لو لمبة الكنترول الافيو نورت على الطريق اعمل ايه؟

**احمد عز** · 10-06-2009 08:10 PM

انا حصل معايا الموضوع ده قبل كده كنت كل ما اسافر اى حته الاقى اللمبه تنور لوحدها وبعد فتره تقفل لوحدها رحت للتوكيل وغير حاجه كده مش عارف اسمها ايه وبعد كده الحمد لله مبقتش تعمل تانى

**walwal** · 17-06-2009 10:02 PM

بجد انا معايا العربيه بس ايه اللمبه دي و معنها ايه ؟؟؟؟؟؟؟؟ هي ناقصه لمبات

**WesamSalah** · 18-06-2009 02:07 PM

اعتزر يا جماعه علي التضليل
اللمبه عندي طلعت مش شغاله, بس عادي بأه.
هكبر دماغي وفي صيانة ال25 هلمح لهم ولو تكرموا وظبطوها يبقي زياده و فضل و أوبشن جديد انضاف للعربيه.
شافو انه كتير عليا, برضك مش مشكله الي عيشني 25 الف من غير ماخد بالي يخليني اكمل لغاية مخلص من العربيه.
بس ارجع و اقول العربيه والله حلوه بس التوكيل يشل.
ملحوظه اخيره كل التوكيلات كده والله اعلم.

**WesamSalah** · 18-06-2009 02:14 PM

المشاركة الأصلية كتبت بواسطة wesamsalah

اعتزر يا جماعه علي التضليل
اللمبه عندي طلعت مش شغاله, بس عادي بأه.
هكبر دماغي وفي صيانة ال25 هلمح لهم ولو تكرموا وظبطوها يبقي زياده و فضل و أوبشن جديد انضاف للعربيه.
شافو انه كتير عليا, برضك مش مشكله الي عيشني 25 الف من غير ماخد بالي يخليني اكمل لغاية مخلص من العربيه.
بس ارجع و اقول العربيه والله حلوه بس التوكيل يشل.
ملحوظه اخيره كل التوكيلات كده والله اعلم.

معلش كنت اقصد لمبة البنزين هيه الي مش شغاله.

**yoko** · 18-06-2009 04:17 PM

المشاركة الأصلية كتبت بواسطة wesamsalah

معلش كنت اقصد لمبة البنزين هيه الي مش شغاله.

هيا شغالة عند مين أصلا منا قولتلهم مليون مرة أخرها تنور دقيقة وتفصل وشكرا وأقولهم يقولي إنا الي مبتصبرش عليا مع إني وصلت المؤشر لحد نصف حرف الe والعربية كانت بتقطع وفصلت بنزين وأنا داخل البنزينة ومكنت منورة وبردو مش عايزين يصدقوا بيعملوا العميل على إنة كداب وحمار مبيفهمش أي حاجة في العربية!!!!
وحد يعرف لو إتباعت تعمل كام موديل ٢٠٠٨ عاملة ٢٤٠٠٠ كم

**MMamdouh** · 18-06-2009 05:18 PM

يا رجالة لما لمبة التشك تنور عند حد يبقى الكونترول شايف حاجة غلط فى الحساسات... بس مش معنى كدة ان فيه حاجة خطيرة لان الكونترول ساعتها بيشتغل فى limp mode او fail safe عشان يتلافى اى اضرار ممكن تحصل من الحساس التالف او اللى مش شغال بكفاءة... يعنى الموضوع مش مرعب

و رجاء خاص لما اللمبة تنور متفصلش الفيشة بتاعت الكونترول ولا تفك البطارية لان الكونترول بيسجل كود العطل اللى سبب ان اللمبة نورت و من خلال السكانر بيتعرف الكود دة و المشكلة فين تحديدا... انما فك فيشة الكونترول او فصل البطارية بيمسح الذاكرة بتاعت الكونترول اللى متخزن فيها كود العطل و محدش حيعرف اللمبة نورت ليه ابدا

مش شرط تروح التوكيل عشان السكانر... فيه ورش بيبقى فيها سكانر و الكشف مش غالى زى التوكيل

MMamdouh

**aymaneid** · 26-06-2009 04:50 PM

على العموم المشكلة اللى قولتلكم عليها فى اضاءة لمبة الكنترول راحت بعد ما عملت صيانة 10000 الاف وى غيرت فلتر البنزين عشان كان مش نضيف ....
وى بعد كدة جربت العربية على طريق الساحل وى جبت بيها 150 وى ثبت وى 140 وى ثبت السرعة برضه وى الحمدلله ما فيش حاجة ظهرت .....
فى ناس كمان قولوبى ممكن تكون من فلتر الهواء كان مسدود من الركنة او تخزين العربية لى فترة قبل البيع ....
وى عامتا الناس بتقول اى عربية جديدة لازم تمشى بيها شوية عشان وقفة العربية مش حلو على كل حاجة فيها ....
اقولك على حاجة جميلة ... انا ماشى بالعربية دلوقتى 11000 الف اول مرة افتح باب العربية اللى وراية ..... كان من اسبوع ... وى اول ما فتحته سمعت صوت صفير وى تزييق اخر دلع .... كاءنى فى المغارة ........ وى جبت دبليو دى 40 وى الحمدلله لا رحت توكيل ولا حاجة يعنى لازم الواحد يلاقى حاجات غريبة شوية .......

**egyptianmafia** · 27-06-2009 10:02 PM

anyone who has a problem with Mansour should go to Pyramids location and talk to Eng Bassem Salah

or Eng Faramawy or Eng Khater El Hammamy or Eng Ahmad Emam