عشان يتعمل فيها زي القديم
غير طبعا اتوبيسات اللي شغاله بقالها زمـــــــــــــــــــــــ ــــــــن طويــــــــــــــــــــــ ـــــــــــــــــــــــــ ــــــل
في يوم من ايام شفت اتوبيس شغال وكان بيظهر شبهو في الافلام القديمه
دا غير الميكروباصات اللي بيركبوها فيها بدل 14 راكب 16 و 17 طبعا اللي بيركب مواصت زيي كدا اكيد هيعرف
شكرا

**AboELsoud** · 30-05-2009 09:29 PM

انت اكيد شفت الاتوبيسات النصر بس
بس لو شفت المرسيدس مفيش مقارنه ما بين الاتنين
صوته هادي و كراسيه نضيفه وسحبه جامد
هي المشكله في الاتوبيسات النصر لو اتشالت هيبقى كله تمام

-

-

الموضوع: يلا نركب مواصلات ..

LinkBack

أدوات الموضوع

عرض

-

-

-

-

-

-

المواضيع المتشابهه

نركب غاز في النوبيرا ولا ايه؟

عاوزين نركب esp للفيات

عشان نركب فرش؟

يلا نركب سواا

يلا نركب سوا

الكلمات الدلالية لهذا الموضوع

المفضلات

المفضلات

ضوابط المشاركة