هو صف تاني و خلاص؟

**Mohamed.Raafat** · 30-05-2009 03:51 PM

تصرف رائع من صاحب الدودج
و لو انه هيبوظ العربية بتاعته

**Hondawy_2008** · 30-05-2009 05:09 PM

أنا مرة كنت في فرح في دار الدفاع طلعت لقيت واحد بفيرنا ملاكي اسكندرية قافل علية و معشق العربية كنت هكسرله العربية لولا ان السياس في الشارع اترجوني وقالولي هيزقوها بالرفع وقعدت ساعة متعطل بصراحة ناس معندهاش دم والله أنا لو معايا هامر همشي أدوس على أي كلب من دول :)

**aratux** · 30-05-2009 05:36 PM

المشاركة الأصلية كتبت بواسطة ahmed0nouh

بصراحه بتاع الدودج مفيش عليه اى لوم بالعكس هو اتصرف صح جدا جدا
صاحب الفيرنا من كسله انه يركن بعيد فى مكان فاضى ويجى المكان ده مشى اتسبب له فى درس عمره ما هينساه
من راى مفيش حاجه اسمها واحد مضطر يركن صف تانى اكيد فى مكان بس بعيد شويه لكن هو عايز يركن قصاد مكان مصلحته على طول علشان مكسل يمشى فى الحر ومش مهم عنده الناس اللى هتتضايق وتتعطل وتدعى عليه بسبب انهم واقفين فى الحر برده

للأسف فعلا لان مفيش اجراء قانونى الواحد يقدر ياخده ضد صاحب الفيرنا فى حاله تعطيله الشارع لازم الواحد يتصرف بدراعه زى ما عمل صاحب الدودج

ممكن تطلبله الونش و طبعا بتوع المرور ما هيصدقوا واحد يظبطوه (بس لو الونش عرف يدخله فى الزحمة)

**tutankhamoun** · 30-05-2009 05:43 PM

المشاركة الأصلية كتبت بواسطة OlaOsman

هي الناس بتركن صف تاني و السلام؟ أي حاجة يعني؟

الشارع اللي فيه شغلي من أرخم شوارع المهندسين، اتجاهين و ضيق و مستفز. انا طبعا راكنة عربيتي صف أول و الشارع مستحيل حد يقدر يركن فيه صف تاني و المساحة اللي فاضلة تعدي عربية. جه واحد بفيرنا سودا ركن صف تاني في الناحية التانية اللي قصاد عربيتي بالظبط و عشقها و طلع مش عارفة فين. طبعا الشارع كده اتخلقت فيه أزمة و بقيت خايفة على عربيتي لاحد ياخدها عافية و يحاول يعدي يقوم يلطش عربيتي

شوية صغيرين و جت دودج صاحبها عايز يعدي من الشارع و معرفش يرجع عشان الشارع وراه قفل، حاولوا يزقوا العربية، مافيش.. قام الراجل آخر ما اتنرفز راح راجع بعربية سنة لورا و طراااااااخ في بوز العربية زاققها.. اتزقت سنة، حاول يعدي برضه ما نفعش قام خابطها خبطة كمان في الإكصدام بس طبعا الكبوت اتتني سنة و الباب ماكانش عايز يفتح لما صاحب الفيرنا نزل بعد شوية.

بعد الخبطة التانية العربية اتزقت مسافة كويسة وسعت شوية للي عايز يعدي و عدى صاحب الدودج و الحمد لله ما حكش في عربيتي بس حك في الفيرنا و عدى بعده طابور طويل من العربيات من مسافة صغيرة اوي و انا فضلت واقفة لحد ما اتأكدت ان عربيتي بخير الحمد لله.

طبعا صاحب الفيرنا نزل بعد شوية و لقى عربيته كده، الناس حكت له اللي حصل و ازاي هو عمل أزمة في الشارع و كلهم لاموه فمقدرش يتكلم و وقف شوية يشوف اللي حصل لها و هايعمل فيها ايه.

