نفس الحكاية حصلت معايامن 5 سنين أو أكتر بعربية فيليشيا مو95 وكنت راكن جنب جامع السيدة عائشة بس أنا بقي إتنصب عليا :lol: :lol:
رقم العضوية : 2035
تاريخ التسجيل : 03Sep2007
المشاركات : 51
الاقامة : Cairo
الحالة :
السلام عليكم،
عايز احكيلكم موقف حصل معايا من اسبوع كده .... كنت واخد عربية خالي وهي موديل كورولا تقريبا 94. المهم رحت بيها الشغل وكنت راكن في عباس العقاد قبل شيخ البلد ... والعربية كانت معايا بقالها يوم وكانت زي الفل ... المهم نزلت من الشغل ودورت العربية دارت عادي جدا .... مشيت بيها عشان اوصل لاول يو تيرن وارجع تاني ...العربية مكملتش 200 متر تقريبا ولقيتها طفت لوحديها .... يمين شمال مش عايزة تدور ... وانا بما اني معنديش عربية اساسا فخبرتي في ميكانيكا السيارات نفس خبرتي في اللغة الصينية... المهم ... الكلام ده كان ساعة اذان العصر والدنيا صيام والعربية بالمناسبة كانت نمرها مش القاهرة ولا الجيزة ......المهم في دقيقتين لقيت الارض اتشقت عن ميكانيكي ... قلت يا ما انت كريم يا رب .... الحمد لله رينا راضي عني وبعتلي ميكانيي بالسرعة دي المهم فتحنا الكبوت ... بص فيها وفك خراطيم بتاعة البنزين وشفط شوية من الخرطوم وحطهم في الكاربيراتير وقالي دور يا بيه دورت دارت .... قلت الحمد لله يا ما انت كريم يااارب... يدوب قبل ما اقفل الكبوت واركب عشان اطلع كانت طفت تاني.... طبعا اخينا الميكانيكي مكنش مشي ... فتحنا الكبوت تاني وقالي الرداخ ده عايز يتغير .... بعت جابلي واحد جديد وقالي ده تمنه في التوكيل حوالي 570 جنيه .... قلتله ركبه خلينا نجرب ... بعد كده نزل تحت العربية معرفش عمل ايه وطلع .... دورنا العربية دارت طبعا زي الفل .... لفينا بيها معملتش اي مشاكل قلتله فك الرداخ الجديد وركب القديم .... هنا بقى لقيته هيموت وميفكش الرداخ ويقولي طيب ادفع اللي معاك طيب عايز تاخده بكام ... المهم بعد محاولات ركبت القديم ودورت العربية دارت زي الفل وسافرت بيها من غير اي مشاكل خالص....... عرفت ان البيه ده نصاب ... وتقريبا فك خرطوم البنزين اللي جاي من تنك البنزين وموصل للكاربيراتير .... المفاجاة بقى ان مديري في الشغل معاه بردو كورولا 99 تقريبا وكان راكن في عباس العقاد وحصل معاه نفس الفيلم دور العربية دارت وبعد 100 متر طفت منه وبرد النصاب ده جاله بس هو مشاه وبعت جاب الميكانيكي بتاعه .... وفعلا طلع حديدة كده كان النصاب حاططها مكان الخرطوم اللي فكه بتاع البنزين.
حبيت بس احذركم واقولكم خدوا بالكم متركنوش في عباس العقاد الرئيسي ... لو هتركن في شارع يستحسن يكون في سايس في المكان اللي هتركن فيه.
