شكرا يا جماعة والله واسف مرة تانية اذا كنت ضايقت حد من الاعضاء وربنا يكرمكوا ان شاء الله ويباركلكوا في سيارتكم
عرض للطباعة
شكرا يا جماعة والله واسف مرة تانية اذا كنت ضايقت حد من الاعضاء وربنا يكرمكوا ان شاء الله ويباركلكوا في سيارتكم
متنساش بس انت تقوللنا رأيك فالعربيه لما تجيبها باذن الله :-)
بسم الله توكلنا علي الله
الأخ الكريم ash257
انا من ملاك اللوجان ال mcv ال 110 حصان طبعا هي نفسها السيدان مع اختلافات الشكل و الأبعاد
انا والله كنت دخلت قبل كدا و رديت علي موضوعك دا رد مفصل و ممل لتجربتي مع العربية حتي الان بس للأسف حصلت مشكلة في الجهاز ضيعت كل اللي انا كتبته بعد مجهود ووقت طويل وللأسف مقدرتش ارفع الموضوع للمنتدي
المهم حصل خير و هحاول دلوقتي ارد علي اسئلة حضرتك من واقع تجربتي للوجان mcv
1- صوت الموتور:- عالي نسبيا من الخارج يعني للواقف جنب العربية من برا بالمقارنة مع اي عربية تاني بس من جوا مش مسموع خالص بس بيبتدي يكون مسموع لما الموتور يوصل ل 3500 لفة و دي بتكون حوالي 110 -120 كم / س
و الصوت مش مزعج و لا حاجة و لكنه زئير يعبر عن قوة الموتور و لما سألنا عن الموضوع دا الرد كان ان مواتير الرينو بتبتدي في المود الرياضي من بعد ال 3000 ار بي ام و صوت الموتور بيعلي شوية بس مش لدرجة الإزعاج
بس الصوت دا هدي جدا دلوقتي و العربية عاملة 8000 كم و كمان غيرت زيت والصوت هدي اكتر
2-الدبرياج و الهزة او الرعشة:- انا بصراحة كنت اشتكيت قبل كدا من الحكاية دي و قلت انه فيه رعشة بسيطة جدا بحسها في الدبرياج وانا بطلع بالعربية علي الغيار الأول و كنت مقلق منها و لما رحت مركز الخدمة قاللولي انها مش محسوسة و مش قادرين نحدد مصدرها و نصحوني نسيبها شوية و نلاحظ تطورها لو زادت
المهم من خلال تجربتي للعربية الرعشة بدأت تختفي حاليا مش عارف عشان ان اتعودت عليها و لا عشان انا بسرق العربية و هي طالعه عشان الرعشة ما تظهرش
بس الغريبة ان حضرتك بتقول هزة في الفتيس و دي بصراحة مش موجودة عندي نهائي في العربية
3- استهلاك البنزين :- انا لغاية دلوقتي حسبتها كذا مره و تفريبا الإستهلاك حوالي 270 كم / صفيحة بنزين 92 و القيادة شوية داخلي و شويه علي طريق سريع و السرعة مش بتزيد عن 120 كم /س
4- السنتر ريموت :- انا عربيتي فيها سنتر مفتاح مش ريموت و بيفتح كل الأبواب بما فيهم باب الشنطة الخلفي بدون اللجوء للمفتاح الداخلي و نفس الكلام في القفل
5- خامات الأبواب و الشماسات :- الخامات المستخدمة في اللوجان عملية جدا سواء اللي التابلوه او الأبواب كلها من بلاستيك عملي جدا و حتي الآن ما فيش شكوي منه سواء صوت زنة او كركبه في المطبات و لا اي حاجة تابلوه اا شايف انه بسيط بس عملي و منظم
طبعا عشان نبقي واقعيين خامات اللوجان عمليه و ممتازة بس مش فخمة و لا تتمتع بطابع الفخامة و الشياكة كما تعودنا علي اسلوب رينو في عربياتها زي الميجان و غيرها
بس يا جماعة لازم ناخد بالنا من حاجة مهمة و هي انك بتركب عربية من انتاج رينو و بها نظام تعليق من رينو و موتور من رينو هو نفسه المستخدم في الميجان 1 او 2 مش فاكر المهم موتور محترم مش اي كلام و كل دا بسعر كاااااااام ؟؟؟؟؟ هي دي المعادلة اللي لازم نعرفها
لازم هيكون دا علي حساب بعض الكماليات الغير مؤثرة علي اداء العربية