انا طبعا عارفة إن أزمة الركنات في القاهرة بتخلي الناس تعمل أي حاجة، بس برضه لازم الواحد يخاف على عربيته و عربيات الناس و ما يوقفش الشوارع.. و لا ايه؟

بتاع الفيرنا واحد بيستعبط زي ناس كتير اخر استعباط في مصر ........ و يستاهل .....و الله بتاع الدودج ده راجل 100 %

**Ahmed Nouh** · 30-05-2009 06:10 PM

المشاركة الأصلية كتبت بواسطة aratux

ممكن تطلبله الونش و طبعا بتوع المرور ما هيصدقوا واحد يظبطوه (بس لو الونش عرف يدخله فى الزحمة)

وهل حضرتك متخيل انك لو اتصلت بالنجده قولتلهم ان فى واحد قافل الطريق ومعطل الشارع ولو سمحت ابعتو ونش يشيله حد هيعبرنا ؟

للأسف البلاغات من النوع ده بتكون من وجهه نظرهم من واحد فاضى

**tutankhamoun** · 30-05-2009 06:38 PM

المشاركة الأصلية كتبت بواسطة Ahmed0Nouh

وهل حضرتك متخيل انك لو اتصلت بالنجده قولتلهم ان فى واحد قافل الطريق ومعطل الشارع ولو سمحت ابعتو ونش يشيله حد هيعبرنا ؟

للأسف البلاغات من النوع ده بتكون من وجهه نظرهم من واحد فاضى

مش لو ردو اصلا على التليفون

**SeiffoZ** · 30-05-2009 07:05 PM

المشكلة مش مشكلة صف تانى فى حد ذاتها ..
أنا من سكان المهندسين ... و دائما بتركن صف تانى عشان للأسف مفيش أماكن تانية .. هنعمل إيه يعنى؟؟؟
لكن المشكلة فى البرود و إنه يعشق العربية ... إيه البرود ده ... يرطن صف تانى و مش هامه و معشق العربية؟؟؟
دى حاجة بجد صعبة ...

أنا مرة إبن عمى حصلوا الموقف ده كان راكن صف أول و واحد ركن عليه صف تانى و عشق .. و أعد يلف و يسأل مين صاحب العربية مالقاهوش قام علطول كسر إزاز العربية و فك تعشيقتها و مشى ..
الناس مش هتحرم غير لما تنضر

**dr.hany** · 30-05-2009 07:49 PM

الحمد لله احنا فى نعمه على كده فى الزقازيق

**Samir Elshahawy** · 30-05-2009 09:02 PM

جه واحد بفيرنا سودا ركن صف تاني في الناحية التانية اللي قصاد عربيتي بالظبط و عشقها و طلع مش عارفة فين. طبعا الشارع كده اتخلقت فيه أزمة

ماجبتش حاجة من عندي ؟؟؟
لسه و الله كاتب موضوع فبل ماأقرا الموضوع ده عن سلوكيات قائدي الفيرنا
مش عارف ليه بس بيعملوا كده ؟؟؟
http://nilemotors.net/Nile/showthread.php?t=77863

**OlaOsman** · 30-05-2009 09:13 PM

المشاركة الأصلية كتبت بواسطة se_coralsea

ماجبتش حاجة من عندي ؟؟؟
لسه و الله كاتب موضوع فبل ماأقرا الموضوع ده عن سلوكيات قائدي الفيرنا
مش عارف ليه بس بيعملوا كده ؟؟؟
http://nilemotors.net/nile/showthread.php?t=77863

لأ جديدة حتة سلوك قائدي الفيرنا دي.

الموضوع: هو صف تاني و خلاص؟

LinkBack

أدوات الموضوع

عرض

-

-

-

-

-

-

-

المواضيع المتشابهه

خلاص مش هتعامل تاني بادب مع حد في البلد دي !

البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

ككلاكيت تاني مرة !!! التيجو اتخبطت تاني يا جماعة..الحمد لله

خلاص .. خلاص بجد .. دي مش عيشة بني أدمين

انا خلاص قرفت ومش هعتبها تاني

الكلمات الدلالية لهذا الموضوع

المفضلات

المفضلات

ضوابط المشاركة