الموضوع: هجوم على الهيونداويه

على ايه كل ده ؟؟ ما تنحرق كل ماركات العربيات !!!
حتزعل من اخواتك علشان حتة صفيحة لا طلعت ولا نزلت ؟؟؟

وبعدين ما طول عمر هيونداي سمعتها وحشة من ايام الاكسيل و الاكسنت ، بس مبيعاتها في الطالع وبتزيد يبقى فرق معاك ايه بقه رآي الاعضاء في هيونداي طالما السمعة غير مؤثرة في قرارات المستهلك المصري ؟؟؟

هدي اعصابك كده واستمتع بعربيتك لحد الاخر ، انت النهاردة هيونداوي بكره تبقى تيوتاوي بعده سكوداوي ، مين عارف ؟

فبلاش تتحيز لماركة تحيز وطني او عقائدي ، دول كلهم شوية شركات تييييت بيستنزفوا مواردنا ، ووفر حماسك لحلم الشركة الوطنية اللي حتعمل عربية وطنية تتباع في العالم كله وتعمل اسم لمصر زي ما بروتون عملت لماليزيا ، قول يا رب !

انا عمرى ما ازعل والله من حد بيوضح معلومة على اساسا علمى وعن تجربة وفى الاول والاخر فعلا على رأى الاعضاء دية عربية بس حضرتك بتتكلم من واقع تجربة مهما طالت مش هتبقى زى التجربة اليومية اللى احنا بنعيشها كملاك للعربية فى الشوارع المصرية وبالنسبة لموضوع الملفات على سرعات مش هتكلم فى 60-70 انا هتكلم فى 100-120 سيبك من الارقام العالية اوى دية العربية stable فى الملفات ع السرعة دية ومش بتحسسك بالملف او بالخطر زى ماحضرتك بتقول وبالنسبة للانسر انا سوقت لانسر 2007 ( طريق مصر اسكندرية الصحراوى ) وسوقت كورولا 2006 ( على الطريق الدائرى ) لكن مسوقتش الهوندا ومن واقع تجربتى برضة الالنترا مستقرة وstable اكتر من الموديلين اللى ذكرتهم دول لمتغيرات عديدة اهمها : مساعدين غاز - دركسيون باور كهرباء بيتقلللل ع السرعات العاليه و حط 5 خطوط تحت كلمة بيتقل ع السرعات العالية دية وكمان العربية واطية ع الارض ودية عوامل مهمة فى الثبات اه ومعلومة كمان فى الالنترا اعلى موديل والخليجى اعلى موديل فيها خاصية اسمها ESP اختصارا ل ELECTRONIC STABILITY PROGRAM او كما يطلق عليها ESC ودية غير ال EPS اللى هى ELECTRONIC POWER STEERING والمعلومة دية عرفتها من غبور فرع البطل احمد عبد العزيز اللى قدام المصر واللقاح اما كنت رايح اشترى منهم وفايدة الخاصية دية :
Electronic stability control (ESC) is a computerized technology that improves the safety of a vehicle's handling by detecting and preventing skids. When ESC detects loss of steering control, ESC automatically applies individual brakes to help "steer" the vehicle where the driver wants to go. Braking is automatically applied to individual wheels, such as the outer front wheel to counter oversteer, or the inner rear wheel to counter understeer. Some ESC systems also reduce engine power until control is regained.]

بس الخاصية دية مشوفتهاش بعينى علشان مبقاش بفتى لانها مش موجودة فى اقل موديل مانيوال اللى هو معايا ياريت اللى معاهم اعلى موديل يأكدولنا سواء خليجى او غبور هيلاقوا اللمبة بتاعتها بتنور فى التابلوة زى لمبة ال EPS كدا

واحد صاحبى معاه النترا خليجى 2009 فيها فعلا لمبه ال esp والعربيه ماشاء الله ثباتها حلو جدا والباور تقريبا بيفصل او بيتقل مش عارف بصوره ملحوظه بعد ال120

شكرا للاستاذ ahmedstarac طمنتنى ياجدع والله ياريت بقى للى بيشكك فى ثبات الالنترا يبص على الموديل اللى فية ESP ولو نفع يركب العربية دية ويقارن بقى براحته ويجى يقولنا .

فعلا يا استاذ ashouhdy الهيونداى ماسكة شريحة كبيرة فى السوق وبتتباع لاغلب الفئات وشوية شوية هتبقى فعلا عربية الشعب نظرا للانتشار الهائل للفيرنا والالنترا وقريبا ال I30 ودية ميزة كبيرة جدا ومش عيب علشان سعر اعادة البيع هيبقى كويس اكتر وقطع الغيار هتبقى متوفرة اكتر واكتر