سيات ابيزا موديل 2002

**haitham05** · 30-05-2009 01:06 PM

[justify]صباح الفل على أحلى شباب فى المنتدى
معروض عليا عربية ابيزا موديل 2002 دواخل فابريقه و من بره فى جنب مرشوش .. حالتها العامة كويسه و الفرش من جوه نضيف .. كنت عايز اعرف سعرها دلوقتى فى حدود كام.
و شكرا مقدما يا احلى شباب.
[/justify]

**Mohamed_Ibiza** · 30-05-2009 09:51 PM

يعني سعرها حاليا ممكن يعمل في حدود 45 وطبعا حسب حالتها

**haitham05** · 31-05-2009 01:38 PM

شكرا على ردك يا باشا .. هى معروضة عليا بـ 44000 جم .. بس فى ناس بتخوفنى منها ان موتورها ضعيف و قطع غيارها غالية

**Mohamed_Ibiza** · 31-05-2009 05:10 PM

بص ياباشا والله بالنسبة للموتور كل الناس اللي راكباها بتشكر فيها وبتقول انه اداء ممتاز بالنسبة للاداء الطبيعي وركز على نقطة الاداء الطبيعي

واهم حاجة انت تشوف متطلباتك ايه يعني مثلا الحمولة والشد والضغطالزائد عن اللزوم وهكذ .. ولو انت استهلاكك طبيعي صدقنيالموتور هيبقى كويس معاك جدا

بس اهم حاجة تكشفع العربية كويس وتشوف الاساسيات والدواخل وحالة العربية عموما من اول العفشة لحد الموتور وتشوف كبسه وكل ده لازم تتاكد منه ويفضل طبعا ان واحد مختص هو اللي يكشف ع العربية ويكون حد تثق فيه

وبالنسبة لقطع الغيار فصدقني هي تعتبر مش غالية بالنسبة لعمرها الافتراضي لانها معمرة جدا جدا وغير كده لو قرانتها باسعار قطع الغيار الموجودة في السوق بالنسبة للسيارات اللي في نفس فئتها والله هتلاقيها في نفس المستوى او اقل كمان

واخيرا بالتوفيق وان شاء الله ربنا يكرمك بس متنساش تكشف ع العربية كويس واي حاجة انا معاك