ايه كميه الغل اللى بقت فينا دى

**Ashraf_Ashraf** · 29-05-2009 11:39 PM

ياجماعه انا لسه راجع من مشوار وحصل لى موقف عاوزكم تقولوا رايكم فيه
كنت فى مصر الجديده فى شارع نهايته على شارع عمومى رايج جاى فكنت خارج من الشارع الجانبى وداخل شمال
جيت اعدى واقطع الطريق لقيت الشارع العمومى تقريبا واقف حاولت اعدى من العربيات واشاور وابتسامه ولا حد راضى حتى ينتظر اعدى واحد عمل نفسه مش شايفنى وواحد اكلمه واقوله من فضلك انتظر اعدى عمله نفسه مش
سامع واللى يبص كانى اهبل هيعدى والله يبص بقرف واللى يبص بمنتهى التحدى مش هعديك
كانى هاخد مكانه او هاخد حاجه بتاعته
ليه بقينا كده ليه ليه وصلنا لدرجه معدناش بنشوف الا نفسنا وبس ليه بقينا عندنا استعداد للخناق والقتل اكتر من استعددنا للخير والذوق موقف حقيقى خلانى طول مشوارى مكتئب ولغايه دلوقتى
تفتكروا وصلنا لكده ليه وايه ممكن يكون الحل ( دا لو فيه حل )

**أبومعاذ** · 29-05-2009 11:44 PM

يا فندم دا خلاص بقى موقف متعود عليه بيحصلي دايما و الاكتر من كدا انك لو في الموقف التاني وانت اللي ماشي في الشارع اللي واقف ووقفت عشان تعدي عربية عشان تدخل الاتجاه التاني هتلاقي العربية اللي وراك هاتك يا كلاكسات رغم ان كدا كدا الطريق واقف بس هو معترض على انك عديته وعجبي

**جمال** · 30-05-2009 12:12 AM

انا بتعرض لهذا الموقف يوميا وقت خروجى من الشارع اللى انا ساكن فيه
الظريف بأه ان ممكن واحد ذوق يديك فرصة تعدى اول ماتتحرك شوية تلاقى اللى على شماله راح قافل عليك الطريق , يبقى عطلك و عطل الراجل الذوق اللى عايز يعديك عقابا له

**ahmedfawzy14** · 30-05-2009 12:39 AM

يا لهوى ده يوم الاربعاء بليل
شفت مطحنة بين راجل كبير راكب مرسيدس
وشاب راكب ماتريكس

نزلو عجنوا بعض عشان مين يعدى الاول برده

وكان معاهم سيدات فى العربيتين
ورغم ذلك مجزرة ودم للركب فى وش الاتنين ده غير اقذر الشتايم والسب
والله خفت ادخل اسلك كنت حتفرم اونطة بسبب العصبية والعنجهية اللى بقت فينا

**MohaMed_Refaat** · 30-05-2009 12:44 AM

هو الغلط على الحكومة والمرور الاهبل بتاعنا اللى سايبين الطرق والمفارق دية من غير تنظيم
هما بينظمو اهم المفارق بالنهار بس كمان بليل حيص بيص .

**faroukahafeez** · 30-05-2009 12:46 AM

للأسف الموضوع ماشى بالدراع

**abo_hosni** · 30-05-2009 12:49 AM

ما هو لو السائق الآخر شافك و انت بتركز أو بتبص على العربيات أو على الاكصدام و الكبوت و كده هيستشعر فوراً أنك مش النوع اللي يتخاف منه و مش هيستناك لما تعدي

**dr_darsh** · 30-05-2009 02:13 AM

أنا فعلا باتغاظ من الحركه دى لا هوه عدى ولا خلانى اعدى ايه اللى استفاده مش عارف !
اقولك حاجه أحسن شوفتها فى وسط البلد واحد فى نفس موقفك تماما بس الفرق ان الطريق من 3 حارات وقف يعديه طالما طريقهم واقف والجميل انهم فضلوا واقفين زى ماهموا علشان لو حد جاى بعد كده يلاقى الطريق مفتوح راح جاى واحد محترم راكب عربيه كورولا طالع قافل الكريق على عربيه كانت معديه واللى يغيظ ان الطريق اللى قدامه ماكنش اتحرك ولا سنتيمتر واحد لأن كان فيه اشاره قافله ليه كده مش عارف ؟
واللى يفقع المراره انك لو وقفت تعدى واحد تلاقى وحد عدى منك وطلع قفل الطريق عليه ... ليه برضه مش عارف .؟

-

الموضوع: ايه كميه الغل اللى بقت فينا دى

LinkBack

أدوات الموضوع

عرض

-

-

-

-

-

-

المواضيع المتشابهه

مين فينا اللى ركب موجة الثورة وعمل بطل ؟؟

مين فينا اللى غلطان (حوادث الأصطدام من الخلف)

مين اللى تغير فينا احنا ولا الزمن ؟؟؟؟؟؟؟؟

يا جماعه أنا شفت النهارده منظر بشع ... من كتر الغل اللي جوايا حبيت أقوله

الكلمات الدلالية لهذا الموضوع

المفضلات

المفضلات

ضوابط المشاركة