هل تتوقعون ان النيو النترا ستكون معمرة؟

**tarekabosdera** · 30-05-2009 12:23 AM

كل واحد يقول توقعه من خلال تجربة او من غير.

هل النيو الانترا هتكون من العربيات اللي تعيش لمدة 15 او 20 سنة وهتفضل في الشوارع لحد ما احفادنا يشوفوها؟

زي الكرولا مثلا ما شاء الله من العربيات المعمرة جدا على مر السنين.

**Hacker5** · 30-05-2009 01:10 AM

اتوقع اة
ليه لاء ؟ :)
اذا كانت الهيونداى بونى لسة شغالة لحد دلوقتى يبقى اكيد الالنترا هاتعيش خصوصا انى بعتبرها طفرة هيونداى

**osman hisham** · 30-05-2009 01:18 AM

لأ طبعا 15 سنه ولا 20 سنه أيه , ولا أحسن عربيه تعيش معاك كده ,
العربيات دلوقتى زى الكمبيوتر كل 3-4 سنوات أشكال و موديلات و تكنولوجى جديده و العربيات نفسها مش مصنعه لتعمر أكثر من 10 سنوات لأنك حتلاقى قطع غيار العفشه و الموتور غاليه و العربيه الجديده حتبقى أحسن ...... يا راجل ده الكاوتش النهارده ال4 فرد 2000 جنيه و علبة الدركسيون 4000 - 6000 جنيه و الفوانيس 4000 جنبه .

**tarekabosdera** · 31-05-2009 02:14 AM

بس على الاقل انا اتوقع ان العربية ممكن تعيش 10 سنين بدون مشاكل كبيرة

بس ليه انا مش شايف النترا موديلات اقل من 2005 في مصر؟؟؟؟؟؟؟؟؟؟؟

رغم اني سمعت ان في منها موديلات قديمة!

**mohamed_mohsen** · 31-05-2009 06:41 AM

المشاركة الأصلية كتبت بواسطة tarekabosdera

بس على الاقل انا اتوقع ان العربية ممكن تعيش 10 سنين بدون مشاكل كبيرة

بس ليه انا مش شايف النترا موديلات اقل من 2005 في مصر؟؟؟؟؟؟؟؟؟؟؟

رغم اني سمعت ان في منها موديلات قديمة!

في منها موديلات قديمه
......بس مش كتير زي الالنترا الجديده .....يعني لو ركزت مع الشكل اللي فات....هتلاقيه بس مش كتير

بالنسبه لسؤالك الاصلي
متهيألي اخرها 10 سنين
لان مش عشان هيونداي و الا عشان كوري لا...عشان دي بقت سياسة تصنيع ...ان المنتج يبقي ليه عمر افتراضي قصير نسبيا...عشان الناس تشتري...الا الناس مش هتشتري زيرو ساعتها... و اكبر دليل الكامري القديمه موديلات التسعينات هي و الكريسيدا....معمره بشكل بشع......و كنت قريت ان واحد كان عمل بيها مليون كم بدون تغيير موتور و مع متابعة الصيانات العاديه....واحد زي ده هيشتري زيرو ليه مادام ماشيه...
و من ناحيه اخري جايز تشوفها بعد 20 سنه ليه لا لو ماشالوش الجمارك علي العربيات..عكس بره العربيه اخرها سنتين تلاته و اقلب

**Nile_Storm** · 31-05-2009 01:04 PM

هي عمرها اعتقد هيكون حوالي 10 سنين لكن مع عبقريه بليه المصري الي مخليه عربيات زي البيتلز و ال 128 شغاله اعتقد هتقعد كتير
خصوصا انها مش قليله

**tarekabosdera** · 31-05-2009 06:47 PM

[

بالنسبه لسؤالك الاصلي
متهيألي اخرها 10 سنين
لان مش عشان هيونداي و الا عشان كوري لا...عشان دي بقت سياسة تصنيع ...ان المنتج يبقي ليه عمر افتراضي قصير نسبيا...عشان الناس تشتري...الا الناس مش هتشتري زيرو ساعتها...

ده يدل على ان اغلب السيارات الجديدة ليها عمر افتراضي مش طويل حتى لو كانت العربية كرولا او لانسر او او اوبل.....

انا بس كان الهدف من سؤالي اني اعرف هل في عربيات دلوقتي ممكن تعمر لسنوات طويلة زي الكرسيدا والكامري القديم؟