هجوم على الهيونداويه

**MEMES** · 30-05-2009 02:32 PM

ياجماعه انا زهقت من الهجوم علينا ده فى المنتدى وبره المنتدى

ناس كتير جدا تتريق على الهيونداى

وتقولك يابانى احسن (وهما بيتكلمو عن ياريس ويقارنوها بنيو اكسنت وساعات النترا كمان
ويقارنوا حبيبتى الجيتز مع السيريون ون والبونتو كلاسيك العتيقه وكمان الصينىFRV
ايه ده

الهيونداى ملكه

ابداع

ابداع

**MEMES** · 30-05-2009 02:37 PM

**MEMES** · 30-05-2009 02:51 PM

و احنا السبب بنتريق على عربياتنا على مشاكل هايفه
وبنعيب فى التوكيل رغم ان فى توكيلات تانيه مشاكلهااا خطيره جدا ومحدش بيتكلم
ومش متضامنين مع بعض وساعات بنقارن عربياتنا ببعض(جيتز ولا نيو اكسنت ) (فرنا ولا جيتز)(النترا ولا اى30)
عايزين نكون ايد واحده
وكلنا ندافع عن عربيات هيوندااى فى كل المقارنات
الاى10 احسن من البكانتو والسريون وان بكتيييير
الفيرنا احسن من اللانوس بكتير
الجيتز احسن من السيريون والfrv والبونتو كلاسيك بكتييير
النيو اكسنت احسن من الياريس والنيسان صنى والبيرسونا بكتييير
وغير كل ده هيونداى اوفر فى قطع الغيار وأوفر فى سعر الشراء
و أفضل اعاده بيع

يلا ياهيونداويه

أعلنوا الحرب

**Hosam_Optrawy** · 30-05-2009 03:14 PM

الهجوم فى المنتدى مش على الهيونداى بس

الهجوم على الكورى والصينى وبعض الموديلات اليابانى والاوروبى يعنى كل العربيات تقريبا

وفى الاول والاخر موضوع العربيات ده وجهات نظر

فى واحد شايف ان العربيه دى تستاهل وغيره شايف انها ماتستاهلش

بس اللى ملاحظه من ساعة ما اشتركت فى المنتدى من حوالى سنه

ان محدش بيحب يسمع حاجه وحشه عن عربيته

وكل واحد شايف ان عربيته احسن من التانيين مهما كانت

ودايما عايز يفرض رأيه ويثبت ان هو الصح

والعصبيه بتزيد واغلب المواضيع بتقلب بخناقات

الموضوع ابسط من كدا ياجماعه وفى الاول والاخر دى عربيات واغلبها ميفرقش عن بعضه كتير

اللى شايف ان دى عربيه كويسه يقول انا عاجبنى فيها كذا وكذا

واللى شايف ان العربيه دى وحشه يقول عشان كذا وكذا

يقول اسباب مقنعه

وبهدوء وبدون انفعال

وانا مش معاك فى موضوع الدفاع على طول عن كل ماهو هيونداى بغض النظر عن المنافس

كل حاجه فى الاحسن منها

والمقارنه بين عربيتين بتتم على عوامل كتير

مينفعش ماركه واحده تكسب على طول

**M.Mostafa80** · 30-05-2009 03:56 PM

للأسف أخوانى لما بيبقى فى حوار من ده محدش بيعترف بتفوق حاجه لمجرد ان الشئ التانى الى بقارن بيه ليه أسم وسمعه من زمان مع ان الجديد ممكن يكون تفوق عليه ما تخدش فى بالك ومتدوقش مدام بتحب عربيتك ومقتنع بيها سيب اللى يقول يقول أخوكم من منتدى فولكس فاجن

**Ahmed Anwer** · 30-05-2009 04:07 PM

طب يعني لما بيحصل الهجوم ده ،،

بتنزل تلاقي عربيتك ناقصه حته و لا مبترضاش تدور ؟؟

يا ريس كبر دماغك ،،

و بعدين هيونداي دي و لا بلد و لا عيلة

عشان ترد عنها الهجوم ،،

دي عربية سنتين تلاته و هتركب غيرها

كل اللي عليك بس تقول تجربتك بحيادية بدون تهويل و بدون تقليل

**max9500** · 30-05-2009 04:25 PM

انا معاكوا في الحرب بس كمان كام يوم لحد ما استلم الفيرنا بتاعتي , و اكون معاكوا في كل المعارك و بصراحة و اقولها هيونداوي و افتخر . و عايز اعرف رأيكوا عن عروستي الفيرنا الجديدة .

**sameh.acc** · 30-05-2009 07:26 PM

اية يااستاذ شبح ... حضرتك بتتكلم على اساسا اية يعنى ... هيونداى بتعمل عربيات لجميع الفئات بجميع الاسعار فيه منها المعقول وفيه منها الفظيع ولو هنتكلم عن هيونداى كشركة حضرتك بتقلل من شأنها ياريت حضرتك تبص ع الجينسيس اللى بتنافس البى ام برة وسلملى ع الثبات والأمان و الكماليات و الرفاهيه .... اما حضرتك تقارن يبقى تقارن موديل معين ومش من فراغ المفروض تقارن عن تجربة شخصية وطويله حضرتك مش هتكون يعنى عارفها اكتر من ملاكها اللى عاملين بيها 10000 و 20000 و 100.000 كيلو حتى وعن نفسى انا معايا النترا والعربية ثابتة جدا بدون جنوط اكيد بالجنوط هتبقى احسن بس مش معنى كدا انها مش ثابته بدونهم وياريت حضرتك متنقلش كلام سمعته او على لسان حد بدون متتأكد ....
( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )