-
مشكلة في فتيس العربية
انا عندي عربية اكسيل موديل 1998:_Alshmokh11:
المهم الفتيس عندي بيعمل حاجات غريبة
اولا الفتيس مش بيجيب الخامس ( مش بيرضى يخش الحارة بتاعت الخامس من الاساس )
ثانيا الغيار الثاني بتاع العربية مش بيخش الا لما تتعافى عليه ( فيه خشونة كده بس مش بيزعق )
و الغيار الاول ابتدا يعمل نفس الحركة
مش عارف ايه الموضوع
-
ممكن تكون قاعدة العصاية بوشت او الوصلات بين العصاية والجيربوكس بوشت او الفورك بتاع الجير بوكس بوش
-
اولا شكرا ليك يا استاذ سبعاوي على الاهتمام و الرد
ثانيا
انا معنديش خبرة في الحاجات دي
فلو فيها رخامة
ممكن حضرتك تبسط لي الدنيا و تقولي اعمل ايه
و لو الموضوع هيتعبك فـ بلاش
و شكرا لحضرتك على الاهتمام
-
الفكرة ببساطة ان الجير بوكس موجود داخل غرفة المحرك بعيدا عن يدك
لذلك فان العصا الموجودة بجوار يدك موصولة بالجير بوكس بمجموعة من الوصلات
تنتهى بمسى يسمى شوكة او فورك وهى قطعة مسئولة عن تحريك مجموعة التعشيق من نقلة الى اخرى
الفورك لها حركتين، حركة دائرية حول نفسها هو التى تحدثها انت عند تحريكك للعصاية لليمين واليسار لاختيار حارة النقلة، ولها حركة اخرى للأمام والخلف وهى التى تحدثها انت عند تحريكك للعصاية اماما وخلفا لتبييت النقله
فلو ان المفصلات التى تعتمد عليها العصاية او الوصلات بين العصاية والفورك او مفصلات الفورك نفسها تآكلت مما يؤدى الى انها (بتلق) فده يؤدى الى عدم دقة النقلة ، يعنى ممن تدى تالت ييجى اولانى مثلا، كما ان الوصلة الموجودة بين العصاية والفورك لو اتعوجت لاى سبب(مطب او رفع خاطئ للسيارة او اى شئ مثل هذا) فده بيؤدى ان العصاية اللى تحت ايدك توصل لآخر مشوارها يمينا او يسارا في حين ان الفورك بالمقابل مش واصل لآخر مشواره فدى يخلى الخامس او المارشدير او الاول مثلا ميجوش بسهولة او ميجوش خالص
عل
شان كدة لزام ميكانيكى يراجع لك كل وصلات الفتيس من أول العصاية لحد الفورك
Content Relevant URLs by
vBSEO 3.6.0 PL2