مهندس/أحمد فؤاد
رقم العضوية : 1375
تاريخ التسجيل : 08Jul2007
المشاركات : 2,957
الحالة :
نفس الحكاية حصلت معايامن 5 سنين أو أكتر بعربية فيليشيا مو95 وكنت راكن جنب جامع السيدة عائشة بس أنا بقي إتنصب عليا :lol: :lol:
رقم العضوية : 2414
تاريخ التسجيل : 01Oct2007
المشاركات : 41
النوع : انثى
الاقامة : egypt
السيارة: كارينز باذن الله
السيارة[2]: مازدا
الحالة :
بيعملوا كدا مع اللادا ؟ :twisted:
رقم العضوية : 50
تاريخ التسجيل : 18Apr2007
المشاركات : 1,532
الاقامة : CAIRO
الحالة :
الواحد المفروض يشتري عربيه مصفحه من تحت عشان العالم إللي زي دول
رقم العضوية : 241
تاريخ التسجيل : 26Apr2007
المشاركات : 4,325
النوع : ذكر
الاقامة : المقطم
السيارة: SPARK LITE
السيارة[2]: Tiggo FL
دراجة بخارية: NA
الحالة :
لا حول ولا قوة إلا بالله. الموضوع ده بيحصل مع العربيات إللي فيها كاربيراتير بس ولا مع كله. وياترى شوفت تنقيط أو بقع تحت العربية ولا لا؟؟؟؟
لا حول ولا قوة إلا بالله..متى سيموت الإهمال في مصر
رقم العضوية : 1
تاريخ التسجيل : 15Apr2007
المشاركات : 3,507
النوع : ذكر
الاقامة : Nasr City
السيارة: ----
السيارة[2]: ---
دراجة بخارية: ....*
الحالة :
نفس الحكتية المشهورة :) بجد إحمد ربنا إنك مش شربت المقلب تمام كده و الحمد لله كان هايلبسك فى أقل واجب 200 300 جنيه و يركبلك قطعة غيار مغسولة ماتسواش 3 نكلة
http://www.nilemotors.com/images/Nile_Audi_Memo_2.gif
Dont Exhaust UrSelf in Thinking...Just Do what U have 2 Do...God Will Never Forget & Never Neglect
رقم العضوية : 1681
تاريخ التسجيل : 05Aug2007
المشاركات : 242
النوع : ذكر
الاقامة : cairo
السيارة: volvo 740 gle BMW
السيارة[2]: volvo 240 gl
دراجة بخارية: no
الحالة :
الموضوع دة حصل بالظبط سنة 98 كان والدي لسة جايب كرولا العيون وكان في ارض المعارض بس للاسف ماقدرش يعمل حاجة علشان كان خارج من المعرض بعد الساعة 3 فجراً ومعاه والدتي النصاب اول ما عمل الحركة دي قالو الرداخ دة ب 1000(شايف باة عربية لسة علي الزيرو :shock: )حسبي الله ونعمة الوكيل فيهم
اللهم انك عفوا كريم تحب العفو فاعفو عنا
http://www.alhsn.net/up/files/1913.jpg
رقم العضوية : 1681
تاريخ التسجيل : 05Aug2007
المشاركات : 242
النوع : ذكر
الاقامة : cairo
السيارة: volvo 740 gle BMW
السيارة[2]: volvo 240 gl
دراجة بخارية: no
الحالة :
علي فكرة العربية كانت مركونة في الباركينج بتاع المعرض يعني المفروض في سايس وامن :lol: :lol: :lol: :lol:
اللهم انك عفوا كريم تحب العفو فاعفو عنا
http://www.alhsn.net/up/files/1913.jpg
رقم العضوية : 143
تاريخ التسجيل : 24Apr2007
المشاركات : 17,378
النوع : ذكر
الاقامة : Nasr City
السيارة: Toyota Yaris 2007
السيارة[2]: Nissan Juke 2013
الحالة :
الموضوع دا قديم و مشهور و بالذات فى الكرولا و الحمد لله إنك إتصرفت معاه كده
رقم العضوية : 635
تاريخ التسجيل : 13May2007
المشاركات : 1,714
الاقامة : الحمد لله مصر
الحالة :
شكرا جزيلا يا مهندس احمد على التحذير و التنبيه , ربنا يكفيك شر الطريق و يبعد عنك ولاد الحرام!
قال الله تعالى: http://www.kalemat.org/gfx/braket_r.gif وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ http://www.kalemat.org/gfx/braket_l.gif[البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع.
المفضلات