معاك حق يا ايفو بس اللى بيشترى عربية بنص مليون مش بيفكر فى الكلام ده ولا النص مليون يفرق معاه
رقم العضوية : 13543
تاريخ التسجيل : 24Jun2008
المشاركات : 2,716
النوع : ذكر
الاقامة : cairo-helwaan
السيارة: EVO 5
السيارة[2]: aveo LS 2009
دراجة بخارية: no
الحالة :
ازيكم ياشبابانا هاخد من وقتكم دقايق بس معايا هنا فى الموضوع ده ولو ممكن دقايق تانيه للتفكير فى حل او اقتراح
الموضوع ببساطه ان بعض امراء صناعه السيارات مش بيفكروا ازاى يخرجوا من الازمه او يحلوها خالص
لكن بيفكروا انهم يهربوا منها بأى شكل من الاشكال .
ليه مايسيبوش بقى مواتير ال2000 سم3 والاعلى من كده اللى بيستهلكوا وقود كتييير ومصاريف تشغيل اعلى وصيانه اعلى ويعملوا عربيات رخيصه ومصاريفها قليله واكيد الكل هيركبها وكله هيشترى
مثلا:انااقبل ما اجيب الافيو قلت لوالدى انه يجيب السيفيك 2009 او الشارك 1500 او الهيونداى كوبيه او مازدا 3
طبعا عربيات حلوه كتير ومعظمنا اللى مش معاه زييها نفسه يجيبها
رد والدى رد اقنعنى فعلا .....
انا عن نفسى مش كل يوم طالع على الجبل وعايز عربيه موتورها عالى ولا بجر عربيات على طول ولا شغال بنقل بيها حاجات تقيله واصلا السواقه فى مصر زى الزفت
تركن العربيه تحت البيت تنزل تلاقيها بقت حنطور ساعات بتتعمل عارضه للجون بتاع العيال ولاد الجيران
وياسلام لو ابن جارك بقى موهوب هتنزل تلاقى رسمه شمس وحصان وعروسه
ولو اتنين حبيبه معديين لازم يمضوا قلب بقى وسهم وحرفين
ممكن تبقى ماشى فى امان الله تلاقى واحد رمى نفسى قدام العربيه
انا نفسى اشوف عربيه واحده فى البلد دى مافيهاش خبطه ولا خربوش تحس انك فى حرب فى الشارع
المهم عشان مانخرجش من الموضوع
احنا فى ازمه ولازم ناخد احتياطتنا كويس يعنى بلاش منظره بقى واشترى عربيه بنص مليون عشان اتمنظر بيها
الحل الوحيد اللى ممكن يوقف الشركات دى على رجليها انهم يعملوا عربيات ارخص واقل مصاريف تشغيل
فين عربيات الخلايا الهيدروجينيه فين عربيات الغاز فين عربيات الكهرباء
من وجهه نظرى ان ده هيساعد الشركات دى قوى دلوقتى لازم يعملوا كده كفايه بقى منظره ومواتير جباره هو احنا هنطير بالعربيه والموضوع ده هيكون ليه ايجابيات كتييييير واولهم تقليل الحوادث والتلوث وكتييييييير بس هما يفكروا ازاى يواجهوا مش ازاى يهربوا
دى وجهه نظرى فى الموضوع واللى عنده اى اقتراح ولا تعليق يتفضل بيه
اسف على الاطاله لكن الموضوع انا شايف انه مهم جداا..............
رقم العضوية : 35540
تاريخ التسجيل : 15Mar2009
المشاركات : 26,487
النوع : انثى
الاقامة : Egypt_Alexandria
السيارة: لا يوجد
السيارة[2]: لا يوجد
دراجة بخارية: -
الحالة :
معاك حق يا ايفو بس اللى بيشترى عربية بنص مليون مش بيفكر فى الكلام ده ولا النص مليون يفرق معاه
رقم العضوية : 10251
تاريخ التسجيل : 07May2008
المشاركات : 804
الاقامة : cairo
الحالة :
رقم العضوية : 13543
تاريخ التسجيل : 24Jun2008
المشاركات : 2,716
النوع : ذكر
الاقامة : cairo-helwaan
السيارة: EVO 5
السيارة[2]: aveo LS 2009
دراجة بخارية: no
الحالة :
فعلا بعض الناس مش فارقه
دلوقتى مش فارقه معاه بكره باقى الشركات تفلس وتقفل مراكز خدمتها كمان وساعتها هتفرق مع ناس كتير
زى مافارقه دلوقتى مع الوكلاء فى مصر احنا هنا قاعدين بنفكر نجيب بورش ولامازيراتى وهما عمالين يلفوا حوالين نفسهم الناس دى لو خسروا شغلهم ده هيبقوا نكره ولا حاجه
بس الحق يتقال ان ناس كتير مبسطوه جدا وفى مراكز عاليه ومابيحبوش المنظره
لينا جار فى مدينه نصر وكيل نيابه ومعاه 128 !!!!
ده انا بقول الحد الادنى ده فى فيرارى ب5 مليون كمان
بصراحه انا كان نفسى فيها ونفسى اركبها بس دلوقتى بعد الازمه دى لازم الواحد يدبر اموره كويس قوى
المفضلات