اخر تقييم فعلي للنيو اكسنت

**bmya** · 10-06-2009 06:08 PM

المشاركة الأصلية كتبت بواسطة mor000

بعد السلام عليكم بصراحه كلامكو سخنى جامد انا معايا نيو اكسنت 2008 اوتو ماتيك مش عاوز اقول انى لو ركبت اى عربيه تانيه فى نفس فئتها وشفت دى مع حد تانى كنت هاتمنى انى كنت اشترتها العربيه بالصلى على النبى جامده طحن وليا تعليقات بسيطه على الكلام اللى اتقال
1_ العربيه عامله معايه 7000 لانى طبعا شاريها فى شهر مارس 2009 بعد التليين زى ما قالولى فى التوكيل بعد 3000 كيلو جبت بيها 210 ومن غير السوبر درايف كمان وكان ممكن اقفل الامبير عداد السرعه من غير مبالغه وبكل امانه
2_ ابن خالى معاه تويوتا كورولا 2009 الشكل الجديد وابن خالى التانى معاه اوكتافيا 2008 وكنا بنتسابق الترتيب كان التالى مع العلم ان احنا التلاته اوتومانيك النيو اكسنت الكورولا الاوكتافيا مع العلم انى اقل واحد فى السواقه فيهم
بامانه العربيه ملهاش حل وبتجمع طلقه بس ما تقرصى على البنزين
الثبات عشره على عشره لدرجه ان ابن خالى اللى كان معاه الكورولا قالى تعالى نبدل واحنا على الطريق ثباته لغايه 120 او 130 وانا بالنيو اكسنت 150 او 160 مع العلم انى لسه ما ركبتش جنط

تنبيه للعضو بعدم القيام بمشاركات الغرض منها الاستفزاز للاخرين او السخريه منهم
مشرف هيونداي

**BassamHafez** · 11-06-2009 10:02 AM

يا جماعة

اليكم الجزء التاني من التقييم وهو استهلاك البنزين

العربية استهلاكها في وسط البلد على طرق غير مزدحمة بسرعة تتراوح ما بين 80 و 100 كم بدون حرق ولا تكييف

هو 120 كيلو في ال 10 لتر

وانتظروا الجزء التالت من التقييم وهو استهلاك البنزين بدون حرق ولكن مع التكييف

**BassamHafez** · 14-06-2009 11:13 AM

اخر التطورات يا جماعة

استهلاك البنزين في النيو اكسنت مع التكييف في ظروف قيادة عادية جدا حتى سرعة 80 او 90 كم هي 100 كيلو لل 10 لتر

انتظروا تقييمات اخرى

**mor000** · 19-07-2009 02:27 PM

تنبيه للعضو بعدم القيام مشاركات الغرض منها استفزاز الاخرين و السخريه من الاعضاء
مشرف هيونداي

**gad2000kd** · 19-07-2009 03:07 PM

الله ينور عليك انانفس الكلام ده حسة بلى معايا انا برده نيو اكسنت 2009

**kh_talaat** · 19-07-2009 03:53 PM

بسام باشا

أزيك يا جميل وشكرا على التقييم الرائع والموجز للنيو أكسنت ، أنت كدة سخنتني جامد لأني كنت بفكر أغير عربيتي وأجيب الأكسنت

بس بلاش السرعات العالية دي يا باشا ربنا يستر طريقك ويبعد عنك الرادارات

وسلامي لأحمد كار .... فاكرني يا أحمد ولا ناسيني ؟؟؟

**edco** · 09-10-2009 05:56 AM

المشاركة الأصلية كتبت بواسطة bassamhafez

كلام منطقي مش ممكن حد يختلف معاك عليه

انا بس حبيت اشوف الكلام اللي بيتقال عنها مظبوط كله ولا لأ عشان الواحد يقدر يضع العربية في مكانها الطبيعي بمعني انها لا تبقى واخده اكتر من حقها او مظلومة

ازاى بس الكلام ده اانا معايا نيو اكسنت 2008 وجبت 190 على طريق الغردقة ومحمل تكييف و3 قاعدين ورا وواحد تخين جنبى والشنطة كانت مليانة على الاخر ازاى بس بتجيب 185 بالعافية وكان الثبات 100 100