عاوز أشتري سيارة مستعملة فى حدود مبلغ 35000 جنية
لفيت السوق ودورت وإستقريت على كذا سيارة ومحتار أختار من بينهم
يا ريت تساعدوني بمواصفات كل سيارة وأختار إية منهم
علشان خاطري
عرض للطباعة
عاوز أشتري سيارة مستعملة فى حدود مبلغ 35000 جنية
لفيت السوق ودورت وإستقريت على كذا سيارة ومحتار أختار من بينهم
يا ريت تساعدوني بمواصفات كل سيارة وأختار إية منهم
علشان خاطري
حضرتك ايه مواصفاتك في العربيه اللي انت عاوزها؟
يعني حتستعملها كام كيلو في اليوم و نوع الطرق اللي بتمشي عليها و استعمال اسره ولا شخصي
يعني ايه متطلبتك من العربيه؟
شكرا" يا باشا على الإهتمام
أنا هستعمل السيارة يوميا" للذهاب للعمل أنا والمدام يعني حوالي 5 كيلو يوميا" وآخر الأسبوع هسافر بلدي الأرياف وهي تبعد حوالي 18 كيلو من مدينة الزقازيق سكني وعملي .
وعاوز بالتالي سيارة كويسة على الطرق السريعة وكمان على الطرق الريفية .
والسيارة إن شاء الله هتكون إستعمال أسرة صغيرة أنا ومراتي ووالدتي .
أما من حيث المواصفات أنا عاوز سيارة تكون رخيصة من حيث قطع الغيار والصيانة نسبيا" وقليلة فى إستهلاك البنزين
بما لا يخل بالرفاهية برده يعني الراحة
وعلشان كده أنا محتار بين السيارات دول لأن بعضها فيه كماليات والبعض الآخر بدون كماليات
مش عارف أختار إية ؟؟؟
رأى الشخصى بناءا على طلبات حضرتك شاهيـــــــن
اولا يبقي ابعد عن الرينو و الزاز و الاسبيرو علشام دول قطع غيارهم مش متوفره بالشكل المطلوب.
يبقي قدامك يا الشاهين يا الدوجان فعلا في المجموعه اللي فوق .
و لو استعمالك زي ما انت بتقول كده ما تفكر في الهيونداي اكسيل او السوزوكي سويفت ؟؟؟؟؟؟؟
ماروتي 850cc
ماتيز 900cc
اونو 1000cc
شاريد 1000cc
برايد عصفورة 1100cc
دول الاقل في استهلاك البنزين وممكن تلاقيهم بحالة ممتازة بالمبلغ اللي معلك. اما الماروتي فالمبلغ اللي معاك تقدر تجيب بة عربية زيرو.
نيجي للفئة الاعلى:
اكسيل 1300...بالمبلغ دة مش هتلاقي غير المصري
سويفت 1300
اكسنت 1300...بس زود الفين
دوجان 1300
فليشيا 1300....اغلاهم في قطع الغيار
اكسيل 1500
ريجاتا 1500
اكسنت 1500..هتزود شوية على المنلغ اللي معاك.
بر شحلك الدوجان او شاهين 1600
و ريح بالك بعد كده من الكبالن و الكلام ده
غير ان عفشتها كويسه معموله للطرق بتاعتنا
ألف ألف ألف شكرا"
يا جماعة على الإهتمام
وفعلا" أنا بدور دلوقتي على شاهين أو دوجان
وإحتمال هخلص فى واحدة عن قريب
خليك فى الدوجان أفضل لانها جميع الكماليات وهى هى الشاهين بس الفرق ان الموتور أقوى والكماليات أكتر
بس ياريت تكشف على العقشة بتاعتها الاول وبعدين على الموتور وبعدين على الصاج الخارجى لان الحاجات دى بتفرق معاك جااامد فى السعر
طالما استقريت علي شاهين
يبقي بالتوفيق ان شاء الله