خلاصة الكلام الخامات المستخدمة في اللوجان عملية و بسيطة مش فخمة و لا حاجة يعني تؤدي الغرض و زيادة و دا مش تقليل من قيمتها و لاحاجة
6- الريموت :- للأسف انا معنديش ريموت بس طالما المفتاح بفتح كل الأبواب يبقي الريموت نفس الطريقة اكيد
7- التكييف : اولا التكييف ممتااااااااااااااااااز جدا جدا تلاااااااجة و المروحة لها 4 سرعات و السرعة الرابعة دي بتخلي الهواء جاي زي العاصفة
اما بالنسبة لأداء الموتور مع المكييف فهو بيتحس في ال 2000 ار بي ام الأولي بعد كدا الموتور بيكشر عن انيابه و بينطلق و طبعا انت في السرعات الولي بتحس بوجود التكييف بس بعد ما بتعدي ال سرعة 60 كم /س خلاص الإحساس دا بيروح
8- تركيب زجاج و سينسور بارك و باقي الكماليات دي انا محتاح حد يجاوبني عليها
خلاصة الكلام اللي اتقال دا كله يا باشا
انا لو رجع الزمان بيا تاني لورا قبل ما اشتري العربية دي كنت هاخد نفس القرار و بدون تردد بعد ما جربت العربية و اقتنعت بيها بس كنت هفكر اشتري العربية الفول اوبشن لأن عربيتي هي ال 110 حصان هاف اوبشن:_Alshmokh11:
للأسف لسه ما نزلش منها فول اوبشن و هو دا العيب الوحيد في العربية مع انها بتنزل برا كامله
عربية رائعة بكل المقاييس و عملية جدا لأبعد الحدود
انا امبارح كان عندي فرح لإبن عمي اكنا راكبين في العربية حوالي 8 افراد بالغين + طفلين و كنت مشغل التكييف و ماشي 120- -130 و عديت علي مطبات ولا كان فيه حاجة
توكل علي الله و هات لوجان و انصحك بال mcv :verygood:
يا ريت تكون الإجابات واضحة و
مصطفى بيه .. اه الجمال دة.. ربنا يحفظهالك
متشكر جدا جدا أستاذ mostafabakry :satelite:على اهتمامك وعلى ردك وكمان على نصيحتك :S_thum1[1]:وانا فعلا هاتوكل على الله واول ما انزل مصر هاجز العربية .. تقريبا شهر 9 إن شاء الله
توصل مصر بالسلامه ان شاء الله
على شهر 9 المفروض هيكون نزل منها موديل اوتوماتيك وفول اوبشنز عالمواتور ال 110 حصان
مفيش أوضح من كدة ......... جزاك الله خيرا
لو سمحت نفسى افهم الرعشة بتاعت الدبرياج .. يعنى ايه ... مثلا بيتهز راسى .. ودة ما يلغبطش
شوية اثناء السواقة ... ؟
وهل دة ظهرت فى موتور ميجان 1 ياريت اخونا اللى معاهم ميجان 1 يفيدونا ..
ان شاء الله يمكن يعدى هنا أ / محمد عادل امين
-انا معايا اللوجان المغربى و عامله 3500 كيلو من شهرين تقريبا
1- صوت الموتور عالي؟؟؟ من خارج السيارة فقط )
2- مشكلة الدبرياج من صوت وهزة في عصا الفتيس؟؟؟ ( صوت الزنة او الرعشة فعلا موجود ولكن مقبول )
3- استهلاك البنزين عالي؟؟؟ بالنسبه لموتور 1600 و وزن السياره العالى فهو مقبول 5.7 لكل 100
4- السنتر ريموت بيفتح باب السائق بس وبعدين تفتح الباقي من التابلوه وهل في القفل نفس الطريقة؟؟؟ لا طبعا
5- خامات الأبواب والشماسات كويسة ولا وحشة؟؟؟ كويسه
6- الريموت بيفتح الشنطة من بره ولا لأ؟؟؟ نعم
7- التكييف بيأثر على الموتور بشكل ملحوظ وهل التكييف كويس؟؟؟ تكيفها كويس اوى
ومعلش فيه سؤال كمان هو ممكن أركب روافع زجاج مع الريموت وسينسور بارك وهل ممكن اشتريه واركبه في التوكيل علشان العربية ماتخرجش بره الضمان؟؟؟؟؟؟؟؟؟؟؟؟ عادى مع الملاحظه ان لو حصل حاجة للضيفيره بتخرج من الضمان
متابــــــــــــع
عادى مع الملاحظه ان لو حصل حاجة للضيفيره بتخرج من الضمان
اللي فاهمه انها شريحة كمبيوتر ممكن حد يوضح