ايه كميه الغل اللى بقت فينا دى

ياجماعه انا لسه راجع من مشوار وحصل لى موقف عاوزكم تقولوا رايكم فيه
كنت فى مصر الجديده فى شارع نهايته على شارع عمومى رايج جاى فكنت خارج من الشارع الجانبى وداخل شمال
جيت اعدى واقطع الطريق لقيت الشارع العمومى تقريبا واقف حاولت اعدى من العربيات واشاور وابتسامه ولا حد راضى حتى ينتظر اعدى واحد عمل نفسه مش شايفنى وواحد اكلمه واقوله من فضلك انتظر اعدى عمله نفسه مش
سامع واللى يبص كانى اهبل هيعدى والله يبص بقرف واللى يبص بمنتهى التحدى مش هعديك
كانى هاخد مكانه او هاخد حاجه بتاعته
ليه بقينا كده ليه ليه وصلنا لدرجه معدناش بنشوف الا نفسنا وبس ليه بقينا عندنا استعداد للخناق والقتل اكتر من استعددنا للخير والذوق موقف حقيقى خلانى طول مشوارى مكتئب ولغايه دلوقتى
تفتكروا وصلنا لكده ليه وايه ممكن يكون الحل ( دا لو فيه حل )http://img41.imageshack.us/img41/2350/59120488.jpg

يا فندم دا خلاص بقى موقف متعود عليه بيحصلي دايما و الاكتر من كدا انك لو في الموقف التاني وانت اللي ماشي في الشارع اللي واقف ووقفت عشان تعدي عربية عشان تدخل الاتجاه التاني هتلاقي العربية اللي وراك هاتك يا كلاكسات رغم ان كدا كدا الطريق واقف بس هو معترض على انك عديته وعجبي

لأ الموضوع ده خلاص طريقته بقت معروفة ... خد الموضوع بدراعك

خصوصا ً لو انت معاك الـ 132 ، مفيش حاجة تخسرها

انا بتعرض لهذا الموقف يوميا وقت خروجى من الشارع اللى انا ساكن فيه
الظريف بأه ان ممكن واحد ذوق يديك فرصة تعدى اول ماتتحرك شوية تلاقى اللى على شماله راح قافل عليك الطريق , يبقى عطلك و عطل الراجل الذوق اللى عايز يعديك عقابا له

عادي جدااااااااااااااااااااااا ا
الصح ان حضرتك تدخل من غير ما تبص لأي حد
هتلاقي نفسك عديت في ثواني
تحيا مصر

يا لهوى ده يوم الاربعاء بليل
شفت مطحنة بين راجل كبير راكب مرسيدس
وشاب راكب ماتريكس

نزلو عجنوا :beatdeadhorse5:بعض عشان مين يعدى الاول برده

وكان معاهم سيدات فى العربيتين
ورغم ذلك مجزرة ودم للركب فى وش الاتنين ده غير اقذر الشتايم والسب
والله خفت ادخل اسلك كنت حتفرم اونطة بسبب العصبية والعنجهية اللى بقت فينا :T_thum1[1]:

هو الغلط على الحكومة والمرور الاهبل بتاعنا اللى سايبين الطرق والمفارق دية من غير تنظيم
هما بينظمو اهم المفارق بالنهار بس كمان بليل حيص بيص .

للأسف الموضوع ماشى بالدراع

ما هو لو السائق الآخر شافك و انت بتركز أو بتبص على العربيات أو على الاكصدام و الكبوت و كده هيستشعر فوراً أنك مش النوع اللي يتخاف منه و مش هيستناك لما تعدي

أنا فعلا باتغاظ من الحركه دى لا هوه عدى ولا خلانى اعدى ايه اللى استفاده مش عارف !
اقولك حاجه أحسن شوفتها فى وسط البلد واحد فى نفس موقفك تماما بس الفرق ان الطريق من 3 حارات وقف يعديه طالما طريقهم واقف والجميل انهم فضلوا واقفين زى ماهموا علشان لو حد جاى بعد كده يلاقى الطريق مفتوح راح جاى واحد محترم راكب عربيه كورولا طالع قافل الكريق على عربيه كانت معديه واللى يغيظ ان الطريق اللى قدامه ماكنش اتحرك ولا سنتيمتر واحد لأن كان فيه اشاره قافله ليه كده مش عارف ؟
واللى يفقع المراره انك لو وقفت تعدى واحد تلاقى وحد عدى منك وطلع قفل الطريق عليه ... ليه برضه مش عارف .؟

ده حتى الاشارت لو ميدي اشارة وعايز اخش يمين او شمال الاقي جاي كااااااابس
زي ما يكون دي حركة قليلة الادب او عيب في المواطن
مع ان الاشارة تتعبر (مش عدنا طبعا ) مش تحذير بس دي استأذان كمان

انت مش مذاكر البوز بيز ولا اية يا باشا

لا هو الموضوع ان السواقة بقت بلطجة

اقتباس:

---

المشاركة الأصلية كتبت بواسطة pro_samir

انت مش مذاكر البوز بيز ولا اية يا باشا

---

ههههههههههه :verygood:

ما فيش ع------د-------ل
ولا سيف يقطع يد السارق
ومش عايزين كل ده ما يحصلش

ده العادى بس المفروض ده ميكونش العادى والناس تبقى زوق شويه عن نفسى في حالتك دى بستنى دقيقة لو حد زوق ومحترع عدانى خير وبركه مافيش بتبع قاعدة البوز بيز وافضل اطلع سنه سنه لحد مقطع الطريق وعدى

ياريت منستعملش قاعدة البوز بيز دى الا عند وقت اللزوم بس بس نبدا بالصح الاول منفعش يبقى بوز بيز هههههههههههههههههه

ده بقى الطبيعى اليومين دول

لاااا عادى قيس على دى حاجات كتير قوى

لو انت راكن بتجيب حاجه والشارع جنبك ماشى واحده واحده اول ما تدور تلاقى اللى ماشى رمى عليك ولزق فى اللى قدامه من غير انت اساسا ما تيجى جنبه عملا بمبدا الوقايه خير من العلاج

لو ماشى فى حاره والحاره اللى على يمينك فيها واحد وراك بحوالى 2 متر اول ما تشغل اشاره يمين تلاقيه حرق على العربيه علشان يطلع جنبك وتعدى من وراه مش من قدامه

ولو واحد قدامك فى زحمه لقى الحاره اللى جنبه ماشيه احسن من اللى هو فيها يقوم يدخل الحاره التانيه وهو داخل يلاقى حارته مشيت يقوم راجع قافل عليك وانت جاى من وراه قال يعنى بيقولك هو انت هتورثنى بالحيا انا لسه مروحتش هناك وينتهى بيه المطاف فى وسط الحارتين بيقرر يمشى فى دى ولا فى دى

لو واحد بيركن لازم يسيب متر ونص وراه ومترين قدامه علشان محدش يجى يزنقه وهو طالع ويبقى طالع مرتاح وتلاقى فى مكان فاضى قدامه يركن فيه عربيه جامبو لو تحب لولا الانانيه اللى هو فيها

ولو الشارع رايح جاى والاتجاه بتاعك وقف تلاقى كل الناس واقفه الا واحد بس سواق ابن ابوه ناصح ومفيش زيه اتنين دخل فى المخالف وقفل الدنيا خالص وبعدين يرجع تانى يزنق اللى ماشى صح بحجه ما تاخد يمينك يا عم مهى الدنيا فاضيه اهى

لو هديت علشان تعدى واحد على رجله الشارع تلاقى واحد جه من على يمينك ودخل فى حارتك يكسب المكان اللى انت سيبته وانت بتعدى الراجل

ويا سلام لو سولت لك نفسك انك تقف علشان واحده بتعدى الشارع ومعاها اطفال او ست كبيره تلاقى الدنيا اتقلبت وراك وكأن فى ديناصور بياكل الشارع كله ورا والناس محتاجه تجرى منه

يا راجل دى بقت بلد تجيب المراره

الاخلاق ثم الاخلاق ثم الاخلاق

مع ن لو الواحد حسبها هيلاقى الموضوع مش هياخد دقيقه
الناس معندهاش صبر

ثقافه الزحام و عدم توفر الاساسيات اللازمه لعيش معظم المصريين
نتيجته الواضحه
حالة الشارع المصري !!!
وربنا يلطف في اللي جاي

اقتباس:

---

المشاركة الأصلية كتبت بواسطة BASKOTA

الاخلاق ثم الاخلاق ثم الاخلاق

---

طبعاً هي المسألة أخلاق أولاً وأخيراً .

في لندن ، نيويورك، تورنتو، زحمه أكتر من مصر 10 مرات . متلئيش حد يفتح مخه بأه ولا يشغل software العبقريه إلا لو كان إيه


"عربي طبعاً ".


(محنا جايبين رصيدنا من الخلق معنا في كل حته في العالم . وبعدين طبعاً دخلنا نفسينا الجنة وأي حد غيرنا أكيد كل اصدقائي عارفين احنا دخلناهم فين

ماهو النقطة ان الناس بقت مش طيئة نفسها فهطيق بعضها
انا يشبه الي بيحصلنا بمسرح العرايس هما مجموعة مسكة الخيوط بايديها وبتلعب العرايس وطبعا العرايس بت بص لبعضها وتتعامل ومش شيفة الخيوط الي بتحركها ولا تقدر توصلها لانها فوقيها
فيعملو ايه يخبطوا في بعض بالبلدي كدة وطبعا من كثر التخبيط طول اليوم ابقوا قابلوني لو فضل طاقة تنجز بيها اي حاجة ناهيك عن الابتكار
وربنا يلطف بينا ويهديلنا.....الحال